【網遊】詩聖神話: 第五十三章：火炮女，火爆女
我仔細看了一眼那個握著火炮的女生，令我有點意外。
這個人就是天榜第一的葉月！
想不到星輝城的葉月居然會跑來這頭來了，雖然說由星輝城過來不是太遠，但一般人不會浪費這種時間千里迢迢跑過來，只有兩種情況例外，第一種是吃飽飯沒事幹。
另外一種是有任務在身。
第二種情況對於一個那麼強的女孩的可能性更大。
當然我更驚喜的是葉月也挺好看。
『邊個！』葉月的氣質讓我看得入迷，但此時她察覺到樹後的動靜向這邊開了一炮！
炮彈的破風聲在我耳邊掠過，緊接著身後一聲巨響，我向後一望，不遠處一棵樹被炮擊打穿了一個大洞，洞口的邊緣還被燒得燻黑。
我屏住鼻息，不敢發一言，要是她打準一點的話那我應該就是那棵樹的樣子了。
『咩人喺嗰邊偷窺？』葉月大喝一句，手中火炮依然對著我們。
我向智障打了個眼色，示意他先別輕舉莽動，可是他回了我一個『放心交給我吧』的眼神，然後自己走出去。
『我哋咁啱經過呢度乍。有冇興趣同我哋組隊一齊打呀？』智障向她招招手。
完全會錯意了啊！我不是叫你搭訕啊！
『原來係你......』葉月垂下頭，我不知道她這用意在哪。
『去死啦你！火炮連擊！！』她發瘋了似的用火炮對準智障連開幾炮，炮管附近火焰迭起。
智障沒有料到她會突然瘋狂攻擊，這一波炮擊都吃下去，衝擊力令他向後滑了幾步，最後仍然忍不住痛倒在地上。
『仲未死？』葉月呼喝：『咁仲好，我問你，係咪得你一個喺呢度？』
她沒有上前，所以未知道我躲在樹後。
『你前面棵樹後面仲有條死仔啊！係佢叫我出嚟架！』智障舉手投降。
你個死白痴！幹麼把我供出來？
『去死啦！』葉月的火炮亮起藍光，將智障的生命終結，同時葉月的名字亦變成淡淡的紅色。
可憐的智障，才升上廿二級就被殺回去了。
『仲有你唔使暱喺棵樹後面啦！你朋友供咗你出嚟啦！乖乖地出嚟受死啦！』她朗聲道，大約是想說給我聽。
這女生怎麼那麼蠻不講理？哪有人一見面就送人上西天？
我也不再躲藏，高舉雙手從樹後走出來，這樣我就站在她正前方，正面一看她的確是個美人胚子，比剛才略看一眼要多美幾分。
『轟雷炮！』她二話不說就開始攻擊，只見她手中的重炮又亮起一道藍光，看樣子是在凝聚能量！
不要什麼也不說就開打啊！
我下意識向左邊一閃，可是她的炮口早已跟上我的步伐，一道激光落在我所在的地方，她早已預判到我跑開的方向！
藍色的激光完全沒有留我切換和弦減傷的空間，我唯一可以做的就是雙手交叉身前作勢擋下，所以最後那道光打在我手臂上，害得雙手一陣酸麻。
看著那由滿血被打到殘血的血條，我被嚇倒了，火炮師果真是一個超高攻擊的職業。
『喂！你等陣先！做乜失驚無神打人呀？』
『你哋鬼鬼鼠鼠暱埋一邊唔方有咩好嘢啦！仲唔係偷窺我！』她怒不可遏地說。
『你真係唔畀我咁啱經過架？』
『咪呃人啦你！邊會有人呢個時候經過呢度呀！』她說得倒是對，這一帶除了突然碰上到刺客之外真的沒有人。
『咁都唔使郁一郁就射人架？』我嘴上正氣凜然，但眼角不時瞄了一下她的一雙纖腿。
葉月像是察覺到我視線所在，心裡一陣惡寒，打了好幾個寒戰，怒道：『你個咸濕仔做咩用咁嘅眼神望住我呀？信唔信我打撚死你個死變態！』
她氣得漲紅了臉，竟然爆出一句粗口。我還以為美女都是不食人間煙火的天使，不過她讓我深深明白到，人不可以貌相。
其實我家幾個可能才是異類也不一定。
她手中出現一件黑色球狀物體，然後火炮後方打開了一個匣子就把黑球塞進去：『火炮轟擊！』
炮彈，也就是那個黑球，黑球從管口搶出，發出一聲震耳欲聾的巨響，可我沒空掩耳，急忙吃了一支藥水再撥動琴弦。
回復和弦！防禦和弦！ 一直以來使招其實都不用喊出技能名字，刺客也可以做到真正的靜默刺殺，只是為了平日有點氣氛又方便操作我才像個傻仔那樣叫出聲。
不過這種時候不容我這樣玩，因為倘若趕不上那我的下場就會跟智障一樣。
沒有了我的呼喝，斷弦之音更突出，響遍整個山區。
炮彈的灼熱傳來，使我險些拿不穩手中的白琴，但總算撐過了她的攻勢。
『你個仆街！仲唔死吖啦！』她還想重來一遍。
我搖手道：『你咪住先，我點會偷窺你呀！你又唔係喺湖邊沖涼嘅仙女！』
弊！一時口快！
『你、你、你個仆街講乜嘢呀！』她瞪我一眼：『你果然係不懷好意！』
『聽我講先......』
『我冇嘢同你好講！』她嬌叱一聲：『你一係嗰個女人隻兵，幫佢殺我，一係就係偷窺我，快啲講！你到底係邊樣！』
我淚流滿面，難道我看起來那麼像隻兵嗎！？給點面子來好不。
『咩選擇嚟架！他知唔知咩叫偷窺呀？』
『得，咁啫係話你係個女人隻兵？你就死翻去同你娘娘報告啦！』她說著又對我開一炮。
我倉忙閃開後說道：『我連你講個女人係邊個都唔知。』
『契弟係咪玩嘢呀？』她擺出一個鄙視的神情：『你個死毒撚都唔方會係個女人男朋友啦！』
我又被她揶揄一遍。
『點都係你靚啲啦。』我快沒氣了。
『唔使喺我面前口花喎，我唔會鍾意你呢種毒男嘅，乖啦，姐姐幫你，唔痛架。』葉月裝出一個微笑，光這種皮笑肉不笑的表情已經足夠殺死無數男人，讓他們成為裙下之臣。
可是我卻不以為然，因為她是個毫不忌諱說粗口的火爆女孩，這個笑容簡直是惡鬼的死亡擁抱。
『我要講幾多次你先明呀......』我已沒氣了。
葉月見我再無閃避之意，終於肯停下來，態度開始軟化：『你、你真係咩都唔知？』
『係呀......』
『你同嗰個追殺我嘅女人一啲關係都冇？』
『係呀......』事到如今我只懂重複同一句回答。
『嗰個女人叫星雨喎，你真係唔識？』
星雨？慢著！這不會就是突然說看我不順眼襲擊我的那個刺客吧？難不成她看錯那些『星雨點』或者『交叉星雨交叉』？
我就覺得奇怪怎麼會有人到這頭來，原來在追殺。
葉月兇神惡煞地說：『你最好諗清楚認真答我，唔係我就送你上西天。』
『又唔係話唔識嘅......』我戰戰兢兢地說。
『啫係呃我啦，去死.......』
『咪住你聽我講埋先，』我滿額冷汗：『我啱啱先畀星雨打完。』
『打完？』
『遇到你之前我先第一次見到佢，仲要突然畀佢攻擊，我完全同佢冇關係。』為了自己的小命我把事情和盤托出。
『真係？唔畀你對佢一見鍾情鬼迷心竅然後為佢赴湯蹈火架？你個毒撚一見女就比人食住上啦。』她質疑道。
我才沒那麼好欺負！好吧，除了對著某個不問事非原由的人以外。
『我呃你嘅你就直接送我回城啦。』雖然我覺得這不算是懲罰。
她高舉火炮，重複一次入彈的動作，嘴角向上一蹺。
『我冇呃你呀！』罷了，我也不想被人暴力送回城。
然後她收起預備好的火炮說：『信你一次。』
原來還有下次嗎？
『不過邊個叫你咸咸濕濕咁望住我啫！』她嬌叱：『所以我冇殺錯你個朋友架，佢個樣比起你仲變態幾倍！』
安息吧智障，你的犧牲我不會記住的。
-------------------------------------------------------
葉月隨後暗生歉意與我並肩而行，火爆的氣焰頓時收歛了不少。
『欸，你知唔知點解佢要追殺我呀？』她這個問題倒考起我了。
『wfc。』我雙手舉起，心裡默念。
她白了我一眼，續說：『冇嘢嘅，我接到個任務要嚟呢度做，而佢亦咁啱接到個要殺我唔畀我完成嘅任務啫。』
這麼簡單？
『做咩同我講？』
『你唔想知咩？』她不敢直視我：『何況我突然間搞到你，我自己都有責任嘅......』
『嗯？』
『我可以同你共享任務嘅......』她像是換了個人一樣：『當補償囉。』
『咁等埋我老死......』最需要心靈慰藉的是智障，如果可以跟葉月組隊他一定很爽。
『咪呀你！』她喝停我：『我唔使佢嚟呀！得你先幫到我乍，星雨嚟到得你可以保住我，而且......』
『而且？』
『而且我剩係想補償你一個。』她嬌羞道。切，用不著性格切換得那樣徹底吧。
『哦 ~ 你想我收你做女兵？』她嬌羞的樣子害我忍不住冒著生命危險調戲她。
『作死呀你！正契弟！』她一支重炮五雷轟頂，痛得我哭爹喊娘。