曾經同一個女仔大戰咗幾年: 14

幸好的是，第二天，我已早早上床當個睡寶寶。這一次我輾轉反側數小時後，終於成功睡著，最終能及時起床，準時在樓下等待徐嘉恩。 


我左手冰凍鮮豆漿，右手熱騰騰的腸粉，真是不得了，天下有此兩種兇器，誰能敵我。 


然後，你問那一日的早上怎麼樣？ 


就沒有下文呀。 




因為她根本沒有來。 


為什麼？ 


因為徐嘉恩生病了。 




少了徐嘉恩的一日，除沒有了吵鬧聲之外，總是覺得缺少什麼，那一日算不上是一日，好像不完整的感覺。 


我整日都神不守舍。 


心思好像飄走到遙遠的地方。




「范統。」 


「范統。」 


「喂范統。」 


「喂范統！」 


「呃？」 




教數學的楊老師瞪著我。 


「下咩，成碌木咁，出黎黑板做數。」 


「我想問我可唔可以早落堂？」 


「你痴咩線，而家幾點。出黎做數啦。」 


「唔係呢，我想早落堂呀楊SIR。」 




「原因係咩？」 


「我有個朋友佢病咗。」 


「佢病咗又關你咩事。出黎做數呀。」他的語氣越來越嚴肅，我想他差不多要發火。 


我只好溜出去，經過時輕聲問他：「我做完係咪可以早落堂？」 


他狠狠的瞪了我一眼。
現在的老師那麼惡的。 




放午膳時，我不知不覺來到學校的大門口，望住校門的鐵閘，我想了逃學威龍的劇情，周星星最初進入學校的第一日，也是想逃學，能不能我也...... 


「范統你今日做咩無黎精神咁？」陳心儀在我背後出現。 


「無呀。」 


「係咪因為徐嘉恩無返學？」 


「我係擔心佢咩病。」 




「又唔會死，你放心啦。」 


「你唔會擔心佢有咩病架咩？」 


「通常都係傷風感冒啫。」 


「可能唔係呢。」 


陳心儀搭著我的肩膀（這是她第一次踫我的身體而我是不受傷的）說：「你諗多咗啦，我好肯定。」 


最後我還是捱到下課。 


下課後，我買了一碗白粥，然後放在她家的門口。 


回到家後，再MSN她。 


可是她一整日都沒有上線...... 


不知發生了什麼事呢。