我的死鬼老婆: 第十九節

離開的士後，我便急步的往司徒月的病房走過去。
 
「先生，唔好意思，未到探病時間，你唔可以黎探病架！」當我想進行病房的時候，門外的護士走過來說。
 
「唔好意思，不過可唔可以睇下8A床位既病人起左身未？我有急事想搵佢！」我說。
 
「啊～～夜神月呀？佢起左身，你等一等，我叫佢出黎搵你。」
 
夜神月？我想這大概是司徒月的花名吧，我說：「係……冇錯，麻煩你通知佢一聲我響呢度等緊佢。」
 




我坐在病房外的座椅上，很多人愁眉深鎖的在出出入入，我知道在早上的時間到來的人不會是探病，他們大多來是趕來看親人的最後一面，或是剛接獲親人遇到意外被送到醫院而趕來探望。
 
在醫院待得久了，開始佩服這裡的醫生和護士，他們在這裡工作，見證著那麼多人的生離死別，換了是自己，說不定一早已經得到情緒病。
 
很快，司徒月已經穿回自己的衣服行出病房。
 
「你冇事啦？」我站起身說。
 
「我？冇事啦，好小事啫。」司徒月輕鬆地說，像是不把昨天被鬼上身當成是一回事。
 




「我今次搵你，係想你幫我架，我老婆死左，我想知邊個殺佢呀！」我捉著司徒月的手說。
 
「咁兇險？不過我只係見到鬼，但係聽唔到佢地講野，所以好難問係邊個人殺你老婆喎，再講呀，你老婆唔響到！」司徒月不停的四處張望。
 
「唔響到？咩意思？你唔係話佢跟住響我後面咩？」
 
「我而家真係見唔到佢呀，你想問都冇用啦。」
 
我哀求著，並跪在司徒月的面前，捉著他的褲腳說：「咁點呀！你一定要幫我呀！我唔可以俾我老婆同埋阿健死得不明不白架，我一定要搵到個兇手出黎呀！」
 




司徒月見狀立刻扶我起來並說：「我一定會幫你，不過我能力真係有限，你知我聽唔到鬼講咩，我又唔識搵佢地出黎，不過，我知呢個世界上面有一個人可以幫你，不過………」
 
「不過咩？」
 
「呀………一言難盡，佢個人好公道，你同佢傾下想佢點幫你先，之後佢就會再同你傾條件，到時唔啱你走都得。」司徒月面露難色的說。
 
聽了司徒月的說話之後，我第一時間想到的就只有「老千」這兩個字，可是現在的我想找出兇手實在是無計可施，「找鬼問兇手」這個方法如果真的可行的話，即使要我花光所有錢也在所不計。
 
再說，現在的我，還有什麼可以輸？
 
失去了最愛的若珍，最好的朋友，工作也失去了，我已經沒有什麼可以輸，即使死或同歸於盡，我也一定要找到殺害若珍和阿樂的兇手！
 
「好！我信你！我同你一齊去搵你所講既人。」我說。
 
「既然你咁信我，我亦都答應你，響我能力方面做到既野，我一定會全力協助！」




 
說完，我便和司徒月一起到醫院外乘的士找那個「世外高人」。
 
<< 被騙的人感到快樂，那有時候說謊並不是一種罪過 >>