某天我脫毒了，走上了情聖之路: 第二十五章 － 吻合
我地係餐飯完全無提過岩岩既事。
盡量扮到無事發生過咁。
但真係可以咩?
起碼我個心唔得。
我腦海仍然揮之不去岩岩既每一個情境。
望卓芝食飯既樣，我忍唔錫左佢塊面一下。
「丫，做咩呀你?」「因為我想錫你，我控制唔到自己。」無錯，當埋藏當年既情感係一瞬間爆發出黎，真係會失控。
「我地唔可以咁樣。」卓芝講。
「Sorry呀。」我地食完之後就去左柴灣公園，行下消化下。
我地雖然無拖手，但行果陣痴都好埋，比平時行果陣親密左好多 。
我地仍然無咩點講野，因為真係唔知講咩好。
我同佢行既時候，不經意都會碰到對方既手。
搞到我好想拖住佢，我理性同感情又係到開戰………因為腦交戰令我暫時短路，行行下停左係到。
卓芝令轉頭望望我。
「做……做咩?」卓芝問我。
我望住地下，實在唔知點做。
我好想攬住佢，好想捉住佢隻手。
「不如行啦。」卓芝講。
「林卓芝我中意你!」我捉住佢對手講。
呢句說話可能已經用盡我畢生既勇氣。
其實我都好愕然自己會咁講。
而佢就呆左咁望住我。
「我已經唔想再呃自己，唔想再失去你，就算被全世界唾罵，我都想捉緊你對手。」
無錯! 我唔可以再咁懦弱，不論結果係點，我都想轟轟烈烈愛卓芝一次。
即使要與神為敵，我也要真真正正愛你一次!!!
「小狼。」一滴眼淚緩緩咁從卓芝左眼流下來。
我用我既吻，接下佢既眼淚，安撫佢既心靈。
呢一刻我地既世界只有只方，即使世界大戰都唔關我事。
「小狼，其實我都中意你。」卓芝攬住我講。
我無法形容當我聽到呢句說話既喜悅。
我只知道呢一刻我相當幸福。
我拖住卓芝既手行左幾次柴灣公園。
剛發芽既感情係特別難離難捨。
「不如上去坐。」卓芝講。
「好似唔係咁好。」
「唔怕啦，你又唔係未上過黎。」卓芝邊講邊扯左我上去。
平時上去又點同而家呢?
因為關係唔同左，望住著住睡衣既佢總係尷尷尬尬咁。
我地又睇戲?
唔係囉! 佢換完睡衣之後就衝過黎攬住我黎錫 。
我未反應得切佢已經伸左條猁入黎。
好似餓屎搶狗咁。我好想推開佢，但敵唔過呢種……快感。
我慢慢無左呢種反抗掙扎既意識。
由掙扎轉為享受。
「你係咪未試過?」卓芝撳一撳我鼻頭。
「未試過咩?」佢用行動答左我既問題。
佢好純熟咁樣拎走左我第一次。
我開頭仲以為自己係成人片既男主角。
可惜呢個唔係甜故，所以當中既細節就留比大家去幻想。
「原本你真係第一次。」卓芝開心大發現。
究竟佢抑壓左佢對我既呢份情感幾耐?
我無數過完事左幾多次，我淨係知好多次。
「小狼~~你中唔中意我呀?」卓芝問。其實呢條係咪情侶既必問題目?
唔中意你都唔會比你老強幾次都唔報警啦。
「中意!」我好肯定咁講。
「你答得咁快咁求其，都唔知真唔真。」
好難捉摸呀!!!!
好彩DSE唔洗考呢條，如果考既話應該死好多人。
「放心我淨係中意你一個。」我搣一搣佢塊面。
佢塊面無柔柔咁彈，不過林啲同軟啲。
「咁我塊面好搣啲定柔柔塊面好搣啲?」
仆街啦....問埋啲咁既野。
柔柔塊面係我呢世人搣過最好搣既面珠黎。
「緊係你啦，軟林林咁。」我又再搣佢塊面。
「噢，咁你而家搣我就夠啦，唔洗再搣阮芯柔塊面。」卓芝調突然變得沉重。
「係係係。」
「問你一個問題得唔得?」佢坐上我大脾。
「你問啦。」仆你個街點解女人咁多野問。
「你有無中意過阮芯柔?」
「無。」
「我唔信! 我仲記得你話你遇到佢果陣你有幾開心。」
「放心啦，我無中意佢，而家淨係中意你。」我攬住佢條腰。
呢一夜開始，我同林卓芝開始呢段不可告人既關係。
距離新年假剩番兩日番學時間。
我地係學校都盡量扮番朋友既關係。
放學就前後腳走，之後約定係某個地方見面。
年三十我同佢一齊行維園花市。
第一年拖住女朋友行花市，因為太多人既關係，基本上我同佢都係屎忽夾棍咁行。
「咸濕仔。」卓芝挑逗我。
「小心我痴漢上身。」我向前郁一郁。
「小心我係到姦左你。」佢拍一拍我。
可能因為佢講得太大聲，隔離條毒撚用一個妒忌既目光望住我。
「聽日開始要拜年無得見幾日。」卓芝好唔開心咁望住我。
「唔緊要啦，我地年初四咪見到囉。」
「但家楓年初四就番。」
當我聽到家楓呢個兩字既時候，我又天堂被打番落地獄。
呢幾日卓芝既世界好似得我咁，我差啲忘記左佢已經係人地既女朋友。
呢刻我完全笑唔出。
「對唔住呀，我唔應該提佢。」卓芝自覺講錯野。
「唔緊要，你都係講事實姐。」口不對心我至勁。
「一係我地初三出黎? 我果日唔洗拜年。」
「都得，我果日都唔洗拜年。」
雖然初一初二見唔到大家，但都會傾電話同wts app。
雖然佢唔太中意我同柔柔有來往，但我都唔會因為佢唔理柔柔。
畢竟柔柔係我最好既妹妹!!初三當日我去左佢屋企樓下接佢。
之後走左去漁灣街市食野。
「我地食完野去邊?」卓芝問我。
本來諗住話行下街睇下戲，但去太多人既地方驚比人撞到。
於是我諗左個唔錯既idea。
「我一直好想試做一樣野。因間我地去到巴士站，見到邊架車就上邊架車，然後搭到邊到想落車就落車。」
「咁刺激? 你想做咩我都會同你做。」卓芝又用半呻吟聲講野。
我以前以為自己好了解林卓芝呢個人，但估唔到佢係個完全淫底既女人。
食完野，我同佢真係走左去巴士站等第一架埋站既巴士。
點知第一架埋站既竟然係機場巴士。
「真係搭?」卓芝愕然咁望住我。
「緊係搭!」我意志堅定咁答佢。
我覺得呢年事實在太正太刺激，我不禁興奮上黎。
我同佢徐徐走上呢架機場巴。
「我地真係上左黎!!」卓芝都好興奮。
「係呀，傻妹!」我講呢句佢又錫左我一啖。
佢上到巴士都無放過同我纏綿既機會。
後來佢仲發現到原來架巴士有窗幕仲走去拉埋晒。
番黎坐果陣仲肆無忌憚咁....
好似無比人影到，應該係話好彩架車無人。我同佢拖住手遊左轉機場。
可能有人會覺得我地好無聊，
但係情人世界裡，只要對方係身邊，無論去邊都係一樣。
我好希望我同佢可以一直以後都可以係咁，挽手都終老，相愛至永久。
行完機場我同佢轉戰東涌。
有去個東涌既朋友仔就知道果到除左有大型outlet之外仲有戲院。
我同佢就真係果到行街食飯睇戲。
佢係睇戲既時候，仍然無放過我，我又貢獻左大量子孫比佢。
可惜我應承左我朋友唔會係呢個故落甜。回程既時候我地仍然選擇搭巴士。
雖然今次架巴士好多人，但可以撓住手咁坐係架巴士到都唔錯。
「你會唔會覺得我好衰?」卓芝突然咁我。
「就算衰都有我同你一齊。」
「傻豬，你永遠都係咁溫柔。」
「你幾時開始中意我?」我問卓芝。
「係我認識無耐就已經好留意你。後來同你好熟，同你一齊既感覺好warm好安全，你同其他男仔唔一樣，有種講唔出既溫柔，雖然你果陣係柒啲，但你既溫柔已經令我對你有深刻印象。」
「咁後來點解你會揀家楓既?」佢靜默左....
「唔想答唔緊要。」我開腔打破死寂。
「其實佢果陣做左好多令我好感動既野，雖然我果陣個心已經有你，但實在忍受唔到呢種感動，我又唔知你係咪中意我。你又對我忽冷忽熱咁。」
「sorry，原來係我既錯。」我帶點晦氣。
「對唔住呀。」
「唔緊要啦，你揀佢都正常既。」
「我唔准你離開我。」卓芝撓實我隻手講。
可能卓芝都係因為霎時既感動而同我一齊。
也許我只係佢同家楓嗌交既水泡。
「我上去啦，番到去要打比我。」卓芝走入大廈之前講。
「知啦，快啲上去啦。」番屋企既時候，終於可以做番自己。
岩岩幾乎成程車都係到假笑真係好辛苦。
不斷係到諗佢當我係咩，佢對家楓又係點?
其實我同卓芝真係有結果嗎?
我其實係咪只係卓芝既水泡?
聽日佢地見番面之後，我同佢關係會就此告終嗎?
卓芝，我已經愛上左你。