某天我脫毒了，走上了情聖之路: 第六十三章 - 懵然不知的最後午餐

我趁假期結束前我約左晴晴出黎道歉，
佢好快就答應左。

當日見到晴晴果然係一張臭臉......

「巴閉哥叫我出黎做咩？」晴晴黑起塊面。

「我同你出街洗理由嫁咩？」我搭搭晴睛膊頭。

估唔到晴晴鬆左我一踭....





「咪係到扮熟，情聖大哥。」

睇黎佢仲未嬲完......

「洗唔洗咁大力?」

「我嫌細力!!!!你約我出黎搞咩!?」

「......」





「唔講我就番入去。」

「喂!!!」

我拉住晴晴既隻手

「放手。」

「........」





「唉，你有野快啲講。」

「.....對唔住.......」

「哦。」

「嗯.......」

「黃小狼。」

「係！」

「我個樣似咁小器？」





「當然唔係！只係我知果日好似對你好惡咁....」

「唉，你最應該講對唔住果個人唔係我....」

「我知，但係我講唔出聲.....我唔知點面對佢....」

「你諗太多，你唔會要女仔要開聲先嗎？」

「唔係......」

「你唔好一臉無奈，你叫我出黎唔會淨講對唔住掛？」

「我諗住請你晏賠罪......」

「你唔早講！？搞到企左咁耐。」晴晴就起晒眉頭。





我按計劃帶左晴晴去某連鎖壽司店。

「你傻左！？呢到唔平喎！」

呢間壽司店對於中學生黎確係有點負擔，如果要請埋人既話，真係會出血......

「隨便叫！」

「你個樣好勉強.....」

「放心，哥有的是錢！」

「唉，算啦.....」





晴晴無再推搪，
我地傾番過往好多既趣事。
雖然成日都呢樣野，但好似傾極都唔厭咁。

「食完去邊好？」晴晴問。

「.....不如....」

晴晴打斷我既話「不如我地去睇戲。」

「好呀。」

晴晴望住手機app苦思.....

「我想睇恐怖片。」





「下....？哦，好呀。」

「你驚呀？」

「痴線！我堂堂一個大男人點會驚？」

其實我真係有點怯.....

「咁就好！」
「喂！而家呢一場有位呀！」

晴晴相當興奮....

「下？咁快？」

「快咩？再遲就無位，快啲行啦。」

晴晴捉住我手腕跑去戲院。

今日既晴晴同以往既有啲唔同，
更活潑，更開朗，
但我心裡有種不祥感。

晴晴真係揀左套恐怖片....
我就緊係驚到PK...
但話要睇既晴晴都驚到捉實我手臂同手心，
係十指緊扣我手，
點解我無反抗?
唔係我狗公，而係我都驚到反抗唔到，同埋驚到想搵野捉住。

我思疑佢係想整蠱我，
但整蠱埋自己......

「呼！好緊張好睇呀！」

晴晴一出戲院就講風涼話。

「李海晴！！你驚就咪學人睇恐怖片啦！睇你！揸到我隻手紅晒啦！」

「小家男！唔知邊個岩岩驚到係到鳩叫！」

「嘖.....」

「不過都多謝你咁驚都陪我睇。」晴晴摸我頭。

「你大姐叫到點敢拒絕....」

「真係我叫到就唔拒絕？」

「.....係......」

「咁你黎送我機。」

「送機？」我一臉愕然。

「我下星期就走啦，你唔係忘記左嘛？」

近排太記掛我同小櫻既事，真係忘記左晴晴下星期就走........

「我唔記得就唔會約你出黎啦.....」

好彩最好都兜到......

但係我印象當中晴晴好少有要我送機既要求。
頂多都係叫我有時間就黎，
未試過有"一定"，"絕對"呢類字眼，
加上今日既晴晴同往常既有點唔同。
但講唔出有咩同。