某天我脫毒了，走上了情聖之路: 第三十一章 - 挫敗

「早晨呀!!!!黃小狼!!!!」家樂突然係班房門口撲出黎。

「早晨。」我冷淡咁回應佢。

入到去坐低左就見到卓芝。
佢若無其事咁望住我。
彷彿我同佢之間咩都無發生過咁。

「喂!做咩一早就垂頭喪氣?」坐係我隔離既子欣問。





「咪搞住我啦。」

「問下之嘛。」

心情唔好都要應付咁多人，早知唔番學。
為免再有人煩我，我都係訓教算。

食晏果陣肥森走黎拍醒我去食飯。
大佬說話不能不聽。
我跟出去食伋既時候，一粒聲都無出過。




仲要係同一間餐廳見到卓芝同家楓。
我食左一兩啖就無再食。

「你無野丫嗎?」番到班房既時候，肥森問我。

「無呀，有啲唔舒服姐。」

「咁你保重啦，星期六就係學界十六比賽，一輸左無嫁啦。」

「放心，我果日唔會有事。」 





老實講我真係無咩鬥志去踢咩比賽。
我更加無搵人傾呢件事。
你覺得做人第三者好光彩嗎?
況且我呢啲係自己拎黎。
如果我周圍同人講，咁卓芝又點算呢?
我幾乎頹廢左成個星期。
星期五練波都提唔起勁。

終於到左星期六。
我一個人係場邊熱身。

「兄弟，你點呀?」肥森問我。

「無咩點呀。」





「真係? 你最近狀態麻麻喎。」

我狀態麻麻? 我狀態不知幾好!!!
你怕我又搶我風頭之嘛!!

「放心，我狀態不知幾好，我仲肯定有波入。」

「係就好。」

肥森幾時對我咁無信心?
我一黎就可以入認真ko佢地比肥森睇。

開波前見到觀眾席上卓芝同家楓係到，我啲怒氣就走晒出黎。
我真係好想坐係卓芝隔離既人係我。





我望過啲見到柔柔向我揮手。
我淨係點左下頭就算。

上半場我地兩隊勢均力敵。
雖然雙方都毫不留情咁狂攻，但都未能打開比數。

「等陣我地轉打穩守突擊。四個後衛都唔好上前。猶其係小狼你。成場係咁跑上去，成個右邊空晒呀大佬。」郭sir講。

咩話? 我唔上前邊有波入，郭sir你係咪傻左呀?
我喎? 離晒譜!! 我唔認真你當廢嫁喎!!

下半場正式開始。
我立即進入認真模式。
奔去搶走左對方個波。




我繼續一個人帶波。
係我眼中就只有對方既龍門。
我見人就過。

「交比我呀!」黑豹大聲叫。

我無理會佢，自己帶左入禁區。
對方三個後衛完全封殺我。
我只能勉強紐過兩個，可惜佢有三個人。
佢地大腳斬左個波上去。

我本守既位完全空晒。
同一條腿張開既女無分別。

我全力追住帶波既人。




可惜我被唔知邊到黎既怒火掩蓋左，
我諗都無諗就從後落鏟。
我波就鏟唔中，條友就成個飛起左。
我頂!!佢仲要雙腳飛起左。

「你洗唔洗咁狼?」
「你識唔識踢波嫁?」佢地啲隊友指住我鬧。

「我唔識，唔通你扮廢柴識?」我完全失控。

雙方既隊友都各自分開我地。
球證向佢地出示左黃牌。

「紅咩牌?你識唔識判嫁?死黑哨。」我失控到幾乎想打個球證。

「你夠啦!!!!」肥森喝停我。

肥森拉左我出場。

「你唔好再係到丟架!!!」肥森指住我。

我無奈咁坐左到望住個比賽。
我好唔甘心，明明我已經好努力，但點解咩都做唔到?

我坐左一陣就換衫離開左球場。
自己一個人搭車番屋企。

「黃少朗!!!」去到屋企樓下果陣突然有人叫我。

原來係同我生得一模一樣樣既家姐。

「你做咩頭dupdup呀? 肯定又做錯野啦!!」佢高八度既聲同我講野。

「無野呀。」

雖則我同佢唔係雙胞胎，但可能我同個樣太相似，
如果對方有咩唔妥，我地通常都會感應到。

「講啦，煩。」其實最煩果個係你。

一入到屋佢就捉左我入佢房到盤問。
我都將成件事複述左次佢聽。
然後係到爆喊。
佢淨係抱住我個頭，由我喊到不似人形。

對於我同卓芝既分開，其實我真係好傷心。
覺得自己好無用，以為自己傾盡全力就可以成功。
就連比賽都比人紅牌趕出場。
我真係一敗塗地。

我抱住呢份挫敗感係家姐張床訓著左。

我家姐雖然潑辣又殘雞。
但有邊個家姐唔係永遠企係佢細佬果邊呢?
試問有邊個家姐唔係最錫最憂心佢果位細佬呢?
特別係當時只有14歲既我。







沒有愛情不緊要
要記住親情從不離棄你