黃鼠狼特務Agent of Weasel(搬家原故,本站停止更新): 章十一:資格者之鋒芒

「慨嘆滄桑不只得我
 
   傷心不只得你一個 

   讓不快倉卒走過 塗出你心窩一點堅壯 

   悲哀只不過是感覺
 
    擺脫苦惱再活過~」

     坐在壁畫下的DreamChaser正在為同學送來鐵樹蘭的「生命」,引來不少人圍觀.沒事幹的我也來湊一湊熱鬧.

      身為主唱的顏影寒眼裡彷彿有點淚光,畢竟在學校演出的機會也越來越少,中六畢業以後也再難找機會跟三五知己一起夾band了.
 對他來說,珍惜在學校的每一刻時光是很重要的.而對我而言.....畢業之後...是繼續走特務的路嗎?
 
「師兄好型丫!!!」一群學妹叫嚷著.
「影寒oppa!!!!!」又一個學妹在另一邊大叫.咦?這不就是吳廷發之前條女嗎?
「多謝大家!!多謝!!」顏影寒抹淚再唱.

「喂睇下門口嗰邊!!」突然有人大叫著,大家一望過去,便見到穿著短裙的黃虹搔首弄姿的步入學校.平日的她已經常常無視儀容規則,但沒想到今日竟然還穿短裙上學......




「嘩!白滑美腿...」一眾男生也被吸引了過去,DreamChaser的觀眾只剩下女生.
    DreamChaser的鼓手蘇鬋飛停下動作:「點呀......仲唱唔唱呀?」
「佢擺明有心咁做!唔好理佢,只要有人聽,我地都繼續唱!」結他手陳永靡道.
「Wilson講得啱,唔好俾佢影響到我地表演.」顏影寒道.
     黃虹高傲的把書包遞向一個學弟:「幫我攞住.」
「好!好!」那狗...那學弟唯命是從,看來又是一個觀音兵了.
她望向壁畫那方:「我覺得佢地唱歌一D都唔好聽囉~唔怪得學校唔俾佢地喺校慶表演啦.」

「講夠未?」顏影寒放下咪高鋒:「你究竟想點?唱歌都得罪你?唔好咁無聊好唔好呀?唔鐘意嘅可以走,有同學想聽歌.」
    黃虹雙手抱著,走向顏影寒面前:「咪繼續唱囉,嚟丫大家都想聽你地唱歌~」




「黃虹!!你會唔會過份左少少!?」

      顏影寒看看四周,有幾個觀音兵盯住他看,像是要殺了他似的.
「永靡,Tommy,高佬,對唔住...我唔想唱喇.」說罷,他便一個人走了.

     沒有歌聽的我也只好繼續呆逛.
「秦世樂!」有人叫我.
「伍莊正?做乜呀.」
「卓狗叫我地上去呀....應該係..關於物理室件事..」

---------------------------------------------------------------------------------
「伍莊正,秦世樂,話我知林旖旎老師有冇暴力傷害過麥烈寧?」卓sir手持記事簿,準備記錄我們的口供.
         伍莊正眼光苦惱的望向我.
「要知道,老師打學生係一件唔見得光嘅事.萬一傳出去嘅話,校長同校董會一直以嚟做嘅嘢就會白廢㗎喇.」卓sir説.
「卓sir,點解唔問麥烈寧有冇想強姦人?」我反問他.




「學業成績優秀嘅學生強姦同學,呢個故事會有人信咩?」
「故事?」我感到不是味兒.
「Miss Lam係為左救學生先至出手,呢個係事實.」我雖然對Miss Lam有懷疑,但是為了公義,我決定站在她那方.
「但係呢個事實唔係咁好聽....要點樣講,你地識做㗎啦?答我,林老師有冇暴力傷害過麥烈寧?」
「為左維護校譽....你地要出賣Miss Lam,包庇麥烈寧..」我沉著氣說.
「呢個社會就係咁㗎啦,好唔忿氣咩?」卓sir戚着眉説:「你地俾人踢出校嘅話千其唔好怪我.」

伍莊正開口了:「卓sir,喺物理室嗰陣時....我...我親眼睇住Miss Lam佢無緣無故咁..打麥烈寧.」
     卓sir露出滿意的微笑,再把目光移向我.
「我都同伍莊正一樣,見到Miss Lam郁手打人.」我説.      


                 -------------------黃鼠狼特務Agent of Weasel-----------------------------

                   ----------------------- 章十一:資格者之鋒芒-------------------------






---------------------------------------------------------------------------------
   「嘣——嘣——嘣——」我拼命的拳打沙包,腦海裏盡是不忿與屈辱.
  要我三番四次於權柄前屈服.........周乙丙...陶陸偉..還有麥烈寧!!難道我要一直忍受這些壓迫嗎!?要我親眼看著Miss Lam被無理對待!!!!親眼看著學校包庇麥烈寧!!!!
「啊啊啊呀呀!!!!!啊啊呀!!!!!!!!」我使勁的爆出一拳,把沙包也打穿了.
     我喘着氣慢慢坐下.

「世樂.」走過來的是范探員.
「范sir.」
「你依家面對嘅,其實已經好小事.你將來要面對嘅......係個更加黑暗可怕嘅社會.既然你選擇左呢條路,就難免要面對比目前百倍,千倍嘅黑暗.你....要有接受痛苦嘅覺悟....」
「我打一陣沙包就冇事㗎喇.」我説.
「方唔方便傾任務?」
「講啦.」
    他給我一幅相片:「宅聰喺你影嗰D相入面發現左D嘢,你記唔記得?」




「我當時好快影完就走,冇留意到D文件內容.」我提起另一袋沙包掛上架上繼續打.
「有份文件名稱寫住『部份天城騎士資格者的「才華」』」
「才華?」我很好奇那是指甚麼.
范探員開始依據文件的內容説:「資格者蔡慧,擁有複製,轉移任何細菌病毒之才華,同時對任何細菌病毒免疫;資格者顏影寒,擁有體溫越低體能越強之才華;資格者劉三.....」
「停一停!才華所指嘅就係異能?」原來世上真的有異能者.
「即係話我地要對付嘅唔單只普通人,仲有呢D麻煩友.秦世樂,你以後要更加小心.」
「知道.」
「我約左朋友食飯,要走先.」范探員把相片放下便走.
「聽日見.」我說.
「呀.....仲有.」他走回來:「有咩唔開心嘅話,千其唔好屈埋喺心入面.我同宅聰隨時都願意陪你宣洩㗎,佢最近先買左GTA V~得閒一齊打下OK?」
「OK~」我微笑着說.
        多謝你,范探員.像以往一樣.

///////////////////////////////////////////////////////////////////////
     學校旁邊的停車場內,韓傲清挨在水泥柱上,等候放學回家的秦世樂經過.




「喂!」韓傲清叫喚他.
秦世樂環顧四周沒有其他人:「你搵我做乜.」
「溜入別墅嘅係你,當日我竟然冇發現到....雖然我唔知你查緊乜,但係我都要提醒一下你,再查落去嘅話對你唔會有好處.」
「韓傲清....睇怕你都係比人蒙在鼓裏喇~」
「咩話?」
「戴鯨亨有乜打算,你唔知㗎可?」
「你想講乜.」
「點解當初戴鯨亨會收你做手下?唔只係因為奇南道傳奇掛?」
「廢話少講!!我嚟唔係為左聽你廢up!!!一排冇同你打過,個身都冇咁舒服.我地痛快咁打一場啦!!!」
「哈哈~我樂意奉陪————」秦世樂箭步踏前朝韓傲清使出連環拳,韓傲清遂一避過再來記橫踢把秦世樂踢至一部車上,在韓傲清飛來一拳時,秦世樂及時從車身翻回地上.「嘣——」韓傲清無意中打爆了車窗.
      秦世樂趁機閃去,朝他的右軟肋來招痛擊,韓傲清右前臂格住,再左直拳揍上,秦世樂也以左掌擋住,雙方處於僵持的局面——————————
「天幕計劃同銀龍好有關係.........你無可避免都係幫兇.」秦世樂説罷,來招送足掃把韓傲清摔在地上.
       韓傲清摔倒後爬回起來,秦世樂右勾拳襲上,韓傲清低頭避開,再直拳打向秦世樂的腹部.秦世樂左膝擊迎對,此時韓傲清收起拳頭,迅速迴旋踢勾擊秦世樂的頭顱.
「呀!!.......假動作!?果然係你嘅風格!!」秦世樂感到有些耳鳴.
          韓傲清再前來右肘肶上秦世樂的下顎,秦世樂雙掌格住,朝對方的腹部連環膝擊.韓傲清退後三分,免受重傷.他們跑上車頂,在車與車之間追逐,秦世樂挂錘送去.韓傲清左拳打走後,秦世樂撲前連帶韓傲清一同摔到地上.

--------------------------------------------------------------------------------------------
      同時,不遠的一條水泥柱後,藏着另一個人,是劉三鴻.
「秦世樂同學.....原來你係特務.....」他暗中望著秦世樂,嘴角露出一道陰笑——————————————