慾望島: 慾望島-Part1

"你今個月又唔到數， 公司請你返黎係咪白養？"

老細房內發出一連串鬧人嘅聲音， 聲浪足以令房外大部份同事都聽到而避之則吉。

而我， 就係今次事件嘅男主角， 一個企係佢面前受靶嘅小職員。。。

我叫亞Dick, 係依間貿易公司做左大約二年。

一路以來老細都對我唔錯， 原因亦不難理解: 因我由入職起都一直追到公司要求嘅生意額; 更甚的是上年年尾我令公司利潤有百份之四十五嘅增長。 老實講， 以一間中小型公司黎講， 呢個數字確係不俗。





可惜， 好景不常， 今年由於有幾個大客比競爭對手搶左， 而且加埋外圍經濟環境衰退。 雙重打擊下， 上兩個月開始公司生意一落千丈。

首當其衝比人祭旗就緊係Sales Team同一D上年表現好好， 今年表現滑落嘅員工---亦即係我。。。

老闆房門外， 一名身穿閃銀色西裝嘅男子走向亞Dick。


"亞的哥， 無咩野ma?"

說話嘅係安仔， 一個二十零歲， 入左職兩三個月到嘅仔。





佢人就無乜點，不過係八掛D。 幸好佢世界仔果一份性格令佢不致四處碰釘。

"無野， 老細係咁架啦" 我只係輕輕咁答安仔， 費事將D負能量傳開比其他人。

"不如去Happy Hour 飲杯野？ 我請吖。" 講嘅同時， 安仔將我個公事包交比我。

"好吖" 與此同時， 我收到個Whatsapp。。。