黃鼠狼特務Agent of Weasel(搬家原故,本站停止更新): 章最終:永遠的黃鼠狼

「當耶穌沿著加里肋亞海行走時,他碰上西滿和他的兄弟安德肋在海裏撒網.耶穌說:跟隨我,作漁人的漁夫吧!」牧師握住聖經,向面前的小孩講道:「他們便把船划到岸邊,拋棄一切,跟隨耶穌.」
   麥烈寧入神的聽住.
「喂.」旁邊的男孩叫他:「呢D童話故事你真係信咩?」
「牧師話跟隨耶穌就可以過新嘅生活.」麥烈寧說:「我信㗎.」
「我就唔信呢D嘢勒....我好想好想可以帶媽媽遠走高飛,耶穌可以幫我咁做咩?」
「我都想再讀書呀!我要環遊世界!!!」
「我唔要讀數學!!」
「我都唔唔唔要轉校!!」
    麥烈寧瞧向耶穌像:「耶穌哥哥,你可唔可以用法力幫我?」





「你做叫咩名丫?我叫做秦俊郎!」
「麥烈寜!」
「我地可以一齊離開呢度!!我媽媽已經儲蓄左一筆錢,搵定航班,就係諗住帶我遠走高飛.」秦俊郎道:「我地想離開爸爸好耐喇...佢成日都打我地...」
「真係嘅?」
「嗯嗯!我地保持聯絡,到時候一齊走!」
「我冇電話㗎喎...點聯絡丫...」
「我俾我媽媽嘅電話你丫.」秦俊郎從背包找尋紙條,寫下電話號碼.

    此時,大門突然被踢開,是麥烈寧的父親.
「爸爸....」




「出返嚟.」
「唔丫...」
「咁我唯有捉你出嚟.」父親對秦俊郎投以鄙視的目光,就像兒子給他帶壞一樣,立即把麥烈寧從教堂拉走.

     嘗試接下紙條的麥烈寧,只能白白睹著紙條飄到地上.

-------------------------------------------------------------------------------------------------------
   狹小的單位,就是麥烈寧居住的家.
 父親從陳舊的公事包內拿出一個名牌,上面刻了''財務總監 麥英機''的字樣,見灰塵蓋滿,他拿抹布把名牌抹乾淨:「當年....如果唔係比條友陷害,前甄集團話唔定就已經屬於我....」
「爸爸....」




「日里萬機嘅我居然要住劏房,我冇辦法再忍受落去...嗰間教堂,以後唔准再去,知唔知道?」
「知道.....」
「寧仔,你嘅目標係為爸爸奪回應有嘅一切...明白未?」
「明...明白....」
「好快你就要見校長,趁早準備好.」
「嗯....」

-----------------------------------------------------------------------------------------------------------------------------------------------------
    面試當日,麥烈寧呆在房間裡,雙手抱住腿顫抖著.牆上掛著有魚勾的十字架.
「第一印象俾校長好重要,同我坐返直個人!!!!」母親掌摑他的臉頰,並收走他手上的玩具積木.
   校長走進來後,母親立刻掛上親切的笑容:「校長,好感激你可以俾多次機會我地寧仔!」她望向麥烈寧:「仲唔快D講多謝?」
「多...多謝校長....」
「哈哈~唔需要多謝我,我知道寧仔係個好有天賦嘅小朋友~智商163.....唔嚟我地學院真係浪費.」校長對他說:「好好讀書,就可以成為社會棟樑.唔讀書發奮向上嘅話,就會成為社會嘅渣宰垃圾㗎囉~」
「渣...渣宰?」麥烈寧感到的只有恐懼.
「腐杇嘅世界之中,只有強者先能夠生存,只有強者先至有資格追求夢想~當你處於底層嘅時候妄想會有任何人可憐你,拯救你,失去利用價值嘅你只會得到踐踏,成為社會嘅渣宰垃圾.」校長問他:「寧仔,你想唔想成為渣宰?」




「我唔要成為渣宰,我唔要....我唔要成為渣宰!!!!」麥烈寧喊道.
「小朋友,唔想成為渣宰,你就要加入我地,重建理想天城,係嗎?」
「我要重建...理...理想天城!!!!」
      校長摸摸他的頭,轉身望向母親:「寧仔媽媽,要入讀我地學院唔係咁容易,希望寧仔唔會再令我失望.」
「有有有!!」母親拿出一份份的獎項證書,給校長過目.
「嗯~無懈可擊.」校長又問:「有冇再扭計唔聽爸爸媽媽話?」
「寧仔呢排乖左好多喇,冇再同嗰D閒雜人一齊挽.」
「嗯,面試通過.」校長道:「寧仔,你終於開竅,校長真係好開心.」
    母親瞧一眼麥烈寧.
「我...我都好開心.」麥烈寧只能強顏歡笑.

「歡迎加入我地漁夫嘅大家庭————————」

。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。。






                      ------------------黃鼠狼特務Agent of Weasel-----------------------------

                         -----------------------章最終:永遠的黃鼠狼------------------------


     屠宰場,周圍也是冰冷的金屬機器.
「嘻嘻.....」麥烈寧望向用槍指住他頭顱的秦世樂:「我麥烈龍嘅目的巳經達成,就算你殺左我依然都無補於事.黃鼠狼繼續俾世人謾罵~恐懼依然存在~」
「你嘅生存價值係零,死係你唯一選擇.」
「嘻嘻哈哈.....哈哈哈哈哈!!!!」
「同我收聲!!!」
「愚民!!你認為消滅我就會解決一切??No~我只係眾多教主嘅其中一個~」麥烈寧獰笑道:「無論你地去到邊度,佢地都會搵到你地~哈哈哈哈!!!哈哈哈哈哈!!!!!」
「至少我可以解決你.」
「嘻嘻哈哈哈!!!哈哈哈哈哈!!!!!」麥烈寧用盡最後的力氣,放聲嚎笑:​「哈哈哈!!嘻嘻嘻嘻!!!!」
「永別喇.」秦世樂扣動板機,給麥烈寧致命一槍—————————





   地上畜牲乾涸的血跡和殘餘的毛髮,漸漸被麥烈寧的鮮血蓋過.

-----------------------------------------------------------------------------------------------------------------------------------
   一年後.

    天朗氣清,女子帶著小孩在墳場慢步.雖然身穿的是截然不同的風格,也可以看出她就是馮佩妮.
「悅萌​,呢個就係爸爸喇.」馮佩妮指向韓傲清的墳墓.未知道甚麼叫作死亡的小孩好奇的望住墳墓,似乎覺得很有趣的樣子.
​「傲清....對唔住...隔左成年先帶悅萌嚟探你,我都唔想㗎.....」馮佩妮於心有愧:​「我已經係人母,唔可以再好似以前咁...風風雨雨嘅日子要結束喇~依家企喺你面前嘅,係全新嘅妮妮~」説到這裡,涙水奪眶而出:​「或者喺另一個平行時空入面,你冇死過,可以同我一齊湊大悅萌.....大家都只係平凡普通嘅中學生,考好DSE,各散東西...」
​   悅萌把手上的鮮花放在墓碑前,馮佩妮會心一笑,摸摸悅萌的頭:​「乖~悅萌.」

「等悅萌大個少少,我會幫佢報幼稚園.不過絕對唔會喺呢度.」她看著悅萌天真無邪的樣子,實在不忍心見到她在這座變質的城市下成長.


   懲教所.




秦世樂躺在床上閱讀著推理小說.
「秦世樂,有人探你.」懲教人員叫他.
「探我?」
     懲教人員用自己的指模解除牢房的智能鎖,帶秦世樂走去探訪室.

「姜總警司,我地好耐冇見喇.件蛋糕好似幾好味咁.」秦世樂望望姜思傑送來的蛋糕,他們兩個之間隔著一塊玻璃,靠電話通話.
「你班主任真係好有心,知你生日特登買件蛋糕送俾你.係呢,生活如何?」
「呢度D嘢唔係人食嘅,最仆街嘅就係坐監都要考DSE....」
「等你唔會同外間脫節.」姜思傑笑説.
「.............」
「短短一年,乜都唔同哂.....願意為正義發聲嘅人少之又少....」姜思傑道:「呢座城市....只可以用一片死寂嚟形容.」
     秦世樂打探外面的情況:​「呢度陣係得電視新聞睇,外面發生乜事我都唔係咁清楚.」
「近幾個月有好多單失蹤case,而每單case都有一個共同點,失蹤者都係同政府唱反調嘅異見人士.直覺話我知....係上面做嘅好事,你朋友嘅處境好危險.仲有,最近出現左一個駭客組織,佢地叫自己做Woodpecker.當中有個成員,你可能識佢.」
「姜總警司,我知道好難,但係可唔可以幫我一個忙....」
「放心,我會盡能力保護佢地.」不用問,姜思傑也知道他的意思.
「拜託你喇...姜總警司.」

    姜思傑離開座位走向門口,想到了甚麼,停下腳步.
「你講過,呢個地方唔再需要黃鼠狼.但係.....」他説:「正義仍然需要黃鼠狼———————」

    城市的另一邊有一個倉庫,是政府專門囚禁異見人士的地方.眼神絕望的他們俯首低頭,沒有察覺到門上慢慢結了一道冰面.
       「鏘——————」門被一拳撃破,漆黑的倉庫重見天日.光照出進來的人的樣子,是顏影寒———————

  姜思傑道:「縱使今日冇人願意企出嚟發聲,我深信只要將理念傳承落去,始終會感染其他迷失嘅靈魂.」

​     此時,馮佩妮聽到貨車駛來的聲音,是來刺殺的傭兵.她無奈地深吸一口氣,跟韓傲清作最後告別:「傲清....我同悅萌要走喇...可能,以後唔會再返嚟.」
 她抱住悅萌不斷跑,不斷跑,奔向那火紅的太陽.

     秦世樂道:「就算冇黃鼠狼,一定有其他人取代我地.」
「每個人都抱住咁嘅心態,先咁少人願意企出嚟.有能者需要凝聚一齊發揮佢地嘅影響力.」姜思傑留下最後一句話:「或者相比之下我們嘅力量根本微不足道,所做嘅一切都白費心機.不過即使失敗.....至少失敗得有價值.無論何時何地,成功失敗,生定係死....你地永遠,永遠都係黃鼠狼特務.」

   顏影寒解開被囚者身上的繩子,釋放他們.埋伏的傭兵一個個向他殺來,沒有槍枝的顏影寒躲在牆後避子彈.
​       「嘭————嘭—————嘭—————」忽然幾記子彈把所有傭兵擊斃.顏影寒沿子彈發射的軌跡看去,是握住AS50狙擊步槍的黑曜.
​「黑曜...」顏影寒臉上掛著的,是發自內心的笑容.

       回到牢房,秦世樂才想起班主任從來沒有送生日蛋糕給他.他疑惑地望向那件蛋糕,遲疑了一陣子,切開看看.....
   看到藏在裡面的東西,他嘴角翹起,得意地笑了——————————

--------------------------------------------------------------------------------------------------------------------------------------------

                                                                               〖全文完〗