黃鼠狼特務Agent of Weasel(搬家原故,本站停止更新): 章三十六:終曲前奏

                      ------------------黃鼠狼特務Agent of Weasel-----------------------------

                           -----------------------章三十六:終曲前奏------------------------


  姜思傑扭動軚盤,駛入位於香港警察總部的停車場.
「姜生,今日咁早嘅~?」保安大叔笑道.
​「有單大case,要早D返去準備briefing.唉~真係麻煩,哈哈~」姜思𠎀跟他談笑風生,表現自然.
​「後生仔就係要拼博一番~加油!」保安大叔給他精神喊話,升起閘杆讓他通過.





​「我一定會.」姜思傑找個位置泊車,今日難得空了一個正對陽光的位置,他凝望著那位置,發誓要把一切帶回正軌————————
「你地情況點.」姜思傑通過耳機跟秦世樂和馮妮通話.

「我電腦在手,隨時配合.」馮佩妮在公園坐著.

    總部大樓外牆上,狂風撲面而來——————秦世樂單憑吸力手套,硬著頭皮爬到147公尺高空.手臂極度疲累彷彿撕裂,但在意志力的驅使下,還是堅持繼續爬.
     他單手支撐,另一隻手掏出雷射切割器,𧫴慎地從玻璃切割開一個大洞,破窗而入.
「呼.....」他臥在高架地板上喘息一會.

「我都知你好攰,但係依家已經冇時間俾你休息.」姜思傑步入升降機,按下自己辦公室的樓層.





「好...好....」秦世樂爬起身.

​    伺服器樓層裡,林立了一排排的伺服器.秦世樂開始在這悶熱的空間找尋相應的伺服器.
​「搵到.」他把主機的控制面板拉出,查詢內聯網資料,卻彈出拒絕訪問的字樣:​「馮佩妮,靠你喇,睇嚟個設計預設左要通過安檢門先允許訪問.」
「得.」馮佩妮嘗試入侵警方的保安系統,讓系統認為有人員通過安檢門,成功瞞天過海,資料隨即在秦世樂眼前出現.
     他找到藍覓圖的帳戶密碼:「帳戶名係blueman,密碼係qa9085rnsw5t.」
「qa9085...」姜思傑一如既往地走進辦公室,拉起百葉簾,打開電腦.
「rnsw5t.」秦世樂抹抹汗水.
「qa9085rnsw5t,得.」姜思傑偽裝成藍覓圖的身份登入高層內聯網,發現登入不了,眉頭一皺:「屌你鹵味....」




「發生咩事?」
「我唔可以用我呢部電腦去登入內聯網,只有高層嘅電腦先登入到....」
「即係話要使用高層嘅電腦先可以登入網站,離你最近嘅就係行動副處長辦公室.」馮佩妮說:「我依家將監視系統癱瘓,不過行動要快,我頂唔到幾耐.」
    姜思傑走出房間,腳步稍急:「佢今日有會開,要遲D返,正合我意.」
「真係仆街.....佢好似開完會喎...」馮佩妮從螢幕見到各高層從會議室走出.
「頂...」
「咁嘅話.」秦世樂説:「搵我去仲方便.你就去引開副處長.」,他打算從這機房走出去,卻遇上阻滯:「出唔到.」
    馮佩妮找出問題源頭:「係系統管理員....我想解除封鎖但係唔夠佢地嚟.」
「剩返唯一一個辦法.」秦世樂把目光移向玻璃的破洞.
「認真?」姜思傑也猜到他想幹甚麼:「副處長辦公室離你嗰度相差九層,你估你係湯告魯斯?」
  
    秦世樂再次穿起吸力手套:「或者係呱.」,深呼吸一口氣,便從外牆攀爬————————

  副處長回到辦公室時,碰上了姜思傑.
「副處長,有D事想同你商量.」姜思傑道:「關於黃鼠狼.」




「單嘢已經放心交俾你搞,我信得過你嘅.」副處長若無其事地走過.
​    此時秦世樂已出現在玻璃窗外,姜思傑馬上道:「係重要情報.」
   副處長轉身望向他,擺出不滿的樣子:「睇唔到我忙緊咩?」
「我懷疑黃鼠狼背後有勢力撐腰.」
「洗耳恭聽.」

    姜思傑就在門外設法拖延副處長,同一時候,秦世樂則潛入辦公室———————————————
​「俾佢見到就大鑊喇...」馮佩妮吞嚥口水.
​  秦世樂拉起窗簾遮住大洞,走到電腦前按下開啟鍵,聲量盡量細小.接下來就是等待開機的過程:​「都唔知佢可以頂到幾耐.....」

​「黃鼠狼可以匿埋咁耐,副處長你唔覺得有D奇怪咩?我幾乎可以肯定,警隊入面有人同佢地同一伙.」姜思傑道:​「依我觀察,有幾個嫌疑人.」
​「依你觀察?」副處長道:​「冇求證就嚟同我講有重要情報?」
​「我真係有..」
​「唔好浪費我時間,OK??」副處長走向辦公室,姜思傑最後也阻止不了.
   




   門給打開,卻見不到任何人.秦世樂躲了在桌下.
​「秦世樂,佢沿住順時針方向行緊埋嚟.」馮佩妮從螢幕上見到辦公室的情況.秦世樂小心翼翼沿住順時針方向移動,剛好避過副處長的視線————————
 秦世樂向姜思傑做做手勢,示意事情還未完成.這時副處長看著亮亮的電腦畫面,腦內充滿疑問.
​「屌你條撚樣...」姜思傑衝口而出,他不敢相信自己會這樣跟上司說話.
​   副處長不快的盯住他,朝他步去:「唔好意思,你講多次?」秦世樂把握機會回到電腦前,插入USB破解密碼.
​「我話屌你條撚樣呀!!」姜思傑再故意惹怒他.
​「唔妥我係唔係?你只係個總警司嚟㗎咋!!!咁唔妥我去投訴我丫!!!」

​「我祈求呢個時候唔好再起風...」秦世樂很順利地登入內聯網,同時也擔心風會出賣他們.
​「壞消息...真係起風.」馮佩妮感覺到涼涼的.
   窗簾微微抖動,看來風只會越來越大.
​「shit...」秦世樂嘗試加快動作—————————

「咪住...突然上嚟搵我講一堆廢話,究竟有乜目的...?」副處長感到古怪.
「目的就係話俾你知你有幾咁唔適合呢個位.」




    風嗖一聲的把窗簾吹起,令副處長疑心更重....
「肯定係有古怪....」副處長瞄一瞄姜思傑,走回辦公室.在裡面迎接他的,是玻璃上的大洞——————————

-----------------------------------------------------------------------------------------------------------------------------------
 時間:上午二時四十九分 地點:某圍村—————————

  秦世樂和馮佩妮藏在暗處,等候目標人物————麥烈寧.
姜思傑在車上守著,萬一遇到突發事件也可以即時找支援.

「喺一切完結之後....我會去承受我本應承受嘅懲罰.」秦世樂道.
 馮佩妮遲疑片刻.
「我會去自首.姜總警司...到時候就拜託你喇.」
「真係決定自首?呢個地方需要黃鼠狼,需要你...」姜思傑道.
「黃鼠狼....」秦世樂看看那雙以血洗禮的手:「再冇存在嘅必要....D人渴求嘅唔係拯救者,係戲劇化.我地唔係演員,冇需要依照劇本走,亦唔值得為佢地咁做.呢個地方已經冇得救....」
無庸置疑,事實的確如此,馮佩妮和姜思傑無言以對.




「罪始終係罪....撇除特務,我只係逃過法律制裁嘅私刑者.」他諷刺笑言:「喺監房或者仲自由.」
「咁嘅話....好,我會親手帶你返差館.」既然他意決如此,姜思傑尊重他的決定.
   秦世樂瞧向馮佩妮那副無神的樣子,不知該説甚麼好.
「淨返我同BB.」馮佩妮摸摸肚子:「可以去邊?」
「BB?」
「係傲清㗎....呢排發生咁多事,所以冇講出嚟.」
「我話你地兩個丫,究竟係幾時...」秦世樂又說:「你一個人撐得住?」
「我就係妮妮,堅強嘅話就冇嘢可以傷害到我~」
「咁應承我,去一個更好嘅地方,過新嘅人生.」秦世樂遞出拳頭:「仲有,唔好忘記我地呢班曾經一齊出生入死嘅戰友~」
   馮佩妮露出微笑,跟他拳碰約定.
「呢一場,將會係黃鼠狼最後一戰.」秦世樂誓要見證麥烈寧痛苦受死,為逝世者討回公道——————————

----------------------------------------------------------------------------------------------------------------------
  戴上黑布的麥烈寧到達赴約地點,周圍漆黑一片,唯一亮著的街燈就是他頭上那盞.

   黑暗中走出兩個影子,是秦世樂和馮佩妮————————
「秦世樂,我地好耐冇見喇~」麥烈寧笑說.
「你已經走唔甩.」秦世樂踏前一步.

 藏著已久的顏影寒從屋頂跳下來,轉身面向麥烈寧,眼睛滿佈血絲:「麥烈寧....」
「剩返三個咁可憐??另外幾個呢?」麥烈寧望向顏影寒臉上的疤痕,不禁譏諷一番:「果然幾耀眼嘅光芒,都會有暗淡嘅一日~」
    顏影寒按捺不住憤慨,衝向使出後踢,麥烈寧起踢格住,擊他襠部,顏影寒再前踢襲向,麥烈寧捉住他的腿來招送足掃,顏影寒倒下時右手撐地彈起踢麥烈寧的下顎,麥烈寧再捉住顏影寒的腳踝,把他推到地上.
「埋伏我?」麥烈寧明顯知道姜思傑的存在:「你地有咩打算我又點會唔知?我比紅槍客更加瞭解你地~」
「姜思傑總警司,你聽到㗎可?」他道:「我為你準備左少少驚喜~祝你好運.」
「咩話....」姜思傑檢查周圍,發現車內被裝上了毒氣裝置,門也被鎖住,他拼命擊打車窗———————
     雖然及時逃出,但無可避免吸了少許毒氣,倒地昏去.

   麥烈寧慢慢退後至黑暗中,露出陰險的笑容.秦世樂和顏影寒欲追上,此時一輛貨櫃車從建築物破牆而出————————馮佩妮及時把他們兩個拉回來.
 貨櫃走出為數不少的殺手,手執武士刀步步迫近————————
   秦世樂無視眼前的敵人,跨過貨櫃車朝逃跑的麥烈寧追去.顏影寒同樣打算追去,卻被劈斬背部,他後旋踢擊那殺手,前臂格著攻擊連拳揮上.馮佩妮揮刀砍斬,動作有如疾風掃秋葉.她小刀擲向一個殺手的肩膀,衝向按住他的頭撼向水泥牆,割開喉嚨,蹲下躲過攻擊再飛刀幹掉一個.顏影寒徒手擋住武士刀,把其凍結再掐碎,揮向殺手面部.

  麥烈寧從街道跑到窄巷,打算在這曲折複雜的地方擺脫秦世樂.他越過一個又一個的圍牆,踢牆跳至屋頂上,秦世樂掏槍射向他腳踝,麥烈寧卻躍到民居一所單位𥚃.秦世樂闖進去跑上閣樓,發現麥烈寧正在閣樓之間穿插.他舉槍瞄準,麥烈寧已從可視範圍消失.
「咪洗旨意走得甩.」秦世樂一邊換上彈匣一邊追——————————麥烈寧踢倒沿路上的晾衣架,跳回街道上,闖進一戶獨立屋裡.

    秦世樂扳下撃錘,搜索花園四周,麥烈寧似乎躲了進去.
他輕輕推開門,客廳,廚房,也不見蹤影.便走到主人房,麥烈寧正從陽台逃走,秦世樂追上去,麥烈寧勾拳揮擊他耳窩,前蹬把他踢下花叢.秦世樂忍耐痛楚,舉槍射傷麥烈寧的大腿.

  秦世樂繼續開槍,麥烈寧扶著欄杆跳回街道上,躲避到牆後,把旁邊的梯子搬到廟宇前爬上去,還不忘推走梯子.追至的秦世樂射穿他腳下的瓦片,讓他失足跌到裡面.秦世樂趕快從正門走入廟宇,隨手拾起麻繩,踩著麥烈寧的肩膀,把他雙臂扭到背部綁住,麥烈寧掙脫後肘擊秦世樂的軟肋.秦世樂再嘗試勒緊麥烈寧的脖子,麥烈寧右拳向後揮擊秦世樂的眼窩,左肘擊他的左軟肋,甩掉繩子再把他狠狠扔到神檯上.麥烈寧把他捉起,連拳毆打他頭顱.頭破血流的秦世樂掐著對方喉結,把他撞到牆上,重拳爆向喉結.麥烈寧朝秦世樂腹部來記膝擊,前蹬推走.
「真係可惜...你本來應該企喺我呢邊...」麥烈寧吐著血:「我同你本來係同一類人....係世界,將我地迫向呢個地步.」
「我同你係同一類人??呢句話真係難聽過粗口.」秦世樂朝他開槍,麥烈寧側身避開抓住他的手,雙方也使盡股肱之力,欲把槍口指向對方——————見槍口越來越接近自己,秦世樂勁力蹬跺麥烈寧的腳背,膝擊腹部,也擺脫不了對方.他只好扣動板機把子彈射光,麥烈寧見機把他踢倒,逃出廟外,卻遇到顏影寒,再看看左方,馮佩妮邊把玩小刀邊朝他步向.

「你企緊呢個位置,就係你嘅葬身之地.」秦世樂也朝他步向.麥烈寧已被迫到沒有退路————————————

    三人漸漸迫近,臉上同樣掛著戾氣.
   秦世樂朝麥烈寧的頭顱揮拳,麥烈寧躲開拳頭,卻躲不開顏影寒的下劈,馮佩妮向地擲小刀反彈,秦世樂接住後跟她一起刺向麥烈寧,麥烈寧抓住他們的手腕,把馮佩妮向自己拉來前蹬踢走,勁力一扭秦世樂的手臂,顏影寒勾拳擊向他的膝蓋後方,麥烈寧轉身揍顏影寒的鎖骨,朝胸口繼續打.小刀刺中麥烈寧的臂大肌,馮佩妮衝來把刀刺得更入———————秦世樂猛蹬他的腳背,下勾拳撃他上唇,顏影寒再飛膝襲去,麥烈寧以掌格住,馮佩妮向顏影寒拋出小刀,顏影寒另一隻腳把小刀刺至麥烈寧的肩膀,秦世樂鏟錘揍上,麥烈寧掐住他的拳頭打向馮佩妮的腹部,再左拳爆向她的頸外側,馮佩妮失去意識昏倒.

   剩下秦世樂和顏影寒夾攻麥烈寧—————————
「呀呀!!!」秦世樂直拳送去,麥烈寧趁機抓住他手臂,朝腋下重踢,再靠近把他摔在地.顏影寒前踢踢向,麥烈寧避過連串招式後,朝兩膝關節來記側踹踢,廢掉雙腿————

---------------------------------------------------------------------------------------------------------------------------------
  負傷的麥烈寧一腐一拐,逃到附近的屠宰埸去.這曾經宰殺無數畜牲的地方,偶然成為他今日的藏身之處.
凜冽的寒風從外面灌進來,刺激到他身上傷口,弄得他哀號起來.

 一個身影從遠處看著他....是秦世樂.