【網遊】詩聖神話: 第五十四章：月神殿
『作死呀你！正契弟！』葉月一支重炮五雷轟頂，痛得我哭爹喊娘。
『你咪用支大碌鐵打落嚟啦！』我幽怨地說，左手撫著被她一棒轟下的頭頂。
『哼！』她不爽道：『你再玩我吖！信唔信我打到你變肉醬吖嗱！』
葉月的臉蛋氣得漲紅，看樣子她是來真的！
『係嘅，唔玩嘢啦。』我放棄了，然後喃喃自語：『小氣 ~ 』
『吓？』她擺出一副臭臉：『你頭先話邊個小氣呀？』
她聽到的？
『我果然信錯你呀！』葉月又送我一下重炮五雷轟頂，這次甚至連系統也判斷為有效攻擊，血條削減了一點。
為什麼我遇到的盡是暴力女？
我轉移話題：『你唔係話有任務要我幫手做咩？』
她驚呼一聲：『係喎！要同你組隊先......』說著她就發來了邀請。
『系統提示：玩家葉月邀請你加入隊伍。』
我毫不猶豫接下接受後她有點詫異：『哦，乜原來你就係排我後面條廢柴呀？』
『係呀......』我沒意思去管『廢柴』兩個字。
她很快回復正常，手上亂指一遍，在她的視覺應該是在某個視窗中不知搞什麼。
『系統提示：玩家葉月與你共享任務『月神殿』。』
月神殿？聽起來算是個獎勵不錯的任務。
『搞掂，快啲行啦，費事畀星雨個死妹釘追到我哋呀。』她不忌諱拉著我手前進，我被她這突然的一拉險些害得跌倒。
-------------------------------------------------------
『欸，葉月，其實點解你對星雨咁大反應嘅？』我和葉月踏上尋找那個『月神殿』的路上。
『切，嗰個死妹釘，』她咬牙切齒道：『無論我殺佢幾多次都仲要係咁追住我，我就嚟畀佢煩死啦！』
『無論......殺佢幾多次？』
『嗯，數埋我應該都殺咗佢有五次以上，但係佢仲係唔肯放棄。』
五次......以上？話說回來我在天榜上根本就沒看過有個叫星雨的人，難不成她由頭到尾都沒進過？或者只是我沒在意嗎？
不論如何也好，星雨被殺了五次以上大約跟智障差不多吧，但她的突襲竟然會讓我招架不住，這一定內有乾坤。
搞不好是特殊技。
『佢一直由星輝城追我追到哩度，途中施襲過幾次，仲差啲殺到我，不過最後都係我贏。』
『星雨都係由星輝城過嚟？』又有一個無聊人。
『你撞聾呀？使唔使我打你一身等你聽清楚啲呀？』她亮出白嫩的拳頭裝兇作勢。
『冇，聽得好清楚！』這人真是麻煩。
『咁你都打得贏仲要我做咩呀？』
『白痴！我幾時話要你保護啫！係都我保翻你轉頭啦。』她又損我一次：『何況，我都話只係想補償你乍......』
『星語佢嘅目的係咩呀？』
『正如我所講，係一個阻止我任務嘅任務，而且個死妹釘可以咁有自信追我咁耐，完全係因為佢有一樣殺手鐧。』她認真起來。
『殺手鐧？』 她不解地問：『你唔係同佢交過手嚟咩？有冇感覺到佢有咩特別？』
特別......？又好像沒什麼，不就是一般刺客的打法嗎？
『有咩特別呀？』
『佢每一擊之後一定會重新暱埋，你冇留意咩？』她瞪大雙眼。
雖然刺客有隱身和替身兩個增加機動性的技能，但總不能過分依賴，野外戰鬥最重要的是善用地形，這不是很明顯嗎？
『好平常啫。』
『絕對唔平常！佢每一次由我視線離開之後嘅攻擊都強好多架。』她糾正我說。
『你懷疑星雨嘅殺著就係一種由暗處發動攻擊會大幅提升攻擊力嘅技能？』
她乾咳幾聲：『恐怕就係啦。』
『系統提示：你有一個新訊息。』
邊條粉腸阻人媾女！
『葉月，我接個信息先。』我垂頭喪氣地說。
『哦。』
智障：你條死仔宜家喺邊？
屌，本來想著如果是雪晴她們的話我就不以為然，誰知道是智障，我馬上萌生邪惡念頭，至今要他葡萄一下。
我：仲喺嗰度，宜家同葉月玩緊。
智障：..................…
我：怎麼了？
智障：送你一個字。
我：幹麼？
智障：『屌你』。
計畫通！你就自己一個在城裡面葡萄我吧！
『邊個搵你呀？我拉住你會唔會麻煩到你架？』想不到葉月也會有為人設想的一面，其實我覺得這女孩只是率性一點，無傷大雅。
『唔使理佢，我老死啫。』
『乜係咁呀......』她好像在思考什麼：『其實，我去同佢道個歉會唔會好啲呀？』
『唔使，佢條友見你係女就點都嬲唔落架。』這的確是事實。對不起，智障！我擺你上枱了。
『真嘅？』
『何況佢都係個正直有骨氣嘅男人，嬲女仔啲咁小氣又成個女人咁嘅事佢做唔出嘅，放心啦。』我送她一顆定心丸。
『大男人！』她不滿地哼一聲。
『喂！邊個大男人呀！』
葉月做了個鬼臉：『你條正契弟囉！仲有呀，唔好講到女仔咁頹廢至得架，白痴！』
如是者，我又吃下一下當頭棒喝，當然，用的不是棒，是葉月那鐵硬的重炮。
嘻嘻哈哈鬧過後是時候做正事，我轉而問道：『欸，咁你要去嘅地方喺邊呀？』
她深思了一會，然後說：『其實我都唔係好清楚。』
『啥？』我大吃一驚。
『由星輝城一路跟住線索喓到嚟哩度，之後任務就冇再提示啦，不過我可以肯定我要搵嘅地方應該就喺哩度。』她淡然說出我不想相信的事。
斷線任務也有啊？官方那群傢伙腦袋有洞嗎？
『唔信你可以睇吓個簡介。』她竟然不負責任起來。
我照葉月的意思調出任務介面一看，赫然多了一個之前未見詔的欄目。
月神殿 ( S級任務 )
簡介：受某個奇怪來者所託，尋找月神教團的神殿所在地，並回收聖物『朔月晶石』。
月神教團？ 朔月晶石？這個任務聽起來也有點古怪啊！簡直和白婭的委託是同一種級數。
『睇你個樣都應該明我講咩啦，銘恆。』葉月見我一臉迷惑隨即附和。
『即係話你搵唔到月神殿入口所以順便打怪當練級？』『嗯。』
還要我幫你解謎啊...…
『你話斷咗線索，係咪真架？』又要動腦子了，真麻煩。
『嗯......的確嚟到哩度之後就再冇資料，但係之前仲有一樣嘢未用過。』
『係提示？』
『唔知係唔係提示呢......嗰樣嘢係十六個字。』十六個字？
『講出嚟聽吓。』
『我講啦。皎月為名，聽神為命。跪天之女，抱掌作令。』她吐出十六個鏗鏘有聲的字。
奇怪，每一隻字我都懂，但是為什麼我理解不了？
『有冇頭緒呀？』她低聲下氣地問，這個樣子令我忘記她不久前才胡亂對我開炮，現在的她可以說是一個賢惠的女孩。
我唯一可以做的就是失望地搖搖頭。
-------------------------------------------------------
現實的一日等於遊戲中的三日，所以兩人正在迷罔之際天色慢慢暗下來，已開始入黑。
這段時間雪晴她們回來了，還發訊息問我要不要一起打，不過我跟她們說有點事要做就推掉了，起初雪晴還有點鬧別扭，後來她拋下一句『明日一定要陪我』就嚷著傾城帶她玩，說什麼法師清怪快比較爽。
『咁我哋真係做唔到？』她擦了擦炮管，這時地上躺著一隻長牙虎。
『喝！』我對奄奄一息的魔物揮出最後致命的一劍，長牙虎化作點點星光散去，而我亦將單刀收入梢：『成個山頭行過曬都唔見有，會唔會係你之前解錯謎呀？』
拍檔換了葉月，獵殺魔物的進度提升不少，所以我早就升上三十三，難得兩人可以聚在同一個小隊裡，這是何等壯觀的風景！
『絕對唔會！』她臉紅耳赤地喝道。
圓月高掛，皎潔如雪，這個世界會重現不同時間出現朔月圓月的法則，但這晚剛好是月圓之夜。
假若白狼族是狼人我這時是否應該迴避一下？
同伴葉月轉了好幾圈，狼紋石進帳了幾塊，可是採過的礦點都沒有刷新，要儲齊白河需要的數量有點難度，至少這晚是搞不定的了。
圓月的光輝照在路上，亮度足夠照明，大路上沒有任務樹木蓋頂，月光毫無保留地傾灑在上面，亮得像是一面鏡子般將月光反射回去。
點點沙石在雪白的光華下映照著不同程度的反射光，看起來道中如鋪滿了無數鑽石，葉月被眼前這副光景吸引住了，陶醉的神情表露無遺。
她果然還是一個女生。
礦石都被我採光了，但泛著白光的基石仍然在原處，在這片月光下頓時映著亮光，這景象是......對了，銀河中的一顆新星，路就是銀河，礦石就是那顆星。
銀河......星宿？又和月亮有什麼關係？
我腦海閃過一絲靈感，嘗試整理一下我的思路。
皎月為名，聽神為命。跪天之女，抱掌作令。
這或許不是玄之又玄的東西，而是對入口的描述，一個口訣？
皎月為名，聽神為命。這兩句的意思當然是月神教拜月為神，而皎月大約是說圓月高掛之時，要到神殿來進行朝拜。
舉頭望明月，低頭......咳咳咳，跑題了，我舉頭望明月，難不成是說月圓高掛的時分？
就當這句行得通，那跪天之女，抱掌作令呢？我仔細在搜索記憶，希望找到一絲線索。
慢著！怎麼覺得這些道路都是有一定規律地排的？
『小月，你身手敏捷啲爬上樹睇吓？』
『我識你好耐呀？小乜月呀！』她白我一眼：『我都未爬過樹......』
『好簡單乍，遊戲入面又有強化你嘅身體。』
她勉為其難答應：『咁我試下囉。』
她爬上一棵樹後我聽到她大叫：『我見到啦！有個位突然光咗呀！』
我追問：『你睇到啲路排成咩樣？』
她靜下來，再答道：『好似有個女仔捧住發光嘅地方......咪住！嗰度就係我哋要搵嘅地方呀？』
對，終於找到了。