某天我脫毒了，走上了情聖之路: 第六十五章 - 最後的信
隔天，我收到一封信件。
係來自晴晴既信。
『黃小狼:）
當你收到呢封信果陣，我應該唔係你身邊。
但你應該仲未知我今次一走就唔會再番黎，
因為我屋企早前已經計劃左移民。
Sorry，我本來想早啲講你知你，
但我唔知點同你講好。
因為我怕我將一切講你知後我真係會將我所有既野都講晒比你知。
仲記得我地好細個就認識嗎?
果陣你很好鬼弱雞，郁啲就喊，笑死人。
好懷念果段無憂無慮既日子，
每天都只想去公園同你一齊玩。
果陣係我最開心既日子。
後來你要搬真係好唔開心。
但估唔到我地竟然可以係街撞番。
當時好開心，你無咩點變。
可惜我果陣已經係澳洲讀書，
唔可以好似以前咁玩真係好失落:（
無耐你改變左形象真係嚇一跳。
雖然靚仔好多，
但我都係中意以前純樸既你多啲。
最估唔到你竟然由小毒撚變左情聖。
而我就連一次拖都未拍過.....
真失敗.....
不過真係好多謝你每次番黎香港你都陪我，
識到你真係好幸。
小狼呀，我一直有個秘密都想話你知，
黃少朗我真係好中意你!!!!
由細個開始就已經中意你，
一個純樸溫柔既係你。
對唔住，我無勇氣面對對你既情感。
我以為當時我只係年幼時既錯覺，
當我係香港重遇你既時候，
我就知道我心底下係真心喜歡你，
可惜我果陣已經係澳洲讀緊書，
我無辦法鼓起勇氣向表白，
更無勇氣承擔表白後既後果。
更無信心維繫一段異地戀。
雖然我後悔過點解無鼓起勇氣表白，
即使失敗都叫對自己有個交代。
但只要靜靜係你心邊，
每年見你兩三次就已經好滿足。
如果你真心中意柔柔又或者小櫻既話，
就去行動，去表明你心意。
唔好好似我咁，有所遺憾。
最後我想同你講，
黃少朗我愛你。
就算只有一分鐘也好，
你可以愛我一秒嗎?
李海晴上』
一封最心酸既信....
命運就如此愛戲弄人嗎?
原來我同晴晴曾經有一段相戀過既時間。
只可惜未能相擁。
晴晴......
晴晴.........
.
.
.
.
.
.
.
我都愛你，
曾經.....
但現在既心聲永無法傳回過去的你我。
我地都需要向前行，
可能我地未必會再遇上，
至少係我殆盡之前，
仍能為你祝福。
突然好想見到你.......
想話你知，
能夠識到你，係我一種不配既福氣。
再見啦，李海晴。