某天我脫毒了，走上了情聖之路: 第十一章 - 足球隊選拔
難得拍拖就緊係要一嚐拖住手放學既滋味，我約左佢放學係學校門口等。
雖然我有左女朋友但我都堅持要同肥森一齊離開班房。
「快啲啦。」我催佢。
肥森執野永遠都係最慢，所以佢永遠都係最遲離開班房。
同埋咁多年黎只有我肯等佢，畢竟係好兄弟嘛。
「你趕時間咪走先囉。」肥森唔耐煩咁講。
「縱使我有拖拍，但我都唔會dum低你。」我冷感動咁受佢講。
「咁一陣去到學校門口果陣睇下點。-_-」執左成十分鐘終於行得。
「過幾日就係足球隊既選拔，你都準備下唔好掛住拍拖。」肥森語重心長咁講。
佢唔提我，我都差啲忘記左選拔既事。但成個暑假我都無踢個波，唔知會唔會變生鏽腳。
到左學校門口既時候，見到成班女同樂瑤係學校門口企左係到。
「搞咩? 曬馬呀?」肥森O住嘴講。我無理咁多就走上前搵樂瑤。
「小狼! 」樂瑤見到我就好興奮咁撓住我隻手。
「做咩咁多人既? 」我問佢。
我望一望後面班人，好明顯係黎睇我既盧山真面目。
估唔到連柔柔都係到。我好自然咁走埋去同佢打招呼。
「柔柔~」我向佢揮手。
「嘿，小狼」柔柔向我打番招呼。
柔柔真係可愛到核爆!!!!
我視線同注意力完全離唔開佢。
不過時光過得好快，柔柔同我打完招呼之後就同佢啲fd走左。經過一輪擾攘終於可以搭車走。
一坐低左，樂瑤就挨住膊頭訓著左。
其實望真啲，佢都幾可愛，我忍唔住摸左佢塊面一下。
嘩! 原來女仔塊面係咁滑!!!!!!
我捉住佢隻手，慢慢欣賞佢訓教既樣。
望望下連自己都訓著埋，仲差啲落唔到車。
「你點做人男朋友嫁? 差啲搭過站啦。」佢第一次鬧我。
「Sorry」我專登無囉、呀呢啲助語詞，廢事佢話我敷衍佢。
「我過幾日會有足球隊選拔，你會黎睇嗎? 」行到大廈門口我同佢講。
「我當然會黎!!!!我一定會黎支持你。」佢揸實個拳頭同我講。
「傻妹。」我摸摸佢個頭。
「小狼。」佢拮高腳嘟起左個嘴。
好明顯佢係想我咀佢! 我本來都有所猶豫，不過身體卻很誠實。
無諗過兩唇既觸碰竟然有如此既魔力。
柔軟得黎又富有彈性既雙唇，加埋比佢對C cup壓住，
我唔得啦!
我頂到恆晒，我感覺到我個腦開始走左落下面某啲位置。
我用我最後既理智將佢推開左。
佢呆左望住我下面。
「咪望啦。」我掩住下面好尷尬咁同佢講。
我諗大家都好明白學校褲既質料係點，總之一扯，啲人實會睇到。
尷尬完一輪佢就轉身走左。大家都係第一次拍拖，第一次同異性有親密接觸，難免會尷尬。
每一日我都會同樂瑤一齊番學放學。去到佢屋企樓下都會攬下同goodbye kiss。
除左今日，因為今日係足球隊既選拔。
我、肥森同阿謙都會參加選拔，家樂當然係做我地既啦啦隊。
可能因為班超強老鬼畢晒業，騰出左好多空位所以今年特別多人。
之前班老鬼成班拜仁咁，雖然未係最強，但都夠屈機。離遠見到幾個唔太熟既同級同學。
「阿豪、阿輝你地都黎左?」肥森同佢地打招呼。
阿豪高高瘦瘦，打開中堅，身型有啲似阿仙奴既梅迪薩卡。
阿輝打中場，中等身型，無話特別似邊個。
「你地一唔一齊組隊踢?」阿豪問肥森。
「你地貪小狼係到先組我地之嘛。」肥森揶揄佢地。
「今年係入足球隊既好機會黎，同埋上年得小狼一個初中踢過正選。」阿豪望住我講。
「算啦，況且我地又唔夠人。」我終止左呢場無謂既對話。
反正最後都會同佢地一組，只不過係肥森想人地求多佢一陣咁解。
佢兩個雙眼發晒光咁望住我。
講講選拔既規則先。
選拔要7人一隊踢比賽，同學可以自由組隊或由本隊教練兼我地既體育老師郭sir分配。
比賽方面，會係兩隊比賽先獲入球就會完成比賽，然後兩隊退落黎再輪到另外兩隊比賽。
郭sir會係比賽過程中為同學評分，繼續選出適合既同學。
先回來故事呢邊~~~
我係到周圍search下樂瑤係邊到。成隻警犬巴打咁。
樂瑤我就搵唔到啦，反而見到柔柔坐左係到。
唔通呢到有佢睇中左既師兄?
「Wei，係到既?」我問柔柔。
「你女朋友叫我黎睇。」柔柔答完我之後向我做左個豬咀動作。
仆你個街! 可愛到呢!!
「咁佢係邊?」我兩頭望。
「岩岩到。」柔柔指住樂瑤既方向。
嘩! 佢又帶住成班人黎。
有時覺得自己只係幫佢威威既工具。
佢見到我既時候無走埋黎同我講，只係向我揮揮手就同番佢啲朋講野。
柔柔拍拍我膊頭，我令番過去望住佢。
「加油仔! 呵! 」佢”呵”果下連帶左個爆氣動作，成個爆氣小蘿莉咁。
「白痴妹。」我彈佢一下額頭講。
我轉身就行番去肥森佢地。點知比我見到卓芝同家楓都係到。
咪住! 同家楓並肩而行既人咁熟口面既?
「喂! 果個係咪黑豹黎嫁? 」肥森捉住我手臂講。
無錯! 果個人絕對係黑豹。
黑豹同家楓係同一級，佢本來上年同我係隊員。
不過佢因為係練習既時候同隊員爭執仲打傷埋人，
所以比郭sir踢左出隊。
估唔到佢今年真係倦土重來。
「好耐無見。」黑豹同我講。
佢身後既家楓同卓芝都有向打招呼。但我無回應，因為要處理黑豹向我施展既殺氣。
「唔係好耐姐，平時係學校入面都見到，係好耐無係球場見姐。」
卓芝忍唔住細細聲咁笑左出黎。
「我睇你串得幾耐。」黑豹企圖想攞個尾彩。我無佢咁好氣就行左去。但我心入面好想挫佢銳氣。
我走去搵郭sir最得力既助手，長毛!!!!!
如果大家無忘記我介紹既長毛，應該會知道佢因為足球戰術了得而比郭sir捉入足球隊。
我將成件事既來龍去脈講左比長毛聽。
「咁拜託你幫我安排我同黑豹果隊比賽。」
「咁即係出貓? 我搞唔點。」長毛嘗試推搪。
「佢搞唔點，我幫你! 」
我同長毛令轉頭，發現講呢句野既人係郭sir。
「就算你無咁既要求我都會咁做。我都要挫佢銳氣，因為咁先有野睇! 」郭sir好興奮咁繼續講。
根本係佢自己想食花生搵我過橋。
但係就對唔住我果隊既兄弟要踢場辛苦波。
公告賽程既時候，我果隊一知要對黑豹隊就灰晒。
阿豪同阿輝仲其餘兩個搭單既都好後悔跟左我。
始終黑豹果隊有另外三個人都係校隊。
而我地隊除左我同肥森呢個校隊後備龍門之外就無校隊成員。
望一望阿謙個樣，發覺佢一啲怯意都無反而仲好興奮，佢果然好中意挑戰難度。
致如肥森就笠水到出晒水(汗)。
而我只有說不出既興奮!
加油仔! 呵!