慾望島: 慾望島-Part2

"今晚食唔食飯？"

Whatsapp 係我個老死， Andrew Send 過黎。

Andrew 係我十幾年前識落， 計計埋埋都差唔多十七八年。 Andrew 份人就無乜點， 不過就好鐘意研究電腦， 電子野。

曾經有一期佢仲做過黑客， Hack 入去佢之前女朋友電話不特止， 好似話Facebook, 銀行户口都搞掂。 有次Andrew飲醉酒， 佢仲話佢試過Hack過入美國國家安全局， 不過到第三層Firewall 就搞唔掂。。。

姑勿論Andrew所講嘅真偽， 我成日都同佢講"你唔好亂黎吖， 你比人拉左無人救到你。"





同安仔Happy Hour 完我就去左搵Andrew, 言談間自自然然就提起我工作上嘅不快。

"屌， 個個老細都係咁架啦。 打份工可以點？" Andrew 一副官腔口脗咁答我。

"我夠明啦。 你都知， 我同亞Cat拍左十年拖， 到最後都係分手收場。 之後我全副心機放左係事業上， 就係想有一番作為。 點知搞成咁。。。"

"車， 一係唔好打工囉。。。之前你又話開餐廳嘅？ 無影la?" Andrew 問我道。

"大佬， 唔駛錢咩。 我計過， 大大話話要百零二百萬， 仲有出糧， 舖租果D。 你條友又唔夾返份。。。"





"哈， 呢D野唔啱我, 我係一隻無腳嘅雀仔， 無野可以困住我。"

"屌， 飲啦" 我舉杯向Andrew。

有時做老友就係咁， 出到黎， 佢未必解決到困擾住你嘅問題。 但係出黎食個飯， 飲杯酒， 吹下水， 就可以令你嘅問題得到舒緩。

盡管問題根本從未消失過。

尤其當你一個人返到屋企， 空虛感令到煩惱加倍放大。。。





返到屋企， 我放低個公事包， 坐係Sofa休息下， 回想一下今日發生嘅事。。。

休息過後， 我將公事包裏面嘅文件攞出黎， 整理下。

"陳生份約。。。呢到要改; 黃生張咭片， 聽日要send 報價。。。仲有。。。"

"咦！？" 係我一堆文件入面出理嘅一張傳單， 一張我完全無任何印象收過嘅傳單。

"張野係邊度黎架。。。" 正當我想掉左張傳單果時， 我好快咁望左一眼。 收入我眼簾嘅係五個字:










""頭獎五百萬""