黃鼠狼特務Agent of Weasel(搬家原故,本站停止更新): 章二十二:遁跡黑暗的人

                   ------------------黃鼠狼特務Agent of Weasel-----------------------------

                    ----------------------- 章二十二:遁跡黑暗的人------------------------


「原來學校入面有個咁嘅基地,我地之前一直都唔知.」顏影寒挨在沙發上環顧一下鼠洞的環境.
「但係次次入親嚟都要經過廁所真係幾煩,當初係邊個諗到呢D咁垃圾嘅設計....」馮佩妮説.
「喺高照中學搬嚟呢度之前呢個地下空間已經存在左好耐,當初係邊個設計嘅同埋設計用途我都唔清楚.」秦世樂道.
     電腦桌上的動漫模型吸引到馮鍵的注意:「秦世樂乜你有睇動漫㗎咩?」
「D模型係宅聰嘅,佢已經死左.」




「係為...任務而死?」顏影寒惋惜的道.
「嗯,而且後來我發現佢係...」秦世樂想起方計程的事,但他還未完全信任對方,所以決定不説:「冇嘢喇.」
「傷心嘅事咪再提喇....講返重要嘅事先,我地嘅特務身份有比人識穿嘅危機.」顏影寒坐直身子説.
「繼續.」
「潘志祥你地知係邊個㗎啦?有人向佢報料話學校有臥底,呢個人係黃寶然.」
「黃寶然.....我以前識佢,佢曾經想溝我.....」馮佩妮被勾起一些不快的回憶.
      顏影寒給他們看看照片:「黃寶然俾潘志祥嘅證據.」
「D相上面好明顯就係黃虹.」秦世樂發現左下角那張照片有個白衣背影:「咁呢個..?」
「唔知.」顏影寒説.
「可唔可以話我知呢D相嘅資料?」馮佩妮覺得事有蹺蹊.




「查過,D相係由PinkFan PV64影出嚟,圖像拍攝日期係2015年5月6號.」馮鍵道.

馮佩妮說:「D相一定唔係黃寶然影嘅,以佢為人係唔會將搵返嚟嘅錢財投放喺電子產品上面,佢連部手機都係用直立式嘅,又點會買數碼相機嚟影相?」
「影相嘅係另有其人.」顏影寒道:「我諗起喇,5月6號嗰日秦霆鈞同我講話有個朋友向佢推薦一個地方影日落好靚,佢放學就去嗰度影.」
     大家也知道秦霆鈞是個攝影發燒友,當日應該就是他拿着相機拍攝日落時,遇上任務中的黃虹吧.
「嗰個朋友又係邊個?」秦世樂問.
「嗰個人大家都識,係劉三鴻.」顏影寒說:「事情唔會巧合到咁,即係話劉三鴻已經知道黃虹嘅特務身份,仲好清楚佢嘅行蹤.....佢係特登俾秦霆鈞見到..」
「咁做明顯係向我地挑戰.」馮佩妮道.

--------------------------------------------------------------------------------------------------------------------




   「秦世樂同學,幾準時喎~」天台上,李昌華等著他.

「自從我殺左范葛威之後我地都有一排冇見,秦世樂,你依家係咪好想即刻殺左我呢~?」
「咪以為可以控制我嘅情緒,有機會嘅話我的確會殺你,不過唔係依家.」秦世樂蔽住呼吸,抑制著心中的仇恨.
      李昌華輕笑一下,並拿出平板電腦:「不如我地傾下你....媽媽?」
​「你想點.」
「你知唔知道?近排我查到呢~你媽媽喺泰國做左個小小嘅設計師,收入都算幾穩定㗎,呢排仲攞左個設計大奬㖭~生活都唔錯咁喎~」他說.
「我問,你想點....」秦世樂把拳頭握至青筋暴現.
       
       屏幕上的是秦世樂母親在泰國清邁的住所.
「你媽媽依家喺我手上.」李昌華説:「我隨時都可以派人攞佢條命~」
     秦世樂睹住屏幕,沉吟不語.
「由依家開始,你要乖乖地做我隻忠犬,跟從我嘅指令去做.」李昌華得意地從他旁邊走過:​「敵人嘅敵人即係朋友,原來呢句嘢係真㗎~」

​     秦世樂猜到是周乙丙從中作祟,一怒之下把花盆揍碎.





----------------------------------------------------------------------------------------------
      崖邊的公路上,左右兩架Pajero 3.0ZR夾住一輛貨櫃車並排而行.
而不遠的山坡上,蔡慧和林旖旎看準時機跑下去——————她們跳到貨櫃車上,用衝鋒槍朝兩邊的Pajero轟,把裡面的人幹掉.
  
   失去控制的兩部Pajero很快便衝出公路墜入海中.

 貨櫃車司機立即急彎剎停,把蔡慧和林旖旎拋出車外.駕駛座的兩人隨即走出來對付她們,在蔡慧打算使出病毒波前,林旖旎阻止了她:「咁樣會比人發現㗎.」
    一個持散彈槍的瞄準著她們,林旖旎迅速右肶肘格起他的槍,勾踢膝蓋再把他按下地.蔡慧抓住林旖旎拋來的槍,開槍射擊另一個的大腿.

      蔡慧走到駕駛座上操作系統,把貨櫃的電子鎖解除.

   打開貨櫃後,裡邊的冷空氣便逸出來.
「一女三男.」林旖旎拿電筒照照,看到四個裝著人的冬眠艙.
「佢地....」蔡慧發覺這些面孔有似曾相識的感覺.




「劉三鴻一直要搵嘅就係佢地....?」林旖旎道:「佢地....或者可以引領我地走向行星...甚至恆星......」
「恆星....啊啊呀!!!!!!」蔡慧的頭部再次刺痛:「啊啊啊呀呀呀!!!!!!啊!!!!」

    * 曜!你唔好成日咁cool啦,又唔係靚仔~ * 一把女聲穿過她的耳朵————————
      * 係呢~笑多D啦! *又來一把男聲.
「啊呀呀!!!走啊呀!!!!!你地走呀!!!」蔡慧抓緊頭部撞向旁邊,林旖旎不知所措的握住她雙手:「有我喺度呀!!唔駛驚唔駛驚!!!!」
    在林旖旎的安慰下,蔡慧才漸漸的放鬆下來.

「呀.....」蔡慧喘著氣,放下雙手.
「幾時開始係咁㗎....?」林旖旎抱著她説.
「琴...琴晚....」蔡慧凝視住那幾個睡在冬眠艙的人:「有好多唔屬於自己嘅記憶......湧現出嚟...」
「唔通...你已經發現左....」林旖旎似乎知道一些事情.
     蔡慧使勁推開她:「乜....乜...」
「你見到嘅確...確實係你嘅記憶.....」
「從一開始....你已經知道?....」蔡慧再度被刺痛的感覺纏繞:「呀呀!!!!!啊呀!!!」




     林旖旎上前緊緊抱住她:「你會冇事㗎!!!!」
「你走開!!!枉我仲相信你!!!啊呀呀!!!!!」
「我唔講得㗎我講左出嚟就會比人殺!!!相信我...我對你係真㗎!!!」

「啊呀———!!!!」林旖旎痛苦的叫喊著,是蔡慧把病毒波打入她體內—————————————
「假仁假義!!!」
      蔡慧再補多一記病毒波,叫林旖旎痛得死去活來:「對...唔.........」
「住.......」

  蔡慧放下屍體,呆滯的對著同一處望,現在她的腦袋可說是一片彷徨.
 
    從小到大的記憶她也十分清晰,可是那些突來的片段......又是從何而來?
 是時候要弄清真相了.
    
  她站起來,走到駕駛座從GPS查看貨櫃車原先的目的地,或許....一切疑問也可以從那裡得到解答.