【網遊】詩聖神話: 第六十章：只要在一起

我不敢相信，眼前這個可愛的女孩就是往日的琉璃。 

我亦從沒預料過，琉璃會是個如此嬌俏可人的美少女，雖然就算樣子平平我也會喜歡她，但如今的琉璃讓我十分驚喜。 

想當初我從來沒對有生之年可以看見琉璃現實的樣子抱有一絲希望，我覺得只要她一直以那個時候櫻色長髮妹子的形象在我身邊就夠了。 

但可惜，星域關服後我就和她斷絕聯絡了，就連她的聲音都再沒聽到。 


『葉月就係......琉璃......』我雙手黯然一震。 





『恆？』 這刻我沒再能忍住，這三年來壓抑著的的思念一次過爆發出來，狠狠地把她抱住。 

『恆？你做咩突然......嗯！』葉月感覺到我雙臂收緊，嬌軀一震：『做咩突然抱住我呀？』 

我猛然醒覺自己做錯了事，但我沒有放開琉璃，因為我不想再次失去她。 

她柔聲道：『點解你聽到我講嘢會咁大反應嘅？』 

我想她大概猜到我的身份大半了。 





『我好想你啊......琉璃......』我將收在心底的真心話說出來。 

我原以為遇到雪晴後這份情感不會再被挖出來，怎知道上天居然讓我重遇琉璃，穌哥佛祖你們這玩笑可開大了。 

『係咪......真係小語？』葉月嘗試整理思緒。 

我沒有直接回答，只是輕輕的拍拍她後背。 

『小語......我都好想你啊.......』葉月說著八點檔的經典對白，把頭深埋在我的肩膀，難掩那思念之淚。 





我很快掃瞄腦中那些乙女遊戲和言情小說的台詞，想著琉璃會喜歡哪種個性。最後我選了句保護慾滿分和用到爛的台詞，不過琉璃應該不會介意的。 

『我不會再放手的，睇你點不辭而別。』 

『小語你嬲我？』她說。 

我故意說反話：『係啊，我好嬲你啊，我真係好嬲琉璃你唔返嚟搵我呀！』 

她破涕而笑：『知道啦煩 ~ 我宜家返嚟啦。』 

『點解你之前唔搵我？你唔係有我聯絡方法嘅咩？』我佯裝發怒。 

『だって，我唔知點算好啊，我好驚一切會完結，所以唔想面對你。』她黯然神傷。 





『點會啫！你唔記得我哋係同其他人唔同嘅咩！』 

『因為......因為我哋嘅一切都係喺嗰個世界發生，我怕當嗰個世界消失，我哋就會失去所有的緣份......』她愈說愈小聲：『我唔想知道小語你放棄我呀！』 

原來琉璃想過那麼多嗎？ 

『ほら，你睇吓我宜家有冇唔記得你？』我安慰她說。 

『其實仲有一個原因，我其實好想見你，但係冇人相信我哋呢場網戀可以發展到咁深，屋企人驚我遇到衰人，所以唔畀我嚟，我唔想佢地擔心。』 

琉璃現實是個如此愛家的好女孩，相反我當初為了我的去留還和父母吵了一頓大的，而且他們更因我而讓步，每個月寄生活費回來，真是慚愧。 

『佢哋根本唔知我哋發展嘅地步已經超越咗一般認知。』 

我說：『萬一我真係個呃你嘅肥宅呢？』 





先對不起天下眾多宅男們，我沒有惡意的。 

她堅定地說：『就算小語係個宅男，都係個溫柔嘅宅男！』 

多謝琉璃你相信我。 

『點都好啦，我終於可以見到琉璃你，實在太意外了。』我雙手移到她腰，這樣我們就靠得更近了。 

『我都係 ~ 』她說：『而且我冇唔記得當初嘅約定。』 

『約定？』 

『唔記得啦？我哋應承過對方一定要見對方一面架！』她轉而落寞：『不過所有事都去得太快啦，我唔夠膽搵你......』 





對了，琉璃說過其實她也很想在現實中見我的。 

她自責道，聲音突然沙啞：『私のせいで ......係我對小語冇信心......』 

我輕撫她的秀髮：『傻妹，你咁嘅我都係啦，等我仲驚你以為我淨係掛住食咗你。』 

她不悅道：『あなた！又諗衰嘢啦！』 

我擺出一副若無其事的樣子，琉璃在我懷抱中跺腳。 

『咁我宜家算唔算喺現實見你呀？』我們可身處在月神殿中咧。 

『小語你嘅意思係......』 

『我想知宜家見到嘅你係咪同現實嘅你一樣，』我補充說：『嗱，呢個世界可以稍為改變自己容貌架。』 





『一樣喲 ~ 』 

『欸？』 

『哩三年我都將小語你嘅情感掩藏，我過得好辛苦，直到天道開服，就好似畀多個機會我重新搵返你咁。』她語絲輕盈。 

『開服係機會？』 

『嗯！』她淡淡一笑：『因為我知道以小語嘅能力，你一定唔會錯過哩個神奇嘅世界，所以你一定會嚟。』 

『而我可以做嘅就係登上顛峰令你留意我，所以我保留咗自己個樣，就可以同小語見面啦。』 

『本來我諗住轉髮色做櫻花色，等小語你認得我，不過我想改變一下形象，所以就用啡色啦。』 

那麼說琉璃真的是個美女囉？ 


她驀然抬首，我們兩人情深款款的注視著對方，琉璃的眼睛就像有種魔力一樣吸引著我，感覺迷醉得不能從她閃爍有神的雙眼移開半步。 

不久琉璃的雙眼徐徐閉上，頭靠得愈來愈近，期待著某件事的發生。 

下一秒，我做了一個大膽的決定，我迎上琉璃的嘴唇，淺嘗一口這片迷醉，唇瓣觸碰之際，那壓抑的愛意一瀉而出，頃刻間只想永永遠遠就這樣與她吻著。 

我對琉璃的情感像個無底深潭，這使我將情慾不斷地發洩在她身上，引領著她的小舌頭攪動，進行著這個唾液交換的過程。 

琉璃被我吻得嬌喘連連，小嘴一開一合，身體輕輕顫抖。 

唇分後琉璃卻意猶未盡，一雙眼睛痴痴地看著我，期待任由我擺佈。 

『對唔住啊，第一次見面突然就要kiss。』我道歉說。 

她靜靜笑道：『小語你一啲都冇變，同以前一樣都係咁鍾意道歉。』 

『對唔住呀，咁......咁我擔心琉璃唔開心吖。』我手指撓撓臉頰，靦腆地說。 

『睇下！又嚟啦！』這次不再只有我摟著她，琉璃亦漸漸回應著我的擁抱。 

『以後唔可以再一味道歉架，知道冇？』 

『係嘅，我知錯啦。』我說。 

琉璃對我的回答卻不甚滿意：『又嚟啦！』 

那你想我說什麼了？ 

『好啦，你就嚟煩過做人老母啦。』 

『我唔係你老母，不過我係你老婆 ~ 』她笑得很甜，像是女生食完甜品覺得大滿足的樣子。 

琉璃這個笑容已經是我最美的甜品了吧...… 

如果我沒有遇到雪晴的話。 


『琉璃，有件事的想同你講。』我不能忍受這種瞞著女孩的罪惡感。 

其實如果我打從開始不會那麼容易愛上一個人，或許比較好過。 

先是雪晴，再來雨煙，現在是琉璃，難道世界上就沒有Key君的全員幸福完美結局嗎？ 

『小語，幹嘛了？』琉璃好奇地看著，眼珠骨碌骨碌的轉，這只會讓我的罪惡感無限放大。 

『我......我唔可以再鍾意你啦。』我坦言。 

琉璃雙目無神，呆立當場，這雙眼睛中赫然感覺到有一絲迷罔：『小語，點解......點解要咁講呀？』 

她像是咽喉被堵住一樣，害怕得快要發不出聲音。 

縱然對琉璃來說才剛重遇就要被甩應該很沉重，但我不希望這段關係一直糾纏下去。 

『因為，我鍾意咗其他女仔。』 

這十個字在琉璃耳中聽起上來是她的死刑判詞，她壞掉了，眼神變得空洞無光，小嘴久久難合。 

『啫係話，小語，放棄我？』她斷斷續續說，抱緊我的雙手漸漸放鬆。 

『我從來都冇諗過放棄你！』 

『點解，點解，小語你要畀希望我？等我以為終於可以一齊。』她喃喃道，目光散亂。 

『我只係......』 

『我唔聽呀！我唔聽呀！』她不讓我說下去：『我就係唔想由小語口中聽到呢啲嘢先冇再搵你呀！』 

『琉......』

『我唔聽呀！我唔聽呀！』

有紳士(變態)說過讓女孩住口最好的方法，就是堵住她的嘴唇。 

這時應該唱句『吻下來，豁出去』吧。 


我把頭湊過去，擁著她一吻，琉璃被我突如其來的小動作嚇得不敢作聲，一排雪白的牙齒更是怕咬痛我而藏在緊閉的唇瓣後方。 

神殿只剩下我們兩人，這麼一堵頓時回歸沉默。 

起初琉璃完全拒我於唇外，不讓我有下一步行動，後來她放下心防，激烈地回應著我的舌頭，我們第二次接吻了。 

臉頰......有點濕......而且澀澀的...… 

我張開雙眼，嘴裡依然配合著琉璃的激情，但我看到她哭得梨花帶雨。 眼淚流下她的眼眶，流過她顴骨的地方，流到我的臉頰，最後滴在我雪白的皮甲上，留下一點小水跡。 

『琉璃......』我抽開嘴唇，低聲喚道。 

『吖！』她嬌叱：『對唔住呀，我一時間控制唔到自己......』 

『冇事就好啦。』 

她冷靜下來，苦澀地笑道：『其實，我早就預料過有呢種情況架啦，不過原來我都係接受唔到。』 

『早有預料？』 

『嗯，我係度諗，小語到底係個點嘅人呢？咁識氹人，可能現實嘅你已經有女朋友都未定，』她抹乾眼淚，續說：『就算將來見到你，你真係有女朋友都好，小語就係小語，一直都係當初同我一齊打副本，一齊食藍河蟹湯嘅小語。』 

『嗰陣我決定咗，我會一直喜歡你。』她強顏歡笑。 

『我以為自己可以做個聖人，點知到頭來只係一個普通的女人。』 

好沉重，真的好沉重，但又似曾相識。 

好啦，見你對小雪兒一片真心我就唔強求你啦，不過我只係希望我可以成為你同小雪兒中間嘅第三個人，我一啲都唔介意。  

對了，雨煙曾經說過類似的話。 


『琉璃，咁苦咗你了。』這是我唯一對決心那麼大的女孩能說的一句。 

她溫柔地說：『ただあなたと一緒なら構わない。』