某天我脫毒了，走上了情聖之路: 第七章 - 邂逅

「你係咪無帶遮呀?」一位唔認識既女同學問我。

「噢……」諗野諗得太入神，一時間反應唔切。

「不如一齊行。」你微一微笑就示意一齊行。
「我叫吳樂瑤呀，你呢?」行行下佢突然問我。
「黃少朗，中三。」我怕怕羞羞咁回應佢。
「哦 ! 原來你就係小狼。」
「噢，係呀，哈哈」我傻笑咁講。
原本我柒名遠播成咁。


「你成日黎搵黎志明(長毛)嫁嘛。」
但我真係無印象我見過呢位女同學。
況且佢個樣唔差，成個GEM咁，只係矮左啲。
我應該修正一下，佢係個樣、身高、身材都同GEM好似。
照道理，我唔會對佢無印象嫁喎。

「喂！」佢突然大叫。
「我地到巴士站啦,你呆晒咁做咩?」佢繼續講。
我淨係哦左一聲。原來佢都係搭我坐果架巴士。
「原來你同我住咁近嫁咋!?」佢彈下彈下咁講。


我住筲箕灣，佢住西灣河，係隔離站，你話近唔近啦?
佢落車站同我交換左wts app。
「既然有緣相見，不如交換wts app再慢慢傾。」佢講完我就比左我電話佢。

番到屋企之後我就wts app長毛。
「你識唔識一個叫吳樂瑤既女仔?」
「識呀，做咩?」長毛答。
我敍述一次今日放學既事佢聽。
「佢淨係會同同班既人係班房玩，佢連小食部都唔落，你未見過佢唔出奇。」長毛wts app回應。
連小食部都唔落，唔怪得未見過佢，加上佢又係水平線以下，係難啲見到既。


長毛都話佢地兩個唔係好熟。佢地因為英文科都係精英班所以先識。
簡單講下學校架構，我地每級都會有6班A-F，A係最叻，稱為精英班，順住落，F班就係成績最差。我地稱佢地為打手班，事關一到lunch佢地就開”天下武道大會”。
然後中、英、數三科會兩班撈亂上，AB,CD,EF，然後以好、中、差既績再細分三group。

我同肥森佢地一直係召喚谷，逗留到十一點。電話突然響起……
因為我好專心咁玩緊，所以嚇左一嚇。
「屌你老母!!嚇撚死，我仲要真係死撚埋。」我對住Skype講。
我本來可以不死完場，睇下邊個阻住晒。
卓芝? 打比我做咩?
於是我mute左我Skype支咪。
「喂? 」
「喂……喂！」仆街無人應。
隔左兩秒，我聽到啲鼻水聲。
「又同家楓鬧交? 」
呢個年齡既女仔喊，多數都因為男朋友嫁姐。


聽到我咁問之後，就放聲喊出黎。
佢喊到講唔到野，我唯有等佢喊完先出聲，加上我又玩緊LOL。
「你個賤貨!!! 我喊到咁你仲打機!! 」佢突然大叫。
媽的!! 佢裝左閉路電視呀?
「咁見你喊緊嘛。」其實我呢個回應同自殺無份別。
「你係咪痴線嫁!? 有女仔喊，你應該安慰佢，而唔係係到打機囉! 」
我又唔係你男朋友，我做咩要氹你姐? 我開始無名火起。
「得啦得啦。咁你做咩事呀? 」我晦晦氣氣咁講。
寧得罪少人，莫得罪女人。仲要係男神既女人。
佢徐徐道出佢同家楓鬧交既原因。
原來又係因為家楓呷醋，對卓芝諸多既唔信任而引起爭執。
其實情侶間存在住咁多不信任，行落去都無意思，只會令大家都辛苦。
我覺得拍拖本來應該開開心心，因為自己既事已經夠煩。
無需要煩多一個人既事。
我本來想問卓芝點解咁朋友唔搵，係要搵我。


但我無講到，有時啲野未必要打爛沙盤問到篤。

頂! 琴晚因為同卓芝太夜搞到遲左起身要。
因為唔想搭的士，唯有落巴士既時候跑番學校。
係我跑既途中唔小心一野撞左落個女同學到。
佢身形好細粒，應該得中一。
不過手抱住果啲書比我撞晒落地。
「Sorry呀! 」我一路道一路幫佢執番啲書。
心諗呢個妹妹仔第二日番中學就遲到都仲咁休休閒行番學校。
「唔緊要啦，你趕時間姐。」佢令過黎微笑望住我講。
可能太幼齒既關係未稱得上叫靚女，但個樣好可愛，
瘦瘦地但有塊總係令人地想搣下既包包臉。
無錯!!! 呢種就係蘿莉!!!!!

結果我地兩個一齊遲到，我地無問大家叫咩名，亦無問佢讀邊班。


但我有種我同佢會再見面既感覺。






無意的邂逅，命運的捉弄。