某天我脫毒了，走上了情聖之路: 第七十五章 - 失蹤
星期一，第一次牽住小櫻既手番學。
我地無任何隱瞞既意慾。
畢竟兜左咁多個圈先一齊....
同埋都無咩好隱瞞，
我愛佢，
佢愛我就足夠。
不過都未大膽到拖住手入學校.....
就算想都無用...
成個嵐嵐棟左係我地中間。
入到班房大家無起哄，
我同小櫻一齊住，一齊番都好正常。
不過奇怪呢個鐘數家樂應該已經番左黎。
我wts app佢，
但見到原來連我兩日前既wts app都未睇。
我走埋去問肥森
「你呢幾日有無搵過家樂？」
「無喎，做咩？」
「我呢兩日搵過家樂但都無覆機。」
「竟然！？」
家樂係個幾乎秒回所有wts app既人，
所以連肥森都覺得奇怪。
「你講開又好似有啲怪，佢呢個鐘數都未番到，會唔會病左咋？」
「病左就唔會無上線咁耐啦。」
「又係，呢條友機不離身，你有無試過打比佢？」
「咁又無.....」
「你因間試下打，況且就上堂，等多可能出現呢。」
「嗯。」
鐘聲響起.....
仍未見家樂，
心裡有十萬個擔心。
我用左成時間去回想我最後一次見到家樂既情景。
小櫻抆左手袖一下，
用表情問左一下有無事。
我微笑輕輕搖頭。
小櫻用手指尾勾住手指尾...向我微笑。
放學後，
我同肥森決意一齊去家樂屋企。
我兩走到大宅前，
當我地想撳鐘既時候，
有一個類似看既物體出黎阻止我地。
「佢地已經搬走左啦。」
我同肥森都十分驚訝。
「搬左? 係幾時既事?」肥森問。
正當我仲係驚訝既當中，
肥森已經好快咁冷靜落黎，
「佢地都係近呢一兩日先搬走。」
「我同佢係呢個屋主個仔既同班同學黎。都想請問有無咩方法可以聯絡到佢? 因為佢突然無番學，好擔心。」肥森問
「唔好意思呀，我都無佢地既聯絡方法。」
「噢......咁打搞晒。」
我同肥森帶住失望同充滿疑問既心情離開
“究竟係咩令家樂佢地搬得咁急呢?”
成為左我肥森整個車程既話題。
番到家中，
屋企竟然空無一人，
我拎手機出黎睇睇，
原來母親大人早已wts app佢同呀爸今晚唔番黎食。
兩老就話有約姐，
咁小櫻呢?
但電話上無來自小櫻既wts app。
我試打比小櫻，
打左好幾次都無人接聽....
唔會......帽事掛?
再打多次，
都係無人聽，
我開始著急同焦躁。
唉! 個個都玩失蹤。
過左一段時間，
小櫻終於打番黎。
本來心入面好想斥責佢，
但見到佢好似有啲唔開心，
最後都唔忍心咁做。
佢係電話到話佢同朋友去太古行左陣街，
但唔記得打電話話我知。
一向都好有交帶既小櫻好少有呢類既錯誤。
我既疑心完全被挑起。
到左太古，
小櫻二話不說地從遠處跑過黎攬住左我。
「做咩事?」我問。
小櫻顯然係有心事。
但無論我點問佢都無講。
只見佢盡量做回佢平常既自己。
飯後我借機造去海旁行下，
睇下可唔可以誘導到佢既心事出黎。
「海風真係好舒服。」我講。
「嗯，好舒服，香港既夜景真係好靚。」
「以前都唔覺，但你係到就覺得一切都好唔同。」
「唔同?」
「因為你太靚，只要世界有你黎襯托，一切都會變得好美麗。」
小櫻低下頭捉緊我雙手。
「對唔住呀.....」
呢句對唔住彷彿刺穿我既心。
唔通真係帽事發生?
「發.....發生左咩事?」
「我.....對唔住....」小櫻聲線開始顫抖。
「唔緊要嫁，你照講我可以接受到。」我捉緊小櫻既手腕。
「我......我已經唔可以再同你一齊!!」
呢句話彷彿有魔力咁，將一切既時間、空間都停止住。
我腦海一片空白，
一句話都講不出，
一個反應都做不出。
我僅餘既少少觸覺只係輕微咁feel小櫻本來捉緊我既手慢慢鬆下來。
完全放下前既一刻，
我終於回個神來。
「點.....點解既?」
「因為發生左啲事我一定要番日本。」
「但之前唔係講好左，你可以一直住係我到咩?」
「雖然係，但又有另一啲事發生左，我暫時唔可以留係香港。」
「咁係咩咁大件事要令你一定要離開香港?」
「對唔住，我唔講得。」
「有咩唔可以講? 我係你男朋友黎! 雖然我地岩岩先開始。」
「我知，但我真係無辨法唔離開，對唔住呀小狼。」
小櫻顯然係有苦衷，
但佢越唔講，我就越想知。
「點唔講得？」我一時情急，好用力咁捉住佢。
「好痛呀....」小櫻用力掙扎。
我無視佢既哀號，仍然狠狠咁追問....
「求下你唔好逼我啦。」
小櫻一時既情急，一巴撑左落我塊面到....
我鬆開原本捉緊既手，
用驚恐既眼神望佢....
小櫻既眼淚一滴一滴咁落下....
「我....我已經唔再中意你......」
「唔會嫁.....我地咁辛苦先一齊到......」
「我只係唔相信以我既條件無可能咁得到一個男仔，所以以你好特別，但一齊左就發覺你同其他毒撚無分別。」
我完全無法相信呢番說話係由小櫻口中講出.....彷彿變左另一個人。
「警告你唔好跟住黎！」小櫻粗鄙咁指住我個鼻。
小櫻轉身離去...
好想開想叫停佢...
但唔知點解開唔到口....
身體不受控地殭立，連每個腦細胞都停止運作.....
腦海頓然有一聲迴響......
『小櫻.....我愛.....』