慾望島: 慾望島-Part8

"我地只係想你參加"慾望島"。"


Edith 個答案令我始料不及。

我真係唔明， 搞咁多野就係想我參加"慾望島"？ 同埋， 我唔係已經報左名咩？

"我唔係一早報左名咩， 只要通過測試就可以參加？" 我希望Edith 可以回答到我心目中嘅疑問。

"事實上， 測試對於你係唔適用嘅。"  Edith說話未畢同時， 好似有人透過Edith所戴住個Handfree同佢溝通。 佢好緊張咁將手蓋住耳仔， 生怕聽漏任何資訊。





"清楚， 明白。" 大約一至兩秒後， Edith 就繼續同我講。 "其實， 我地以[測試]為名， 就係想提高果五萬蚊嘅真實程度同你參加比賽嘅原動力。 試想下， 如果一報名就有五萬蚊， 根本就唔會有人相信。"

Edith 接著講" 我地公司都好講承諾所以係你一進入呢間房開始， 我地已經將錢匯入左你匯生銀行果個出糧戶口" 由始至終佢都保持住微笑， 一個令人心寒嘅微笑， 就好似係度同我講:

[我公司已經起哂你底， 你唔駛旨意走得甩！]

除左無奈外， 還是無奈。 因為我完全諗唔到可以點做。。。

講解繼續。





"係你面前有一部Iphone， 我地將會透過佢同你update 比賽資料以及規則。" Edith係同一張枱個櫃桶攞左部Iphone5 出黎。

"你嘅任務好簡單， 就係喺四十八小時入面搵到[key] 或者[lock]， 然後到達我地所安排嘅安全房入面。"

"安全房？？" 我對呢個陌生詞語提出疑問。 因為， 安全房三個字比我個感覺:

[!！有危險先會有安全房呢樣野！！]

"無錯， 不過其實仲有一個方法。 你好快就會知道。 另外， 詳細資料可以睇下我地預載係部iphone上個APP, 我地而家會放你走， 祝你好運~" Edith 最後將部iphone 放到我面前,  然後準備轉身走。





"吖， 你仲記得[危機處理小組]嗎？ 記住唔好做傻事， 乖乖行出去~" Edith 同我講。

"咁你地點樣肯定我一定會參加[慾望島]？ 而唔係就咁走左去？" 我嘗試爭取最後發問嘅機會。

"就憑呢樣野" Edith 示意我望住佢身後果幅牆， 佢㩒左一下牆上個制後， 牆壁由中間開始， 一分為二向左右兩邊分開。

牆打開後， 我見到嘅係。。。