慾望島: 慾望島-Part5

係Crown Plaza 酒店入面， 我由一位Front Office 小姐帶領， 穿過一度粉藍色嘅門。

"第二度門！？" 我心入面暗道。

小姐示意我同佢一齊行入門與門之間。

跟住， 佢閂埋第一度門， "咇" 一聲後， 佢再將佢隻手放係一個掃描器上面。

第二度門打開。。。





"哦， 好似銀行雙重保險門一樣" 由於Front office 小姐並沒有回應我， 令到我又做左一次自言自語嘅傻瓜。

"頂！ 我唔會再同你講野。" 我自己暗暗決定。

過左第二度門後， 四周嘅裝修設計同外面完全不同。

一個個金色嘅"C" 字水平地排開， 兩旁佈滿水晶"C" 字的擺設， 金碧輝煌。

"咁浮誇！？" 我一路欣賞沿途嘅設計， 未幾， 我到左一部電梯前面， 一部全粉藍色色電梯。





我地沿住電梯上去， 大約十多秒後到達， 門打開。

出後見到三度門， 分別喺我左手， 右手同前面。

Front Office 小姐用佢張Staff Card 打開左手面度門， 入面比我想像中細---只有一張貴妃椅同另一度門， 粉藍色嘅門。

"你係度等等" 佢講完呢一句後就轉身走。

"喂！喂！" 我正想問下點解擺我係間咁嘅房。





"咔"一聲， 門閂左， 並且鎖左。。。

"頂"

我望下四面， 咩野都無， 我只好坐左係張貴妃椅上等。

係等候其間， 我攞個電話出黎打算消磨時間。

"唔係吖， 電話都收唔到" 正當我心情開始變差嘅嘅時候。

粉藍色門傳來"咇"一聲。。。