某天我脫毒了，走上了情聖之路: 第六十二章 - 只有向前邁進的將來
一把少女得黎又帶點粗鄙既聲線係我耳邊略過。
應該係黎若嵐....
坦白講我無乜心力去同佢玩.....
嵐嵐拍拍我膊頭，
「Uncle死左咩？」
「你唔好煩我，下次先同你玩。」
「唔開心？」
「好明顯啦.....」
「講比本千金聽，等本千金開解下你。」
「我只係想靜下.....」
「好啦咁.....請你食雪糕。」
嵐嵐係膠袋裡拎出一個杯裝雪糕。
「多謝......」
「嘻，得閒再搵我傾。」
我會心一笑。
「可以陪我食雪嗎？」我問嵐嵐。
「但係我會好嘈嫁喎。」
「得啦。」
我地係公園仔坐低左，邊食邊傾。
我講晒成件比嵐嵐聽。
「我都唔知話長情定 on9好。」
「點會on9!？」
「你仲中意緊我表姐緊唔可以同第二個一齊啦。」
「I totally agree with you!!!!」
嵐嵐笑到咔咔聲。
「原來你講英文咁聽！」
「妖.....你唔洗諗住我比番雪糕錢。」
「話左請你嘛。」
「扮大方啦你....話說你冬天都食雪糕咁奇怪。」
「冬天食先爽呀！你識條鐵咩！」
「又真係幾爽。」
黎若嵐.......
一個奇怪既女仔，
從來都意會唔到佢所有行動既背後意義，
言行更異於一般女生.....
雖然外表係個長髮甜蜜少女，但永遠都笑到成個麻甩咁，
會燥底但從未見過佢唔開心。
「嘩！好凍呀！！！」嵐嵐大叫。
「你食到成面都係。」我指住佢塊面。
「嘻。」
「哈。」
嵐嵐食完手上果杯之後竟然拎第二杯出黎食.....
「不過其實我覺得你係時候我表姐......」嵐嵐含住啖雪糕。
「點解？」
我一直都以為嵐嵐好支持我同柔柔一齊。
「我唔想你繼續沉落去先話你知....而家有個男仔追緊表姐，表姐都好似幾中意佢。」
「..........」
我個心好似沉左落大海咁.....
「咁幾好.....佢開心咪幾好。」我強顏歡笑。
嵐嵐望住我雙眼....
「做咩？」我問。
「嘻嘻。」嵐嵐露齒笑。
令到我都笑埋一份。
「做咩係到傻笑？」我問。
「因為你唔開心。」
「下......？」
「小學既時候我老師話我既笑容會傳染人，所以咪試....」
確實......
「我係笑你戇居咋。」
「都好，只要可以令朋友開心，我樂意做任何事情。」
嵐嵐企起身往前行。
「朋友呀，只要向前行最終會係交叉點再次遇上。」嵐嵐轉身用手上既雪糕既羹指住我。
只要向前邁進就能夠係交叉點遇上。
呢句話緊緊刻左係我心中.....
只有向前邁進的將來，
沒有倒退的未來。