黃鼠狼特務Agent of Weasel(搬家原故,本站停止更新): 章二十三:木偶的再度抉擇

    蔡慧推開厚重的鐵閘,裡頭的是一條黑暗的通道.她帶著疑惑的心情拿著手電筒一步一步走入,見到照明系統便開啟.
雖則燈管閃爍不停,但也能清楚知道這裡是個實驗室,周圍生鏽的水管和剝落的牆壁也告訴她這裡荒廢已久.而地上的子彈殼和破爛的櫃架更告訴她這裡發生過槍戰.


                   ------------------黃鼠狼特務Agent of Weasel-----------------------------

                  ----------------------- 章二十三:木偶的再度抉擇------------------------


    櫃架上的物品吸引了她的注意,上面放置了一支AS50狙擊步槍,幾把手裏劍和一支三截棍.蔡慧睹住那三截棍,有似曾熟悉的感覺.





    走下去的房間裡有一張機械椅,旁邊有一部機器連接到椅上.椅子底下有本小簿,她撿起來拍拍簿上的灰塵.
       封面上寫著「手記」的手寫字樣.

 簿內紀錄了那些機器的剖析圖和使用說明.掀到後頁還寫下了一些詞彙:
    '' 朋友 親屬 光芒 牽絆 理想 同行 事實 轉化 存在 目的 渴慕..... ''看到這裡,蔡慧頭部開始刺痛,但她也堅持要看下去.
'' 方式 明智 實現....... ''

「啊呀呀!!!!」這些詞彙似乎刺激起蔡慧腦海裡封鎖已久的核心記憶.





* 今晚......Girl's Night!!! *那兩把女聲再次穿進她耳內——————————

   * 喂唔知今晚會唔會撞到白馬王子呢? *
* 嗰個姓顏嘅男仔好似對你有意思喎虹虹~ * 

「霓....霓虹女..?.....」蔡慧看清了她的樣子,就是黃虹.

* 光~話唔定你都會遇到真愛呢~ *
* 你即係想有仔唔要姊妹啫~ *
* 點會喎! *黃虹走前抓住她的手:* 我地兩個永遠都係好姊妹嚟!永遠唔會分開! *





    蔡慧跌在地上,手腳震抖著:「唔會...唔.....唔唔唔唔唔會!!!!!!!」

「啊!!啊啊呀呀!!!呀呀呀呀!!!!!!!!」劇痛再次襲來.

      畫面一轉,是個貨櫃從起重機上墜落——————————

* 細佬!!!!!! *她失聲地哭,敵人卻乘機朝她開槍.
     她望著中彈的腹部已流血不止,深知自己命不久矣.
* 等我!!特勤車上面有急救工具!! * 黃虹握緊她的雙手說.
* 嚟唔撤喇....... *
* 唔會..唔會!!!!! *
* 虹,我地來世.....再做好姊妹... *
      下一瞬間,畫面只剩下黑色.......





   再度打開眼的時候,她發現自己身處實驗室裏,手腳也被綁住.旁邊是個穿西裝的男人.
* 我係邊個...我個名係... *
* 醒左,可以開始. *男人跟另一個白袍男說.
     白袍男啟動機器,機械臂抓住她的頭顱,並利用高壓電刺激她.
* 啊啊啊啊呀呀呀!!!!!!!!! *極度的痛楚使她撕叫————————

   男人從衣袋取出小簿,並依照簿上的詞彙讀出:* 朋友,親屬....光芒..牽絆..... *
* 啊呀呀呀!!!!!!!啊呀呀!!!!!!! *
* 記住...你嘅名,叫做蔡慧 *男人說.

「狄光欣.....係我真名.我...我係黃鼠狼特務....」淚水從蔡慧的眼角流下,經過臉頰再滴至地上.

「Wow~真相大白喇!」藏在側邊的人步了出來,是劉三鴻.
「你...點會喺度....」蔡慧沒有望住他.
「冇錯,狄光欣係你真名~蔡慧呢個身份嘅經歷全部都係假嘅,你唔係菲律賓人,唔係孤兒,冇做過扒手,冇入過殺手學校訓練.」劉三鴻說.




「求你.....將你知嘅嘢講出嚟....」
「好....咁就由最開始講起~」劉三鴻蹲下來,對著蔡慧:「你同你嘅同伴霜寒,都係擁有「才華」嘅人,知唔知點解?」

「當我第一次發現呢個實驗室嘅時候,我見到好多有趣嘅嘢~手記,機器,子彈殼,仲有拖行嘅痕跡.我開始查落去,然後就俾我發現左D嘢~」
「貨櫃場事件之後,你地幾個因為毒蛇彩虹得到重生,而代價就係以奴隸嘅身份存活落去.」劉三鴻說:「狄光欣,成為蔡慧.漁夫嘅殺手.」

「我地只不過係交戰嘅工具.........」蔡慧覺得自己彷彿是個受人擺佈的木偶.

「都可以咁講~」劉三鴻端起蔡慧的下巴:「係我刻意俾你查到呢度,知道一切真相.」

「劉三鴻....你搞咁多嘢係為左乜....」蔡慧敵視著劉三鴻道.
「為左漁夫教主嘅位置」劉三鴻道:「我要利用你地,將教主殺死,再扶助我接管漁夫.」
「你認為我會幫你咩!!?」蔡慧朝劉三鴻使出病毒波,卻被突然出現的力場擋住——————————

​「我同你一樣擁有異能,只不過係先天同後天嘅分別啫.」劉三鴻道.




​「啊呀呀!!!!!」蔡慧不斷出招,也給力場抵消了.
​「其實你地心底裡一直知道,識時務嘅話就可以免去當日慘死嘅結局.」劉三鴻說:​「有選擇第二段人生嘅機會,你覺得佢地會點揀?」
​「................」
​「我會揀....生存.」蔡慧抬起頭,注視著劉三鴻———————————————

---------------------------------------------------------------------------------------------------------------------------
「戴鯨亨!!!!」韓傲清使勁的踢開大門,前來找尋正在喝茶的戴鯨亨,坐在周圍的小混混也迅速站起來盯住韓傲清.

      戴鯨亨從容不迫的倒杯茶飲.
「出去.」他叫其他人全部離開.

「傲清,一場嚟到,飲杯茶啦.」
「你咪撚同我喺度扮哂蟹呀!!我知死鬥根本係你專登放走嘅!!!!」韓傲清大力拍枱.
「係我放走佢!!!!咁又點呀!!??如果唔係你我洗咪咁做呀!!!!」戴鯨亨狠狠地摔破杯子:「養虎為患,我當初就唔應該俾你踏入銀龍半步!!!!!」
「由今日開始你唔再係我大佬!!!忠義兩隻字我送返俾你!!!!」




「終於都同我攤牌喇嘛~好!!我就同你挽大佢!!!!!」戴鯨亨掏出手槍轉身對準韓傲清的太陽穴——————————

「嚟呀!!!!開槍殺我呀!!!!!」韓傲清捉住槍管靠近自己.
「係你自己攞嚟㗎....」戴鯨亨扳下擊錘,把食指移至扳機,準備發射.

    這時候,一個手下跑了進來:「大佬!!大件事喇!!!!」
 戴鯨亨見況,徐徐放下手槍.
  手下在戴鯨亨耳邊竊竊私語,他聽到內容後便趕忙走了.

     韓傲清呑下口水,掌心也沾滿手汗.

--------------------------------------------------------------------------------------------------------
    金毛男子挨在欄杆上吃著煙玩手機,還不時的回頭看,明顯是在等人.
 而馬路對面的一間咖啡室裡,霓虹女裝作看書,暗中監視他.
「戴鯨亨知道計劃曝光之後,一定會想盡辦法將毒蛇彩虹運走唔俾我地發現.」坐在車上的秦世樂通過耳機説.
「而我地就喺佢地運走之前阻止,哈哈我地真係好似警察~」在他旁邊的霜寒笑言.
「咪攞我地同警察比,如果警察做到嘢嘅話仲需要我地特務做乜?」秦世樂語氣帶點不滿.
「講下笑啫.....咁敏感....」
「我平均一年會殺死68個警察,而當中冇一個係無辜.」

     一會兒後,便有架貨Van駛至讓金毛男子上車.
「目標已經上左車,行動開始.」霓虹女道.
   
    秦世樂把手放上軚盤,霜寒卻拍拍他的肩膀:「不如由我開車?你個樣咁幼嫩....好易比人懷疑.」
「............」秦世樂露出不快的表情,走到車廂裡.
     特勤車跟蹤目標車輛穿過大街小巷,到達了銀龍的製毒工場.

    工人們把工場內的毒品逐箱搬至泊在碼頭的漁船.
「原來已經開始緊......」
「要盡快阻止佢地,漁船就嚟要開走喇!」霜寒拿手槍就下車.
「喂等陣!都未了解現場情況!!」秦世樂下車打算把霜寒拉回來.

           「砰——————」突然一下槍聲,叫他們猝不及防,子彈打中秦世樂的腹部.霜寒朝狙擊手反擊,卻給他逃脫了.
     工人發現他們後,便趕快把所有貨搬上漁船.
「去阻..止佢地呀!!」秦世樂忍住痛楚說.
「你中槍喎!!我點可以留低你唔理㗎!!!」霜寒雙手捂住秦世樂的傷口,以免他失血過多.
「仲有我.」耳機裡傳來霓虹女的聲音.
      一部粉紅色機車從他們側邊駛過,上面坐著的是霓虹女.她朝木板衝去,從碼頭飛躍到漁船上——————————————————