《玻色子遊戲》: 4

何允兒覺得自己瞓左好耐，一直瞓到深夜連病房嘅燈都熄左。但點解冇護士叫醒佢，趕佢走嘅？唔通病房嘅護士都同情佢，俾佢留係病房照顧Ivan？
佢伸一伸懶腰，打算睇下Ivan。但病房連一盞照明用嘅燈都冇開，四周黑到咩到睇唔到。何允兒周圍摸，想搵床頭燈嘅開關，但搵來搵去都搵唔到。
慢慢，何允兒嘅眼睛開始適應黑暗嘅環境，附近事物嘅輪廓佢開始睇得到。
「Ivan，Ivan呢？」何允兒發現呢度根本唔係醫院，Ivan更加唔係佢身邊，佢開始緊張起黎。
再過一陣，何允兒發現自己身處係一個自己極熟悉嘅地方，一個佢渡過左七年光陰嘅地方，一個佢同Ivan認識嘅地方。
「點解⋯⋯點解我會返左黎⋯⋯」何允兒對自己點解會出現係度，毫無頭緒。

  噠噠噠－
「呀！咩事呀，好殘眼呀。」何允兒前面突然有三盞大燈同時射向佢。
「呀－－－－－－咩事呀，我點解會係度架，你係邊個？呀－－－你又係邊個？你做咩捉我黎呢度呀，救命呀－－－－－」就係燈開著嘅同時，有個女仔突然尖叫。




原來，呢度唔只何允兒一個人，仲有其他人，何允兒好驚，唔知佢地係咩人。
「點解我會係度架，你地係咩人呀，做咩捉我黎呢度呀！」尖叫女好慌張咁大叫大喊。
「你咪嘈呀，我點知你點解會係度呀，我自己都一頭霧水，邊個會得閑捉你黎呢度，有錢賺咩。再嘈信唔信我就係度姦左你！」尖叫女身旁嘅一個好肥嘅鬍鬚佬好惡咁罵佢。
聽到佢嘅恐嚇，尖叫女都唔敢再出聲
「喂，死肥佬，你咪係度恐嚇嘅細路女喎。妹妹唔洗驚，佢得把口架咋。」另一個戴眼鏡嘅大叔就嘗試安撫尖叫女，「但⋯⋯好奇怪，真係好奇怪。點解我會返左黎學校嘅，我明明啱啱係⋯⋯」
「學校？」肥大叔似乎仲未搞清楚自己身處係邊。
無錯，佢地身處嘅位置係學校，而且仲係佢何允兒嘅母校。當何允兒察覺到嘅時候，佢發現左右兩邊都有一個籃框，一個熟悉嘅籃球場，排滿左一張張佢以前坐過嘅泥黃色木櫈，而佢地，就分別坐係唔同嘅櫈上面。
「你⋯⋯你地唔係啲咩恐怖分子，嗰啲咩ISIS嘛⋯⋯」尖叫女嘅另一方有個瘦弱男仔驚驚青青咁講。
「恐怖分子？ISIS？我似咩！如果我係，我就紮起你，剪左你條J，仲會由你周圍走呀！你係咪冇腦白痴低能架！」肥大叔好勞氣咁罵。
「咁既然冇人係恐怖分子，咁走啦，大家返屋企當冇事發生過。」有另一個打扮MK嘅男仔就提議多一事不如少一事，盡快返屋企為妙。




「好，呢句啱聽。冇人反對啦，咁走啦。」肥大叔帶頭走向學校大門。