《青春怎會零創傷》: 第四章

九月十八日，雨天。

唔覺唔覺都開左學成半個月，自從開學嗰日之後都冇再同Edward交流過喇。日日都係翻學等放學，Cillia同Vicky嗰兩個衰婆今日又唔得閒，要我自己放學。等我自己一個亂諗野。

「又讚我靚又讚我pure，仲話做朋友？做朋友做到咁，算點喎…」我心裡面埋怨住。
「滴...滴...」無啦啦有一滴又一滴嘅水珠滴落我塊面。「頂！唔撚係落雨呀？」轉眼間，本來只係一兩滴嘅水珠已經變成傾盆大雨。自己放學都吾係最慘，自己放學仲要落雨都係小事，但係自己放學仲要落雨再加上冇帶遮。呢個情況，我只可以用慘絕人寰黎形容。

正當我諗住拔腿就跑嘅時候，突然有把遮出現喺我頭上面，隔離隨之有個高大嘅身影，我冇睇錯，係Edward。

「喂Heidi又係你？真係唔話我地有緣都唔得，成日都撞到你嘅。」我呆左。




「喂！比雨淋懵左呀你？我好人啲，遮埋你啦。你件校服濕哂喇，遮一遮住啦。」跟手仲擰轉面遞左件褸比我。唔記得講，我套校裙係全白色，一濕水基本上同冇着係冇分別。
「唔...唔該哂你。」
「係呢你住邊呀？我遮埋你返去啦。」
「會唔會唔係幾好呀？」
「唔緊要啦，你又冇遮，冇理由掉低你一個嘅。一於咁話啦，行啦！」
就係咁，佢同我一齊翻屋企。

成程我地都冇乜點講過野，佢主要黎講都係問我點解冇同Cillia同Vicky兩個八婆一齊。我又問翻佢點解近排喺學校咁少見到佢，原來佢近排親戚公司出問題，所以一放學就要去幫手，而加搞掂所以就得閒翻。我個心當堂舒服好多。不過佢仲話遲啲要開始溫公開試，放學會成日去溫書。
「最多我好人啲陪你去溫囉。」我口多多講左句。
「你話架。」佢望住我，雖然我個心就快跳出黎，但係我都冷靜咁吐出一句




「我韓子澄，講得出做得到。」

一眨眼，已經去到我屋企樓下。
「我到喇，唔該哂你呀。」我率先開口。
「唔洗唔該啦，小事姐。但係你方唔方便比我上去去個洗手間？我冇其他意思架。」佢尷尷尬尬咁講。
「咁...好啦，橫掂我爹哋媽咪去左公幹冇人喺屋企。」
於是我地一齊踏入大廈嘅大堂。看更伯伯見到Edward就即刻開口話「咦，阿妹，男朋友呀？好靚仔喎，襯到絕啦！」
我同Edward對望左一下，再下意識對住看更伯伯苦笑左一下就一齊行入?。

喺?入面，靜到幾乎連我地嘅心跳聲都可以聽到。因為我諗緊，岩岩識左冇耐就比佢上我屋企，佢會唔會覺得我係一個好隨便啲女仔？定係會覺得我好濫、係公廁？我應唔應該講清楚？唉，連我自己都諗唔到件事會發展都咁。





「其實呢...」Edward突然開口。
「其實我唔係啲隨便就帶男仔上屋企嘅人黎架，千祈唔好誤會我。十六年以黎，你係我第一個帶返屋企嘅男仔...」我打斷左佢嘅說話，一輪咀咁不停講。
「其實...我係想講你冇㩒?...」佢一邊笑一邊講。
「妖！」我面都紅哂咁樣打左佢一野。
「你咁緊張做咩？你唔係鐘意我吓嘛？」佢彎腰哄埋我耳邊講。
「咩呀...你講咩呀...出?啦！又話去洗手間。」講完呢句野我就冇理到佢，自己出左?行去我屋企嘅大門。

「嘩你屋企好大好乾淨喎。」
「toilet喺嗰邊。」我指住廁所嘅方向。
「好啦唔該你。」

我等佢入左廁所，自己都入左房換衫，事關套校裙濕到透，好唔舒服。點知喺我除淨底衫褲嘅時候Edward突然開門入黎。