《玻色子遊戲》: 11

「其實唔洗懷疑我。我三十年前學校開校嗰時就係度做校工，做左五年，所以學校嘅格局我都熟。頭先我只係諗，如果要搵電筒，實驗室應該有，因為當年有老師叫我準備電筒放係實驗室，學生做實驗要用。估唔到我咁好彩，三十年後，電筒依然放係實驗室入面。至於我同肥佬……」發叔望一望肥大叔，「佢都係同我一樣係呢間學校做校工而認識。做左五年之後我地離開學校，合伙開左間裝修工司，點知生意失敗，反臉收場，就係咁簡單。」
「你個四眼佬仲好講，如果唔係你信錯嗰班大陸佬，入左批次貨，我洗搞到生意失敗，要去揸小巴。四隻眼唔夠你去睇清楚啲人，你用埋屎眼去睇嘛。你老闆！」肥大叔一聽到發叔講起往事就無名火起，好似想要殺死發叔咁。
「咁你呢？」小喬轉向呀泰，等佢解釋點解會知道對講機係總務室。
「早兩三年，呢間學校請返黎嘅童軍領袖，每個星期六我都會返黎帶領中一至中三嘅童軍。有時外出活動會需要對講機，方便我同其他導師溝通，所以我就知放係邊。」呀泰解釋。
「又會咁橋嘅，我係呢間學校嘅舊生，十年前畢業。」允兒忽然覺得好有趣，世事竟然會有咁巧合。
「我都係喎，我而家讀緊中七，會考之前我就係係呢間學校讀書。因為會考成績唔好先去另一間中學讀預科。你……」小喬講會完之後，望住楊平，唔通佢……
「我？係，我同大家一樣。我上年係度教左一年生物科。完左第一年之後，我就辭左職。原來我地大家都同呢間學校有關。睇黎我地今次係度出現並唔係偶然。」