曾經同一個女仔大戰咗幾年: 12

說起來，我還是第一次單獨和女生看電影，猜不到對象就是徐嘉恩。 


雖然只是朋友，但她還是個女生，我苦惱了很久，到底穿什麼才是合宜。 


MK服飾？潮一點？斯文類型？文青？ 


我對著衣櫃呆想大概十多分鐘。 




我決定去問凍忌廉。 


「呃......你覺得如果約女仔出街，點著會比較好？」 


「你......做咩？」 




「無呀，我約咗個女同學出街？」 


「佢有無......你有無......即係點講.....畀錢佢？」 


「痴線，我邊有錢畀佢呀，我地普通朋友約出去玩咋。」 




「我問清楚好啲嘛。」他似乎鬆了一口氣，輕聲地說：「即係唔係啲咩交易。」 


都不知道他在想什麼，思法比我邪惡得多。 


「我上黎幫你！」 


過了不久，果然他真的上門幫我選衣服。


「一定要出奇制勝。」 




「咁即係點？」 


「話哂都第一次出去，唔好失禮人呀，當然有咁隆重得咁隆重，咁先顯得對人地嘅尊重嘛。」他教導。 


「女仔中意人地尊重佢。」他說得頭頭是道。 


然後他逼我穿了整套西裝，對你沒有看錯，是一整套正式的西裝，配上一條有花紋的紫色領呔，黑色漆皮皮鞋。 


「咁就無問題啦。」他望一望我，滿意地說。 





「但......會唔會好奇怪呀？我地好似去睇戲咋喎。」 


「點會呢，奇怪係當你同人唔同時先怪嘛，西裝係咪好多人著先？咁普遍嘅野點會怪？再加禮多人不怪。點會奇怪？」他說。 



「係啵......」我點點頭，表示有道理。 


我忘了，中國諸子有一派叫名家，其中一個叫公孫龍，有一次，他帶著一匹白馬想出城。 


守門的士兵對佢說：「馬唔界出城。」 




公孫龍說：「你都傻嘅，白馬點會係馬。白馬有兩個特徵，一係白色嘅，二係有馬嘅外形，但係馬得一個特徵，就係馬嘅外形。 


有兩個特徵嘅白馬點會係得嗰一個特徵嘅馬呀？所以話，白馬根本就唔係馬。」 


士兵想想，便同意了，放他出城。 


凍忌廉跟他一樣，都是說歪理的人。


當我看見徐嘉恩穿的服裝很輕便，只是白色的短褲和藍色的T-SHIRT時，我簡直想自殺。 




我為什麼又會相信了他！ 


「你......你都幾型......哈哈哈。」她一見到我，就禁不住笑起來。 


「咪提......」 


「你都好早到啵。」 


「約靚女，當然要準時。」 


「咁而家點？」 


「妳餓唔餓？如果餓就可以去食野先。前面有間餐廳，食米粉好食，又唔太油膩，岩哂女仔。如果唔餓就可以買飛先，然後我地再去商場冒險樂園玩陣，等開場。」　 


我說畢後，發現她愕然地望著我。 


「做咩？」 


「無......」她這才把視線移開，「你今日體貼咗咁多嘅。」



「我不嬲都係咁。」 


「扮野。」 


「咁妳揀好未？」 


「咁如果我話我肚餓，但又想去玩呢？」 


她仿佛挑戰我般問道。 


「我地可以買妳鍾意嘅菠蘿包食，一邊食一邊玩。」 


「范統，你今日突然唔飯桶，我會好唔慣。」 


「咁你想我變返蠢？」 


「咁又唔係，」她嫣然一笑說：「我覺得呢個都唔錯。」說罷，便拉著我去買麵包。 



我不知道，原來徐嘉恩蠻沉迷籃球機，而且她很擅長，幾乎10球進8球。幸好我的投籃本來不差（我只懂射球），不然比下去怎麼辦？ 


結果我們兩個人就輕鬆衝破四關遊戲，還創了新的記錄。


「489都唔差呀。」 


「多得我啦都係。」 


「關咩事，係我。」 


只是遊戲完了，當票出來時，她哇哇大叫。 


「嘩？原來咁多票架？」 


「當然啦。妳未黎過咁。」 


「好少呀，阿媽通常都唔會帶我黎嘅。」她幽幽道。 


我好像誤啟她什麼不美好的回憶，令她有點失落。 


「咁我地今日玩得盡興啲啦！」 


「嗯....」 


她第二個喜歡的遊戲是汽墊球。 


這個，我沒有說話好說，是因為她的反應真的好敏捷。 


球未到，她不知怎地，迅捷地一揮，「突！」，影也不見，那個球就已經竄入了我的龍門。 


我被她遠遠拋離，1400：500


「輸咗今日午餐佢嘅。」 


「喂妳而家先講！」 


「你咁弱架，點追到我呀？」 


「我著西裝唔方便咋。」 


「兜啦你。」 


「妳有無諗過係妳太變態。」 


徐嘉恩的反應真是神級。 


她聽到這一句，笑得更開心。 


在玩樂的過程中，一直有不少的人投來異常的目光，大概他們會奇怪，怎麼有個年輕人會穿西裝來冒險樂園玩。 


「妳會唔會覺得好怪呀？」我問。 


「怪？」 


「同我出街。」 


「我覺得你好有型呀，可唔可以借啲『有型』黎？」說罷，她就從我頸上除去我那條紫色的領吠，然後掛在自己身上。 



「點呀？我型唔型呀？」她問道。 


「哈哈，型呀。」其實我有點感動，我相信她是為了讓我不太感到丟臉才這樣做。


那一場電影就不要再談，我從想過會沉悶無聊得這個樣子，看雪花還比它有趣得多。電影，簡直就是那一天的最大敗筆。 


連我也捱不住睡起來。 


步出電影院後，我們一直沒有說話，我當時心想，她一定是因為電影太無聊所以生氣了。 


「Sorry呀，係咪悶親妳？」 


「嗯？」 


「我講緊電影。」 


「唔係呀，我覺得......幾好意思呀。」 


「真係？」 


「好令人有思考空間。」 


「即係妳岩岩唔係嬲？係諗緊野？」 


「我做咩要嬲。」 


真想不到誤打誤撞，卻撞對了她的口味。 






「我今日好開心。」最後臨別時，她說。