曾經同一個女仔大戰咗幾年: 39

「佢黎緊架啦，好快到。」我急忙說。 


「喔⋯⋯咁就好。」她一臉期望的樣子，使我更加有罪惡感。 


「我去個廁所先呀。」 


我借故離開後，又開始瘋狂的打電話。我簡直覺得自己進入「月尾追quota」的保險佬狀態，一股作氣的，快要將忌廉的電話打爛，可是仍然沒有人接聽。 





「你所打嘅電話號碼，暫時未能接通......」 


「你所打嘅電話號碼，暫時未能接通......」 


「你所打嘅電話號碼，暫時未能接通......」 




我都快要急死了，到底他在哪裡呀？ 


我不能離開她太久，結果過了一會，我便要回去。

「你去咁耐嘅？」 




「係呀，腎虧嘛⋯⋯」 


「哈哈哈.....我發覺其實你真人都幾好笑。」 


「我不嬲都好笑。」 


「唔係呢，你網絡世界入面都唔係咁樣嘅，比較沉默。」 


「每個人現實同網絡都唔同架啦。」 




「咁忌廉呢？佢一樣一樣？」她靠近托頭問。 


「佢又好似無乜唔一樣，佢不嬲都係咁怪。」 


「你點解成日都話佢怪嘅？」 


「因為佢真係怪。」 


我已經不太清楚自己說什麼，因為心中早已焦急得要死。 




忌廉呀，你在哪裡？ 


「不如.......我地去睇場戲呀？」 


「睇戲？」 


「係呀，你有無咩戲想睇？」

「但我地唔洗等佢咩？」 


「佢遲到嘛，等返我地轉頭都好應該啫。」我說。 




這已經是我所想到最好的方案，也能掙取最多時間。 


希望完場時，他會出現。 


「我地真係唔等佢呀？」 


「咪鬼等啦，畀個教訓佢嘛，你想睇咩？」 


原先我也害怕她會察覺到有什麼不妥，但幸好好像沒有，她很好就選好一套電影，我們就入場觀看。 




入場前，我已經留了言給他。 


盼望，他醒醒目目。 


完場時，大概七時多。 



「哩套戲都幾好睇呀。」 


「係呀，特別係男女主角嘅交戰。」 


「仲有隻狗呀，哈哈哈。」 


我望一望手機，一個電話也沒有。 


媽的，他到底在搞什麼。

「我地而家去搵佢？佢應該等咗我地好耐。」阿琁又再問起。 


「佢.......佢岩岩塞緊車，大塞車......有好多車。」我說。 


我不清楚我到底在說什麼鬼話。 


「多謝你。」她忽然開口。 


「吓？」 


「多謝你講大話呃我。其實我都知佢唔會黎架啦。」她說。 


「下？你一早知？」 


「佢朝早無黎時，我一早知佢唔會黎。」她笑說。 


我有點臉發燙，好像一點被人揭破謊言的小朋友。 


「對唔住。」 


「多謝你就真。」阿琁往我的左邊臉輕輕的吻了一下。 


「無辦法啦哈哈，你幫我畀哩個佢。」她給了我一個紙袋，然後說：「我要返去啦，搭夜船，有機會再見。」 


「咁早走？唔留多陣？」 


「唔洗啦。」她仍然笑著：「今日，我已經好開心。多謝，唔洗送我啦，我自己識搭車走。」 


我還是送到阿琁去搭車，上了巴士後，她從窗口跟我揮手拜別，望著巴士漸漸遠離的身影，我好像被帶走什麼，拿不回來。 



這次以後，阿琁的MSN再沒有登入過，我也從此以後沒有再見過阿琁。