黃鼠狼特務Agent of Weasel(搬家原故,本站停止更新): 章二十七:上帝的如意算盤
陰暗的房間裡,牆上掛了漁夫的標誌,坐在席位上的就是教主.他面戴黑布,沒有人看得清他的樣子.
「教主,你搵我有咩事?」李昌華拉開椅子坐下.
「李校長,你唔係好想知我嘅真面目㗎咩?」教主雙手放在桌上托著頭説.
「我唔係好明教主你想講乜.....」李昌華意識到教主知道了他的秘密.
「嗯.....你係中國派嚟嘅間諜,冇錯嗎?」教主道:「你原本係中國嘅商人,因為涉及貪污所以比中國政府威脅,要你潛入漁夫搵返嗰四個實驗品,如果唔係就判你死刑.原本經過今晚,你就可以回復自由,可惜依家就俾我識穿左.」
「我就俾你睇下,我嘅真面目.」教主除下黑布,他的真身就是麥烈寧————————
李昌華吃了一驚,原來他的學生就是他的上司:「點會係咁.....你只係個學生,竟然係漁夫嘅教主!!??」
「弱肉強食嘅自然定律我細細個就已經識.我比同年嘅小朋友更加清楚要成為王者,就要變強!!!!漁夫....就係我麥烈龍發揮嘅一片天地~我要話俾香港人知道,乜嘢夢想,乜嘢本土,乜嘢知足,全部只不過係失敗者嘅籍口!!佢地做唔到強者,淨係識怨天尤人,根本就係垃圾!!」麥烈寧道.
。。。。。。。。。。。。。。。。。。。。。。。。。。。。。。。。。。。。。。。。。。。。。。。。
2015年2月20日－－－ 天幕事件發生前兩個月.
戴著黑布的麥烈寧跟中國情報組織紅槍客的高層談判.
「教主,坦白說....我們並不希望跟你開戰,這樣對大家也不好.」對方用普通話說.
「你意思係,你地中國肯讓步?」麥烈寧説.
「方計程那四個特務我們可以不要,可是你要答應我一個條件.」對方説:「你要幫我們獲得利益.」
「不如你講清楚D.」
對方從下屬手上取來一份計劃書給麥烈寧:「這就是天幕計劃,簡單來説就是我要你在香港弄一場恐怖活動.」
「我要動用我嘅人力物力嚟幫你地辦事?好唔扺啫.」
「國家會負責一半的供應,這樣夠了吧?」
。。。。。。。。。。。。。。。。。。。。。。。。。。。。。。。。。。。。。。。。。。。。。
「中國真係好冇口齒,呢頭話唔要,嗰頭就派個間諜嚟諗住搶走嗰四個人.」麥烈寧道.
「麥烈寧.....你要殺我嘅話就殺啦.」李昌華已經有死的覺悟.
麥烈寧拉開抽屜取出左輪手槍:「就等上帝嚟決定你嘅命運.」他把一顆子彈放進彈膛內再撥撥,指著李昌華的頭顱:「你有六分之一嘅機會會中彈,睇下你好唔好彩.」
「砰————」子彈瞬間貫穿李昌華的腦袋——————
「連上帝都唔鐘意你,真係悲哀.」麥烈寧道:「哎呀,唔記得左㖭....我就係上帝~」他把槍內另外五粒子彈取出來——————————
------------------黃鼠狼特務Agent of Weasel-----------------------------
-----------------------章二十七:上帝的如意算盤------------------------
-------------------------------------------------------------------------------------------------------------
「就喺呢度...」霜寒推開鐵閘,步入這充滿危機的空間.
耳機裡傳來馮鍵的聲音:「小心D,我feel到一陣可怕嘅氣息....」
「我乜都唔驚,至驚係虹佢有危險.」霜寒道.
一個身影閃出——————是灼.他提起燙熱的金屬拳頭朝霜寒襲來,霜寒提腳使出下劈,灼再勾拳揮擊.霜寒長棍格住,一端刺向灼的上臂.灼把上半身扭後,旋動手肘擊向他的眼窩,再左右腳躍起鎖住他的頭把他扯下地.霜寒用長棍撐住地彈起身子,退後避過灼每一拳.
過了幾招後,霜寒逐漸回想起灼的戰鬥模式,面對殺傷力高的泰拳,霜寒還是跟他保持一段距離較好.可是灼並沒有讓霜寒留有喘息的空間,他一招蹬腿襲向霜寒的胸肌,霜寒右前臂擋住.再來一腿瞄準面部,他再左前臂擋住.趁霜寒專注防守上半身之際,灼則來記低掃踢攻擊他的大腿,在他重心不穩之時再躍前飛膝擊向他的腹部,動作兇狠不留情面.
「灼....我唔想同你打呀!!」霜寒用棍格住他每一道攻擊:「醒下啦!!!我地係同伴嚟㗎!!!」
「你係我嘅目標,唔係同伴.」灼箍住霜寒的頸部下沉,膝擊他的下顎—————————
始終也是朋友,霜寒沒有出盡力氣:「出招咁狠毒,睇怕你已經失去左人性....究竟漁夫做過乜嘢令你搞成咁.....」
還有兩個人走上來.
「綻螢,翡綠....」霜寒道:「你地都要殺我?....」
翡綠和灼一同出招,霜寒長棍格住兩方的攻擊,但是翡綠眼球轉動的速度很快,霜寒每一擋他也能破,讓灼有機會擊中霜寒.霜寒以長棍撐起身子把灼踢走,再揚起棍後旋劈向翡綠,翡綠迅速接棍,起腳踢走.現在霜寒只能空拳應付,他直拳揍向翡綠的胸肌,翡綠速起左手掛開,同時右臂劈擊他的手臂,再右腳猛蹬他的小腿.灼也來飛膝攻向,霜寒重心轉移左腳轉身迴避兩方攻擊,朝灼來記迴旋踢,灼則以左臂夾住霜寒的小腿,再砍肘擊打他的膝蓋.在翡綠趁機襲擊之時,霜寒勁力抽出腿退後三分.
「呀....」霜寒右膝蓋受傷了,幸好不是太嚴重.
「吔呀呀!!!」綻螢以翡綠的肩部作踏板跳起,朝霜寒使出猛虎硬爬山.霜寒前臂提起承受住,綻螢又旋動身體肘擊他的軟肋,叫他痛上加痛.灼牢牢握緊金屬拳頭,衝向朝霜寒的心臟位勾拳揍向————————
「停手,夠喇.」後面轉來劉三鴻的聲音,他們才停下不再攻擊霜寒.
「顏影寒~你係貴賓嚟,我唔可以咁樣招呼你嘅~」劉三鴻面帶微笑.
「黃虹喺邊度.」霜寒盯住劉三鴻道.
「捉住佢.」劉三鴻命令他們捉起霜寒,走到實驗室裡頭.
「虹!」霜寒見到黃虹被綁在椅子上.
「阿光...你真係心甘情願比人利用!!??」他對蔡慧説.
「只要生存就可以.」蔡慧冷説:「只要生存,我乜嘢都願意.」
「你地個個都變成咁......」
「黃虹係你最重要嘅人.....我會喺你面前,殺左佢~」劉三鴻慢慢走近黃虹,準備把她手刃.
「劉三鴻!!!!啊呀呀呀!!!!!」霜寒拼命解脫,卻被翡綠絆倒.
「啊啊呀!!」劉三鴻突然痛苦的大叫著———————— 是蔡慧朝他打出病毒波.
「阿光??你...」黃虹驚訝的道.
「喺我重拾記憶之後,一直都冇遺棄過炫光女呢個身份.」蔡慧掏出她專用的三截棍,眼神堅定的注視著:「我永遠都係狄光欣,炫光女!!!」
劉三鴻回頭望著炫光女:「你....背叛我!!??」
「我假扮順從你,其實係等緊殺你嘅機會.劉三鴻....你會被病毒不斷折磨...然後痛苦咁死去!!」炫光女道.
一把小刀從遠處飛來斬斷黃虹身上的繩索——————馮佩妮和韓傲清趕到了.
「我地好似錯過左D好戲喎~」韓傲清跟馮佩妮說.
馮佩妮目光移向被痛楚纏繞的劉三鴻:「不過都趕得切睇呢條友嘅結局~」
「我明明講好左要霜寒單獨嚟....點解你地又會喺度!!??」劉三鴻怒說.
「仲有我!」羅妙晴握住長棍說:「寒,俾返你!」她把長棍扔給霜寒.霜寒馬上以棍插向抓住他那兩人的腹部,從他們手中逃脫.
「劉三鴻,你嘅下場就只有死!!!」炫光女食指指住他.
「黃鼠狼特務全部都齊哂喺度....哈哈唔錯唔錯~」劉三鴻説.
「秦世樂嘅存在感係咪真係咁低.....」馮佩妮吐糟道.
霜寒覺得有些古怪:「齊哂喺度?.....大家小心!!!!」
馮佩妮感應到彈頭滑動的聲音————————她擲出小刀擋下子彈.
「係黑曜!」黃虹見到躲在一角的黑曜.
「嘿嘿呵哈哈哈~」劉三鴻笑起來:「區區病毒波又點可以制止到我~?」他施出內功,把病毒迫出來————————
「咩話!!??」炫光女意想不到.
「呢D就係我嘅異能~你地妒忌唔到㗎喇.翡綠,綻螢,灼,黑曜.....同我解決佢地!!!」
炫光女揮舞三截棍,綻螢避開她的同時來記鐵山靠撞擊她,馮佩妮跳上綻螢身上小刀劃擊,綻螢雙拳揍上把她打下來,再劈山掌劈向炫光女,炫光女看準時機,使出帶馬歸糟拉扯綻螢的掌,左臂擊向她的肘處.翡綠前來夾擊,迅速揮拳的同時並能擋住炫光女的攻擊.炫光女提撩棍以作防守,馮佩妮小刀刺向翡綠的前臂,跳上他身上把他扭下地,灼衝來朝馮佩妮連環肘擊.
「你嘅對手係我!!!」霜寒出棍為馮佩妮擋招.灼隨即轉移目標,他抓住霜寒擺膝襲向,箭步上前沖膝再襲——————
面對速度極快的翡綠,馮佩妮也要提升速度,她瞄準翡綠的耳窩小刀刺向,翡綠則以破刀手踿腿叫她倒地.馮佩妮彈起反擊,翡綠又出十字錘格開她的拳,再右拳揍向,馮佩妮看出他的破綻,小刀狠狠劃斬他的腋下.
黑曜握住他的AS50狙擊步槍,瞄準住目標.
「喂!」羅妙晴喝止他:「你喺度做乜嘢~?」
黑曜放下槍枝,掏出手裡劍擲向,羅妙晴以風衣接住把手裡劍扔回去.黑曜看準位置,出手接回劍.
「黑曜,我睇得出你唔係真心想幫劉三鴻.你眼界咁好,頭先明明大把機會殺死我地.」羅妙晴道.
黑曜沉靜一會兒,道:「我唔會殺你地,盡量.」
「我應該當你係敵人,定係朋友?」羅妙晴道.
「......我唔知.」黑曜說.
「阿光!」黃虹擺拳揍向綻螢:「我地兩個一齊戰鬥!!」
「虹,你真係忍心咩?佢地曾經係我地嘅戰友......」炫光女不希望親自傷害同伴.
「不過依家....佢地係敵人.」黃虹擺出虎鶴雙形拳:「佢地再冇可能變返以前咁.....唯一可以做嘅,就係幫佢地解脫....絕對唔可以俾劉三鴻利用佢地為非作歹!!」
「你講得啱....好....我地兩個,就一齊戰鬥!!!」
綻螢猛虎硬爬山打來,炫光女和黃虹左右彈開,黃虹踏牆跳踢擊綻螢的後頸,再由炫光女揮棍擊她的腹部.綻螢直拳打走炫光女,朝黃虹勾拳揍向,黃虹一招水浪拋鎚廢了她的左手,前踢把她蹬到地上.
另一邊箱,霜寒正跟灼苦戰.韓傲清則走至一同應付.
「你點解會喺度.」霜寒道.
「我都係黃鼠狼一份子,唔係咩?」
「哈哈哈...」霜寒説:「對付灼要小心,佢有一對發熱嘅金屬拳頭,而且爆發力十分之強,俾佢打中實燙死你.」
「你咁撚黑心嘅,咒我?」韓傲清說:「咪睇下邊個功夫勁D?」
「好哇,睇下點~」霜寒和韓傲清同步出拳,擊中後霜寒再以長棍撐起身子朝灼來多記飛踢,韓傲清再旋風腿把灼的拳頭踢走,由霜寒踢至他的下顎.灼順著霜寒的腿遊到他後方右肘朝他的脊椎刺,韓傲清抓住灼的右前臂大力扭,右拳勾向,灼左臂作防守,韓傲清迅速收回右拳以右腿踢擊灼的左肘處.霜寒長棍劈擊他的頭顱再由韓傲清側踢把他擊倒—————————
「劉三鴻,你已經無路可退.」羅妙晴拿Glock 17指住劉三鴻說.
「係咩?」劉三鴻道:「你認為你可以破到我嘅力場咩?」
羅妙晴扣動板機射出子彈,在子彈撞到力場之時重拳揮出,把力場破壞掉————————始料不及的劉三鴻未有為戰鬥準備,被羅妙晴手刀劈擊喉嚨.
「竟...然...可以破到我嘅力場!?」劉三鴻引以為傲的異能被破解了.
「馮鍵教我只要集中攻擊力場最弱嘅位置就可以.」羅妙晴迫近劉三鴻.
「你好嘢.....」處於劣勢的劉三鴻選擇撤退:「翡綠,綻螢,灼,黑曜...我地走...」
「咪洗旨意閃人!!!」韓傲清追上,黑曜馬上投出幾把手裡劍迫他退後.
「唔使再追喇....都已經追唔上....」羅妙晴道.
「阿光?」黃虹發現炫光女不見了.
「佢去左邊....」
「睇下.」馮佩妮指住炫光女留下的三截棍:「支棍隔離有張紙仔.....」
黃虹焦急地打開看看,是炫光女的告別信.
《 虹,寒.....對不起我要跟你們説再見了,我已經累透了....
累透了....每日擔心吊膽的日子.
再繼續留在這裡的話,不知道何時我會再次被何人利用.
可以選擇的話,我希望我們幾個可以一起度過平凡的日子.可是,世界注定是殘酷的,唯有在異世界裡,我們才可以快樂的生活下去吧?
這支三截棍,就當是我留給虹你的紀念物吧,既然你決定選擇這段路的話,希望你可以努力戰鬥下去,把漁夫和紅槍客徹底瓦解....
你們的摯友 狄光欣a.k.a炫光女 上 》
「件事未完結佢就走左.....」馮佩妮嘆道.
黃虹握起三截棍,默不作聲.
--------------------------------------------------------------------------------------------------------------------------------
劉三鴻帶著灼他們逃出實驗室,卻遇上五個穿紅色西裝的男人.
「係嚟搶佢地返去~?哈哈哈~咪忘記我都係資格者.」其實劉三鴻一同人身帶傷,未必敵得過他們.
西裝男並不畏懼,一步一步迫近他們.
下一瞬間,五個西裝男輪流倒地死去——————————
草叢之中,麥烈寧走了出來.
「你又邊個.」黑曜敵視著他.
「麥烈寧?」劉三鴻感到意外:「你點會喺度?」
「聽聞你打算將教主剷除.」麥烈寧道:「我好樂意....扶植有才能嘅人成為王者~我有個唔錯嘅計劃————————」