某天我脫毒了，走上了情聖之路: 第五十五章 － 三個人的聖誕
一朝早我就醒左，
我好似斷左片咁，
無晒前一晚既記憶。
又未至於無晒，
只係好懞糊。
只係依稀記得我係伏小櫻膊頭一直喊一直喊。
因時間常早，屋企既人全部都仲陪緊周老大。
我偷偷地開左小櫻道門。
望望小櫻係咪訓緊，
如我所料，小櫻仍然熟睡，仲流埋口水。
即使係咁都無損佢既花容月貌。
不過佢訓教就有如初生既貓仔一樣口咁可愛。
偷望完小櫻既睡相之後，
我就訓番上床。
努力咁去回想琴晚發生既事。
不自覺咁訓著左。
「小狼，小狼！！！！」
好似有人叫緊我...
「小狼起身啦！！！」
把聲好熟..
柔柔？
「柔柔！！！」
我從夢中驚醒，
環觀四周，
見到小櫻坐左係床邊呆木若雞咁望住我。
「早...早晨呀。」我向小櫻請安。
「早晨，睇下你懶訓到成面都係口水。」小櫻恥笑我。
我用對手急忙咁抹自己塊臉。
「你岩岩叫我起身？」
「係呀。」
「咁你有無聽到啲咩？」
「柔柔！柔柔！！！柔柔！！！」
「夠啦！你答我聽到咪得囉。」我惱羞成怒。
「嘻嘻，唔玩啦，你再唔起身就遲到。」
「而家幾點？」
「9點15。」
「仆街！真係遲到啦！」
「黃少朗你又講粗口！！！！」
我差啲忘記左今朝約左晴晴番去佢教會睇佢受浸.....定受洗？
如果我遲到佢實殺左我。
晴晴教會我番過幾次，
我信有耶穌既存在，
但我並唔係咩基督徒，
我呢種人又點能夠成為基督徒呢？
「少朗？」
教會門口有一個女仔問我。
「係....思瑜？」
思瑜係晴晴係教會既好朋友。
「好耐無見，估唔到你都會黎。」
「晴晴叫我咪黎。」
「呢位成個日本女仔咁既，一定就係小櫻。」
「係，我叫佐佐木櫻，多多指教。」
「我叫伍思瑜，你叫我阿瑜得。」
原來晴晴叫左思瑜係教會門口接待我地。
呢間教會一如既往咁多人。
如果無思瑜同佢班朋友幫我地霸埋位，
應該會睇得無咁清楚晴晴既受浸過程。
所有程序結束後，
每個今日受浸既信徒都分別同自己既親友影相。
「小狼小櫻我想同你地兩個影相。」晴晴向我地請求。
「當然無問題。」我答晴晴。
之後晴晴提出想同我合照既請求。
我起初有啲驚訝，但我都答應左佢。
「少朗你埋啲啦，又話由細玩到大，咁見外做咩？」思瑜指示我。
「我可以撓住你隻手影嗎？」晴晴輕係耳邊問我。
「Err......ok呀。」
晴晴撓住我手臂貼得好埋，笑得好燦爛。
「喂，果到有個男仔睥住我。」
「唔洗理佢。」
個男仔明顯好不爽。
影完相，我就同佢地成班人去左飲茶。
大家都好好人有傾有笑。
即使唔熟，都不斷同我地傾計，開話題。
小櫻理所當然係最大既話題。
比人係咁問佢日本既生活係點。
「粒牛肉球唔洗分開。」
晴晴阻止準備將一粒粒牛肉球分成兩半既男教友。
「無所謂啦。」我對晴晴講。
「你話過成粒食先有嚼口嘛。」晴晴跟手夾左粒係我碗。
「好似唔係咁好意思。」我細聲係晴晴耳邊講。
「唔怕啦，再叫過咪得，我叫得你黎點可以苦待你。」
「如果唔知情，我仲以為晴晴係你女朋友。」小櫻好細聲咁係耳邊到潤我。
「佢對個個都係咁。」
話頭未完，晴晴已經夾左粒燒賣比小櫻。
然後好似配給咁逐個夾。
「自己黎得啦。」思瑜同晴晴講。
其實我有一刻諗過如果有人娶到晴晴都幾幸福，
雖然平時係粗魯啲......
「食飽左去邊好呢？」晴晴步出酒樓問我地。
「原來你無諗過。」
「黃生，唔好次次都要我諗得唔得？」
「咁次次都係你即興話事。」
「咁我而家即興要你話事。」
「Errr.......」
「唉，一早估到你無諗頭。」
「嘖，又跣我.....」
「好彩本小姐一早諗好左，book定位去唱K。」
「唱happy hour?」我問晴晴
「係呀，因為book唔到lunch K。」
「好啦好啦，你話事。」
「緊係啦唔通你咩。」
晴晴成日都拮住晒。
行到維園就同佢啲朋友分開。
「阿瑜唔去？」我問晴晴。
「人地約左男朋友，淨係問人地，候住人地呀？」
「以為佢會繼續陪你姐。」
「你想人地繼續“陪”你咋？」
「你唔好亂講！！！」
「呢啲男人口不對心又花心，你要小心啲呀小櫻。」晴晴望住小櫻。
同小櫻講完之後就轉臉過黎向我做鬼臉。
「你.....!!!」
我比佢激變左蕃茄面。
「晴晴你唔好再玩佢啦，你睇佢塊臉都紅晒啦。」
估唔到連小櫻都恥笑我。
因間你地去到K房就知本大爺既厲害！
「救命呀！！！你唔好再唱啦，求下你，我頂唔順。」晴晴已經開始求饒。
「哈哈！點樣可以將首情歌唱到好似rap歌咁嫁？」小櫻笑到流眼水。
「知死未李海晴！？」
「你羸你羸，我唔會再串你。」
「可唔可以黎多次？我想錄低佢。」小櫻抹住眼水住問我。
「緊係可以！！」
「唔好唔好！！」
小櫻給左我一首歌既時間，
但對晴晴言而，係一首最長既電影。
結果我比晴晴沒收左支咪，
從此分隔兩櫈。
剩餘既時間只能靜心聽佢兩個唱歌。
晴晴一如以往唱得咁好聽。
小櫻多半都係唱日文歌，好對我口味。
暗淡既燈光，殘藍既幕光，小櫻既歌聲。
小櫻唱唱下不然會回頭望我一望。
怕我悶？
聽你唱歌點會悶？
「呼～累啦，去個洗手間先。」小櫻說完就出左去。
「你洗唔洗聽到如痴如醉？中意人呀？」晴晴挖苦我。
「咪又係到鳩up，因間搞到小櫻亂諗野。」
「你夠膽話一啲感覺都無？」
「係呀！」
「同一屋簷下喎！人地仲要咁靚！我係女仔都有啲心動喎！」
「無呀無呀，絕無非份之想。」
「咪扮野，根據我對你多年既經驗，你無可能對靚女無興趣。」
「我又唔一定要對個個靚女都有興趣既。」
「無可能！更何況佢係一個對晒你胃口既靚女。」
「咪咁睇我啦。」
「唉，睇你都係未放低你個柔柔妹妹。」
「無囉！我對完全無晒野！」
「你望住我！」晴晴捉住我衫領將我拉近。
我地維持呢個動作好幾秒，
晴晴一路望住我雙眼，
而我眼球不奇然咁周圍望，唔敢直視佢雙眼。
「唉，睇你都無救，我咁靚你都反應。」晴晴推開我。
「我對你會有咩反應呀！？」
「死基佬唔好同我講野。」
「你呢個撥辣既女人！」
「你岩岩講咩話。」晴晴捉住我耳仔。
「痛.....痛！！！對...對唔住，我咩都無講過！」
「咁你講多次我係咩女人！？」
「你係最可愛最動人既女人！」
「咁就差唔多！」晴晴放開手。
「嘩！好那痛呀痴孖筋！」
「嘿～你地感情真係幾好喎。」
「小櫻？」晴晴望住門口。
「你睇到晒？」我問小櫻。
「喂！你咁講咪仲令人誤會我地有野！？」
「我就係想問下佢有無睇到啲咩。」
「放心啦我咩都睇唔到。」小櫻解釋。
「你呢個白瘢既男人，你咁講搞到越瞄越黑。」晴晴按住自己額頭。
「放心啦小櫻，我同你唔會有野。」晴晴捉住小櫻雙手。
「李海晴比番啲面好喎。」
「比黎做乜鬼，轉過頭你咪又走去丟晒佢。」
OK......
我已經激到爆晒血管。
「哈哈，放心啦，我唔會覺得你兩個有野嫁。」
「小櫻你明白實在太好，咁我就可以保住我既貞節，唔洗斷送係呢個廢青手上啦。」
我宣佈我已經激到就地噴血......
「哈，你唔好咁講佢啦，你話佢佢就要入急症嫁啦。」
「今日就比面小櫻，再有下次你就以後訓東區啦。」
字面既意思係唔會咒到你死
謹咒到你半生不死，求生不得，求死不能果種。
我諗晴晴既咀毒應該都算舉世無雙。
歎左個幾兩個鐘真人演唱之後終於散band。
本來一齊食晚飯，但晴晴又話後來約左人，唔阻我地兩個。
明明叫人地唔好誤會，但好明顯係佢誤會晒啲野。
「唉，臨時臨急去邊食好呢？」
因周圍都full左，一時不知所措。
「我諗到啦！」小櫻突然大叫。
嚇到我個心離一離。
「有計？」
「uncle，auntie，今晚係咪都出左食飯呀？」
「好似係。」
「不如買野番去煮啦，好似仲好玩，而家出面食又貴又唔飽。」
「oh～小櫻你簡直係我女神中既女神。」
「我先唔做你女神！」
「黎啦女神，收我做兵啦~_~」
「唔呀，本姑娘唔收兵。」
我同小櫻一齊去買餸，繼續今年既聖誕節。
（待續）