黃鼠狼特務Agent of Weasel(搬家原故,本站停止更新): 章二十六:降服,埋伏,報復(下)
黃虹睜開眼,發現自己身在荒廢的實驗室內,閃爍不停的燈光,讓她感到不舒服.
「想唔想知道呢度係咩地方?等我話你知啦~呢度就係方計程嘅實驗室~」劉三鴻説:「係咪大開眼界呢?」
黃虹認得冬眠艙裡的同伴:「綻螢...黑曜,翡綠,灼......」
「老友團聚嘅感覺係咪好好呢?」
「你捉我過嚟唔會淨係為左講呢D廢話呱?等我估下,你打算利用我引顏影寒過嚟....」黃虹望向機器道.
「果然聰明!知道我想點~」
「佢係唔會咁容易就俾你洗到腦,你死心啦.」
「係咩~?」劉三鴻撥撥黃虹的頭髮:「咪忘記佢最重要嘅人依家就喺我手上~」
「過嚟~」他招手叫蔡慧過來:「同你嘅老朋友聚下舊啦~」
「阿光.....」她肯定眼前那個人,已經不再是從前那個炫光女了.
「我會睇實佢.」蔡慧告知劉三鴻說.
「你真係選擇幫佢地?唔好忘記佢地對你做過D乜呀!!」黃虹還未對她放棄.
蔡慧細賞她手上的病毒波:「係漁夫俾左我新嘅人生.以我嘅「才華」,完全有資格去得到更多.要我屈就係黃鼠狼做一份注定冇未來嘅工作.....根本冇可能.虹,我希望你可以睇清楚局勢.幾乎全個香港都係喺佢地掌控之下,黃鼠狼係冇可能鬥得過漁夫㗎!!就算俾你成功阻止到漁夫咁又點?D人會多謝你地咩?阻止左天幕計劃嘅嗰個特務,依家俾中國追殺緊!!!!而黃鼠狼....都將會成為下一個!!!經過貨櫃場件事之後,我深深咁明白一個道理....高牆隨時都可以壓死雞蛋....」
「所以你覺得屈服先叫做正確?」
「望下呢個城市,經歷左咁多事,大家都依然若無其事咁繼續生活,冇人意識到自己其實係屈服.」蔡慧説:「佢地,值得你守護咩?」
黃虹聽到後無話可説.
「加入我地啦,只有漁夫先至係真理.」
「狄光欣你醒下啦!!呢D根本就唔係真理!!你唔記得左你以前係個乜人咩!!??」
「狄光欣已經死左!!!取以代之嘅,係蔡慧!!」蔡慧十分厭倦狄光欣這個名字.
黃虹想到疲累,也想不出任何方法把從前的她拉回來.
劉三鴻走近那幾台冬眠艙:「係時候,露出鋒芒啦~」他啟動冬眠艙系統,冷空氣隨之排走,把艙內的人解凍.
「乜你認為佢地會聽你講咩?」黃虹道.
「哈哈~」劉三鴻瞧瞧黃虹:「睜大雙眼睇下啦.」
即使被解凍回正常體溫,他們也像失去靈魂的軀殼一樣臉無血色,呆在原地動也不動.
黃虹看見他們這股樣子,不敢想像他們經歷過甚麼.
劉三鴻依照手記上的指引說出單詞:「朋友...親屬...光芒...牽絆...理想...同行.....」
「阿光!!阻止佢呀!!阿光!!!!」黃虹叫嚷著,蔡慧也沒有理會—————————
------------------黃鼠狼特務Agent of Weasel-----------------------------
-----------------------章二十六:降服,埋伏,報復(下)------------------------
------------------------------------------------------------------------------------------------------------------
秦世樂把平板電腦放下:「劉三鴻email過嚟,佢話.....要顏影寒自己一個去贖返黃虹,如果俾佢發現到有人同行嘅話佢就即刻將黃虹殺死.」
「我去!」顏影寒斬釘截鐵的道.
「唔可以!!劉三鴻同蔡慧太強喇!!加上你D傷仲未好返,你去就等於送死.」羅妙晴説.
「就算係咁,我都要去!!!」顏影寒拿起架上的凍結棒:「我唔會俾黃虹佢有事!!」
「單憑匹夫之勇,可以做到乜嘢...」見到他,秦世樂便想起當時決心救出范葛威的自己:「對方咁強,莫講話救黃虹,入到去唔死都偷笑啦.....」
「秦世樂講得啱,我地點都要有個計劃先可以行動.」
「計劃計劃....你地有咩?我一定要救返佢出嚟!!!」顏影寒推著拐杖想走出去,卻痛得叫了起來.
「咁嘅身勢仲去搏你係咪傻㗎!!!??」羅曉晴趕忙扶起他.
「只....有...我去....先可以救返黃虹!!!!!!」顏影寒高舉凍結棒朝自己的心臟插——————————
「啊啊啊啊呀呀呀!!!!!!!!」
「呢個就係顏影寒嘅異能.....」秦世樂道.
顏影寒攤開自己通紅的雙手:「繼上一次已經係兩年前.....」
「你堅持要咁我都冇辦法.」羅妙晴也知道自己阻止不了他:「但係我點都要跟喺你後面睇住情況.」
------------------------------------------------------------------------------------------------------------------------
夜店裡,手下見到馮佩妮也露出一道笑容,他們也等著看她好戲.馮佩妮偷瞄一下藏在褲袋的小刀,便去找戴鯨亨.
他躺在沙發上,色瞇瞇望住馮佩妮.
「大佬,你搵我有乜事.」馮佩妮説.
「你明知故問~」
「係關於.....傲清嘅事.」
「當日你都喺附近偷聽,你知咩事嘅~你嚟得嘅話,即係話你都願意為左韓傲清而犧牲自己,哈哈!愛情真係好偉大~」戴鯨亨站起身,步向馮佩妮:「我品嚐過政客,明星,老師,但係就未試過學生妹嘅味道~你會俾我試下㗎可?」他貼近馮佩妮的背部,雙手順著馮佩妮的兩肩摸到腰部.很快便被他摸到褲袋裡的小刀——————
戴鯨亨察覺到馮佩妮的意圖:「呢把.....係咩嚟㗎~?」
「係你臨死前見到嘅最後一樣嘢!!!」馮佩妮狠狠拿酒杯爆向戴鯨亨的頭顱,再右肘刺向他的肋骨,戴鯨亨迅速擋住,馮佩妮小刀斬向,戴鯨亨捉住她的手腕拉斷手臼,勾拳擊中她的腹部.倒在沙發上的馮佩妮被戴鯨亨按住手腳.
「就算你今日走得甩,唔代表聽日可以,不如就趁早接受現實,乖乖聽話啦~」戴鯨亨重拳揍向她的腹部,確保她痛得不能動彈.
「你條死淫蟲!!!」
「你要感激我俾個機會你條仔!!!感恩呀知唔知~?」
「砰————————」門忽然被踢開,是韓傲清—————————
「啊啊呀!!!」他把戴鯨亨抓起,猛力扔到牆上.
馮佩妮見到韓傲清滿身傷痕,再望望房間外面,發現外面也是負傷的手下.
「對唔住....我遲左嚟救你.....」韓傲清抹走臉上的血痕.
「傲清.....」馮佩妮知道自己錯怪他了.
「你以為我真係會出賣你咩?你係我最重要嘅人.....我決定要守護你一世....」
「韓傲清!!!!!你知唔知自己喺度做乜嘢!!!???」戴鯨亨勃然大怒,他直拳揍向,韓傲清右前臂格他的手再上勾拳撃碎他的鼻骨,又利用假動作欺騙戴鯨亨,朝他每一處關節重擊.韓傲清又雙掌拍撃他的耳朵,弄得他嚴重耳鳴.
「我唔會俾你動到妮妮一條頭髮......」韓傲清瞪著眼罵道:「要我好似隻狗咁奶地板,仲要郁我條女,當我係狗!!!??當我係狗!!!!??啊啊呀呀呀呀!!!!!!!!」他把全身的力氣集中在拳頭上,朝戴鯨亨的下體連拳毆向.每一拳,也充滿著憤怒——————————即使打到他下體殘廢,韓傲清也繼續打下去,直至血花四濺也沒有停過.
「夠喇!!!停手啦!!」馮佩妮叫着.
韓傲清抽起被打至半死的戴鯨亨:「我終於可以向你報仇,真係好開心!!!」
「傲...清......唔唔好殺我...對唔....住.......」戴鯨亨用盡力氣求情,妄想會被原諒.
「再見喇~妮妮,由你嚟解決.」韓傲清把馮佩妮專用的兩把小刀扔向她.
「唔好殺我唔..好殺我啊啊呀呀!!!!!!!!!」
馮佩妮兩把小刀持在戴鯨亨的脖子兩側,向反方向狠狠一劃——————————他的大動脈隨之割斷.
韓傲清瞧向瀕死的戴鯨亨道:「我韓傲清最憎嘅就係俾人利用!!!話你知,我地會將漁夫呢個組織連根拔起!!!到時會有更加多人同你陪葬!!」
「斷左氣.」馮佩妮道.
「戴鯨亨死左,社團D人一定知道係我地做嘅.」韓傲清對馮佩妮說:「你願唔願意繼續留守喺我身邊?」
「我有幾時離開過你呢?」馮佩妮苦笑説:「我當初真係以為你會出賣我.....」
韓傲清抱著她:「對我嚟講,你比任何嘢都重要,我仲已經諗好我地人生下個階段會係點樣.我地會結婚,生BB,連名我都諗好埋喇~要叫做.....悅萌~韓悦萌!」
「對唔住.....」馮佩妮感動得哭起來.
「好喇,依家唔係道歉嘅時候,仲有樣重要事要去做.」韓傲清抹掉她臉上的眼淚:「我地要去救人.」
----------------------------------------------------------------------------------------------------------------
安全屋裡,只有秦世樂一個.
他確保沒有其他人後,就取出手機拔掉舊的sim卡換上新的,再利用這部手機致電給李昌華.
「李昌華,你要我做嘅事情我已經做好,你可以放過我丫媽未??」
「唔駛咁心急,全靠你喺佢地身上面裝左追蹤器,我先可以掌握到你地黃鼠狼嘅行蹤,及時通知戴鯨亨移走D貨~原本當日我仲打算順便將顏影寒同黃虹殺死....但係突然有多條友出嚟阻住哂.佢地一日未死,你嘅任務都未完成.」電話裡頭的是李昌華的聲音.
「你想我親自殺哂佢地??」
「咁就要俾下佢地過唔過到今晚喇~」李昌華説:「今晚個場面,一定會好壯觀~好,唔講住,收線~」
李昌華掛斷電話後,他再致電另一個號碼.
「喂主任,是我,李校長.」他用普通話說:「我這次打來是想告訴你,我已經知道「東西」的位置,你現在可以派人來奪回「東西」了————————」