我的死鬼老婆: 第二十七節

「搞掂啦！程若珍既鬼魂已經返到黎，佢而家就企響你隔離。」
 
心臟來了數下錐心的痛，雙眼不其然流下了喜悅的眼淚。
 
不能道別的遺憾，沒有說出的一聲再見，今次終於可以為若珍來一個道別。
 
「旋哥，我地出返去先啦，唔好阻住佢地。」天佑拉著嚴國旋說。
 
嚴國旋離開前說了一句：「記住，限時三十分鐘，如果唔係司徒就會有危險架啦！」
 




我點頭示意明白。
 
原先，我很想可以和若珍道別，可是這刻的我腦袋一片空白，良久不能運轉。
 
「阿曦，你預備好未？你得我就解放自己既身體啦！」司徒月說。
 
「我預備好啦，唔該晒司徒！」
 
突然之間，司徒月像打了一個冷顫一樣，全身震了一下，本應閉著的雙眼慢慢地張開。
 




「老公！」司徒月說。
 
「係咪你呀，若珍！」我走前捉著司徒月的手臂說。
 
「係，我係你老婆，做咩你要咁傻？點解你要用自己十年既陽壽去救我？你咁樣做唔值得架！」若珍（司徒月）不停的用手打我的心口。
 
說話的語氣，她的小動作，我知道若珍真的已經冇事，我終於可以放下心頭大石，只是再一次，我的眼淚還是不受控的湧了出來。
 
「嗚…….老婆，對唔住！我保護唔到你！如果我嗰晚同你過生日，咁你就唔會有事，嗚………我真係原諒唔到我自己！」我歇斯底里的說著。
 




「傻瓜！你仲記唔記得我同你講過如果我個樣唔同左，你仲會唔會鐘意我，你記唔記得你點答呀？」若珍（司徒月）輕撫著我的頭髮說。
 
「我記得！我講過我都係咁愛你！」
 
「咁你可唔可以攬住我？我想再一次感受到你俾我既溫暖。」
 
我看著眼前的司徒月，正常的情況下要我緊緊的抱著一個男人根本是一件天方夜譚的事，只是我知道眼前的這個不是司徒月，他（她）是程若珍，是我心愛的太太。
 
我把若珍（司徒月）緊緊的抱著。
 
以前我沒有珍惜過若珍的擁抱，有時還因為心情差而會把若珍推開。人就是如此，擁有的時候不會珍惜，失去了方知道重要。
 
「若珍，你嗰晚究竟發生咩事？點解阿俊要殺你？」
 
若珍（司徒月）看著我說：「你信唔信我？」




 
「我信！你講咩我都信！」
 
「咁你要應承我，知道邊個人係兇手都好，都唔可以做傻事，唔係我死唔眼閉。」
 
「你放心，我唔會做傻事，亦都唔會報仇，我只係想知道真相，仲有……..」
 
「仲有我同阿俊既關係？」
 
「係，我知道我唔應該問，但係我真係好想知，點都好，我唔會怪你，我只係想知道真相。」
 
「其實，我同阿俊冇野架，只係我同佢收工既時間差唔多，而你又成日唔返黎食飯，所以我地有時候先至會一齊食，我冇做啲對唔住你既事。」
 
「但係嗰晚成件事究竟係點？」
 




「嗰晚因為你唔得閒，所以我同阿俊一齊去左食飯，之後阿俊話想上黎借DVD，於是我就帶左佢上黎我地既屋企，點知突然之間，阿俊好似瘋左咁攬住我，話一早就鐘意我，想同我一齊，我於是反抗，但係我又點會夠阿俊大力？佢想我唔出聲，於是就按實我個嘴，但係佢冇發現其實嗰時我根本就透唔到氣，最後我就係咁死左……….」說到這裡，若珍也忍不住嗚咽了一下。
 
「仆街仔！」我憤怒得把不停的推翻房間內的枱和座椅。
 
「你唔好咁啦！」若珍（司徒月）極力的制止著我。
 
我感到很憤怒，現在的我巴不得把阿俊碎屍萬段，只是為了不想若珍傷心，我只有盡量的抑壓著自己的情緒。
 
「但係點解我發現你屍體既時候，你會冇著衫？佢有冇侵犯你？」我驚動地說。
 
男人，最在意的還是自己的太太或女朋友有沒有被人侵犯。
 
「我因為反抗所以佢強姦唔到我，但係我死左之後就………」
 
「條仆街仔姦屍？」




 
「係……不過你放心，我死左根本咩感覺都冇，你千萬唔好嬲…….」
 
說實話，我已經驚動得雙手不停的在震，我還感到掌心被指甲插損而流下血來。
 
我深呼吸了一下，之後說：「你放心，我知道我應該做咩，我會報警將成件事講俾警察知。」
 
「咁就啱啦，我怕你打傷佢而要坐監，咁就影響到自己既前途啦。」
 
「我知道架啦！你放心。」
 
我看一看自己的手錶，時間過得很快，還有五分鐘若珍便要離開司徒月的身體，即是說，五分鐘之後，我便從此要與若珍隔絕，今世不能再見。
 
「老公，我係時候要走啦，如果唔係傷到你朋友就唔好。」
 




「對唔住，若珍，你生前我冇好好珍惜你，我只係顧住工作而忽視左你，希望你可以原諒我。」
 
「傻瓜！我知你係為左我地既將來先至會顧住做野，我又點會怪你？」若珍（司徒月）再一次緊緊的攬著我。
 
以前，我會以為「做愛」才叫做結合，現在的我反而感覺到原來當一對愛人互相擁抱著的時候，那種心神合一的領會才叫做結合。
 
「老公，你仲記唔記得以前有套戲叫做‘人鬼情未了’？」
 
「我記得，你每次情一節都要我陪你睇一次，我點會唔記得？」
 
「你可唔可以唱一次首歌俾我聽，我想聽住你唱既歌再慢慢咁去上路。」
 
「好……好……..」
 
我抱著若珍（司徒月）唱著人鬼情未了的主題曲。
 
Oh, my love, my darling,
I've hungered for your touch a long, lonely time,
Time goes by so slowly and time can do so much.
Are you still mine?
I need your love, i need your love, god speed your love to me.


若珍慢慢的離開我的懷抱，她向我揮著手說：「我愛你！老公！」
 
我雙眼的淚水再一次奪眶而出，自己的最愛終於要離別自己，這個為了我而曾經犧牲自己的女人，很快我便要和她永別。
 
我立刻走前攬著若珍，她生前孤獨的面對著死亡的恐懼，今次我只想自己可以好好的攬著若珍不讓她孤獨離去。
 
「我愛你！若珍！」
 
若珍笑著的閉上雙眼，在我的懷裡安詳離去。