【網遊】詩聖神話: 第五十九章：網遊戀人
葉月說：『我就係櫻琉璃，星域最後一場公開賽畀清語壓倒性實力擊敗嘅亞軍，同時我同清語喺星域入面係......戀人。』
我呆立當場，葉月輕柔的卻語絲有如晴天霹靂，直教我不敢相信。
葉月是櫻琉璃？是我當初朝思暮想的櫻琉璃？
---------------------------------------------------
三年前，我的房間。
『叮噹。』有人傳來一條密語。
我掃視著對話欄，那人的密語很快就被『徵女友』和『求包養』的訊息掩蓋，花了幾分鐘才在茫茫訊息海中撈起，這時她等我回覆等太久又傳來另一則密語。
櫻琉璃：我啱啱放學，宜家上嚟搵你玩啦 ~ ( 笑 )
櫻琉璃：做咩唔應人呀......あ．な．た ~
櫻琉璃突然對我撤嬌，我腦補她仿佛站在我身邊然後對我耳根吹氣，光是這樣幻想耳朵就敏感到不得了，酥軟到骨子裡去。
櫻琉璃：定係我應該轉個方法叫你呀......真係冇你收，咁得唔得呀，旦．那．様 ~
不行了，這一句無可抗力呀！
琉璃是我的女朋友，我們互相告白後開始了這段關係，不過跟其他情侶不同，我們都沒有見過對方，或者有吧，在街上可能會碰到，但碰到又如何？我根本不會知道她就是琉璃。
所以即使我們是情侶，我甚至連『她』是個大叔、人妖還是醜女也不清楚，一直以來她出現在我身邊的形象都是我憑遊戲中的樣子腦補的。
當然我希望琉璃現實也是個美人啦。
我明白在網遊世界提及現實身份是禁忌，縱然有幾次在不以為然的情況下我嘗試問她現實世界的事，但她對關於自己的細節避口不談，日常生活的瑣事卻毫不猶豫與我分享，我也不強求她，至少從她的日常軼事中得知她一定是個女孩。
除了做愛做的事以外，所有情侶間的行為我們都做過了，怎樣做？當然是用清語代勞了，那我們算是半個柏拉圖式戀愛吧。
一般人徵女友求包養的目的不外乎是狗公想呃蝦條和女生想有人送裝備，但這件事我們都沒做過。我和琉璃的相遇只是普通不過的組隊，直到互稱戀人前都沒有為對方送上任何明顯的著數，所有的強力裝備是一起協力打出來的。
說到底，我們是對在遊戲中的情侶，但又有些微妙的差別。
我的手指有節奏地在鍵盤上下律動，『答答』的敲出了明快的音律。
清語：琉璃，咁我係咪應該叫你老婆呀？ ( 譏笑 )
櫻琉璃：作死呀你！我先至唔老呀！哼！ ( 怒 )
琉璃最後的『哼』出賣了她，我知道佢唔係真嬲。
清語：過嚟啦 ~ 我喺藍河城，等我好好陪吓你個小公主啦 ~
櫻琉璃：唔理你啦！哩頭話完我老，嗰頭又話我公主病，衰人 (╯‵□′)╯︵┴─┴
清語：僕のかわいいお嫁さん，鍚返就唔嬲啦 ~
雖然肉麻得自己也打了個寒戰，但正所謂戀愛會降低智商嘛，琉璃應該很受落。
櫻琉璃：真係吖，咁口花花都有嘅 ~ (〃 ∀〃)
清語：欸，琉璃，我可以有個小請求嗎？
櫻琉璃：いいよ，即管問啦，女朋友係無所不能架！
清語：我想......我想聽聽你把聲....…
不知她會有什麼支應呢...…
櫻琉璃：旦那様は......私の声が......聞きたい...… (〃 ∀〃)
琉璃害羞的時候就會用動畫學回來的日文答我，她說覺得用母語廣東話太有個性了，比較不好意思。
清語：琉璃？可唔可以呀？
櫻琉璃：但係......我怕小語你聽到我把聲會...…
我的名字是清語，所以在琉璃沒有用旦那様和あなた這種害羞稱呼的時候總是叫我小語。
這時候我應該安慰她，給她點信心吧。
清語：唔使咁驚，我知道琉璃你把聲一定甜死人架。
我打完這句突然覺得自己有種氹妹妹仔上床的罪惡感。
櫻琉璃：但係......好似好羞恥咁喎...…
她還是抗拒嘛，那我也不強求了，勉強無幸福，再說下去我怕我會跟呃蝦條的狗公沒兩樣。
櫻琉璃：如果旦那様真係咁想聽嘅......我都冇所謂嘅...... ( 掩面 )
成功了！我們終於......咳咳咳，冷靜冷靜，不要被帶得太遠了。
我快速在腦海模擬幾句如何邀請女生call in，然後在鍵盤上隨便敲幾下。
清語：那，琉璃你有skooe嗎？
櫻琉璃：畀我睇下先...…
睇下？琉璃到底是多久沒用skooe了？不過我這種半隱閉的少年沒資格說三道四就是了。
我默默地等待著琉璃的回覆，雖然只有幾分鐘，但想著快要聽到琉璃的聲音就變得心癢難耐，時間過得很慢。
櫻琉璃：好似有呀，你要我call in 你嗎？
清語：嗯，名字跟遊戲名一樣，很易找的。
我再沒收到琉璃的回訊，期待著與她首次真正的對話，心臟跳得誇張。不久，skooe的提示聲響起，有人call in 了。
我滿心期待地打開，這時一個叫櫻琉璃的人來找我。
琉璃......我好想你啊...…
『咳咳，聽唔聽到？係咪小語呀？』琉璃的聲音超級溫柔，犯規般的可愛啊！一百分！
我自動腦補，想像出一個我們兩人依偎坐著約會的情景，琉璃靠在我身上，櫻髮輕撫著我的手臂。
『嗯，我喺度。』
『良かった，我終於、終於都聽到小語你把聲啦 ~ 』琉璃有點感動，高興得哭起來。
『對唔住呀，突然同你提出啲咁嘅要求。』我道歉。
『嗯，』琉璃搖搖頭：『因為，我都好想聽到你把聲。』
『咁就好啦。』她願意的話那我放心多了。
『小語。』
『做咩呀？』
她清清嗓子，然後說：『你覺得......我把聲點呀？會唔會好奇怪？』
我否認：『唔會唔會！琉璃嘅聲線真係好好聽呀，而且聽得好舒服！』
她鬆一口氣：『咁就好啦，我仲驚老公你會唔鍾意添。』
『傻妹，對自己有啲自信先得......等陣，你叫我咩話？老公？』我傻眼了。
『小語係咪唔鍾意我咁叫你呀？』她一抽一抽地說，像是要哭的感覺。
『唔係！我只係、只係......』我一時間想不出用那個形容詞，突然靈機一觸：『呀！只係小小怕羞乍！』
『但係我之前叫小語你做旦那様同あなた你好鍾意喎，明明都係一樣意思。』我能想像到她鼓起小嘴表示不滿。
『兩樣嘢都唔同！而且我覺得用廣東話講老公有啲......色情。』我心中有愧。
『小語你個變態！叫你唔好成日睇埋啲鹹濕嘢啦！』琉璃憤恨自己沒有管好我：『你再係咁我就上你屋企睇實你架。』
『我發誓我咩都冇睇過！』
『你有呀！』琉璃雖然有少許責罵之意，但在她可愛的聲音加持就如大小姐的威嚴一樣偉岸。
『你咪上我屋企囉，反正我好想見你。』
呃，說錯話了，難道第一次有女生call in 就要樹立輕挑形象嚇跑她嗎？我不要呀！
『欸？』她被我一言嚇倒，臉蛋紅紅：『原來小語你同我一樣都想見......』
慢著，原來琉璃也想見我？
『琉璃？』『係？』
『真係好對唔住呀，我又講咗啲唔啱聽嘅嘢。』我第二次道歉。
『嗯。』琉璃只簡單答一句嗯，她生氣了嗎？還是不知道如何接下去？
Skooe的call in房間陷入一片沉默，想不到兩人在遊戲中暢所欲言，直接對話反而有點不自在。
『琉璃，』我打破沉默：『你咪問我點睇你把聲嘅，咁你又點睇我呀？』
琉璃被這條問題考起了，稍為思考再說：『感覺同平時一樣咁囉......』
『啫係點，普通？』
『小語唔好急啦，我好努力諗緊形容詞啦，』琉璃嬌嗔：『我覺得小語同平時一樣，都係咁溫暖，軟綿綿咁好舒服囉。』
我堂堂一個發育正常的男性竟然被琉璃用軟綿綿來稱讚自己的聲音，讓我哭笑不得。
『琉璃你鍾意就好啦。』我放下心頭大石。
房間回歸沉默，我們兩人都太緊張了，實在編不出話題。
『琉璃老婆，我哋今日做咩好呀？』我幾度掙扎終於放膽開口。
『我冇所謂，』她是個很容易滿足的女孩：『只要可以同旦那様一齊我就好開心啦......』
就算這只是演技也好，我也好想你啊...…
『咁就一齊清曬啲副本佢啦。』我提議道。末期遊戲的共通點是已經發展出一套完善的副本系統，讓玩家的裝備有一個清晰的目標且更快跟上大隊。
『嗯。』她淺淺一笑。
『叮噹。』這時聊天室又來了一個人。
『喂！點撚樣呀？死得未？』這把聲口沒遮攔，肯定是智障沒錯。
『未死得住。』
『小語，邊個嚟架......』琉璃第一次聽到我以外陌生男性的聲音，顫抖地說。
『咦，乜水？』我相信智障已經知道琉璃是個女孩子，但仍然改不了口沒遮攔的習慣。
我沒有向他介紹琉璃，因為倘若他知道我與一個女孩聊天的話他的嘴巴一定會更放肆。
『哇屌！乜原來有個女仔喺度呀？』大哥當我拜託你了，不要在琉璃面前講粗口啊！
『はい，我係小語嘅老婆，我叫櫻琉璃，請多多指教。』琉璃像日本人一樣有禮貌地打招呼，果然是我的好琉璃。
『唔係啩！喂，恆仔你幾時有老婆架？』他頓了一頓，不解地問：『咪住先，櫻琉璃？個名咁奇怪嘅？仲有小語又係邊位？』
『我宜家唔得閒，下回請早！』我急急送客。
智障恍然大悟：『欸......我諗我嚟得唔係好啱時候，我都係走先。』
『好行唔送！』 他九秒九的速度離開了，群組剩下我和琉璃。
『あなた！點可以咁對人架！至少都要有禮貌啲啦！』琉璃擺出老婆的架子說教道。
『唔使理佢喎，智障係咁架啦。』
『講完又嚟啦！仲要叫人做智障，你唔聽話我以後都唔啋你！哼！』琉璃嬌哼一聲。
我辨解說：『冤枉啊老婆大人，咁佢叫智章吖嘛，唔叫佢智障叫咩喎！』
琉璃被我逗樂了，噗哧一笑：『智章，智障，又真係幾似嘅，不過小語你唔可以咁冇禮貌趕人走架！』
我乖乖的認錯，想不到智障的出現會打破我倆的沉默。
這晚我和琉璃一直在聊天室中聽著對方的聲音，然後把所有副本都刷了一遍，就算用盡話題也好，只要輕輕呼喚對方的名字，心裡就有一道甜絲絲的暖流。
( 作者：打這篇的時候腦袋不自覺將對白轉做我那看動漫回來只有半桶水的日文，所以日文好像有點多...... )