我和阿瑜非一般的兄妹情: 11
剛才的話題提及阿瑜，我才想起答應過她有空要wtapp找她，於是我趁他們還未吃完飯，便wtapp跟阿瑜聊一會兒。
Wtapp對話：
我：阿妹 你點呀？食咗飯未？?
阿瑜：咁遲先搵我咖? 我食緊啦 你呢？
我：我岩岩食完啦 影比你睇吓啦
我：[圖片]
阿瑜：乜食哂先影咖? 啲送比你地搞到好肉酸囉?
我：哈哈 肚餓係咁咖啦 不過都係阿妹啲嘢好食啲?
阿瑜：係唔係咖？? 一陣落去探小冰lu 嘻嘻
我：不如帶埋佢返屋企陪你訓啦
阿瑜：唔得呀 我想同阿哥訓多啲?
我：係啦係啦 今晚你自己一個會唔會驚呀？?
阿瑜：有小小 開住燈訓應該無事掛?
我：無事嘅 唔好亂諗嘢就得咖啦 我唔講住啦 如果有咩事記得搵我呀！
阿瑜：知道?
「依家大家返去自己個渡假屋到先，係大約十點到，我同副會長嘅渡假屋會準備定唔同嘅賭具，大家可以嚟打麻雀呀，鋤ＤＥＥ呀，大小魚蝦蟹個啲，大家啱就過嚟玩啦！」當大家都填飽肚子後班會會長便說道。
然後我們便回到各自的渡假屋，現在已經是八時多了，天色早已入黑，我們回程路上有不少街道街燈昏暗，較膽小的女生們都大夥兒黏在一起走，可是更恐佈的事卻在後面……
「咦！點解開極都開唔到嘅！？」鴻哥用鎖匙插進大門的匙孔，可是怎麼扭都無法開門。
「點會呀！？之前仲好地地，等我試下！」在場的那一名男生搶了鴻哥的位置，嘗試把門打開，但還是怎樣都開不了。
「死啦，蚊唔返出嚟嘅。」那男生本想嘗試重新再插入鎖匙，但發現鎖匙牢牢地卡著，拔不出來。
「妖，等我嚟啦！」鴻哥又再搶回位置，用力地把鎖匙拔出。
「哇…點解會咁咖！？」鴻哥所拔出的鎖匙，變曲了，而且還是一個誇張的弧度。
「點…點解會咁咖…無啦啦…會彎咗嘅…」一直在身後望見整個過程的另一名男生，顫聲道。
正常情況下，插入匙孔後，怎麼扭都不可能把整根鎖匙扭曲……
「冷靜啲先，我地打電話比個包租婆問下先，佢之前咪留低咗佢個電話嚟嘅。」我見除了周芷彤外，其餘兩個女生都嚇得不敢作聲。
我們跟租主交待過事情始末後，不久她便帶上她的後備鎖匙來……
「點…點解會咁嘅…」一名男生一見到租主便開口問道。
「喔…喔～可能係個鎖生銹姐，無嘢…嘅…」望見租主神色有異，便知她一定有事隱瞞不說。
結果租主也是和我們同一下場，都是無法解鎖，而且拔出來的鎖匙都彎曲了。
「你地…等我一陣，我叫我老公拎佢個條後備匙嚟。」語畢，她便走到離我們較遠的地方致電給她的丈夫，好像刻意不讓我們聽到什麼般的。
待她的丈夫來到後，他先敲一敲門，再說了一句「唔好意思，我地要入嚟啦。」之後大門才順利打開。
他們兩夫婦見門已經打開，便馬上離開…此舉令我更加肯定，這裡必定是曾有過什麼靈異事件。
「咦，點解…啲嘢全部熄哂咖…」一名男生馬上發現有些不妥。
除了正一閃一閃著的廳燈外，其他電器通通都被關掉，而且我們的行裝都好像被移動過，全都不在原來的位置……或者你會覺得可能是有賊入屋，可是我們的財物並沒有不見。
這種種的靈異事件害得我們都不敢再待在房間裡了，而我心裡再想了一想…通常自殺的人都會選址在渡假屋裡，而且多為燒碳自殺…而那些屍體的顏色會是粉紅色，此時我再望望四周粉紅色的牆身，心中一寒，便與眾人趕快收拾一切搬離這渡假屋。
「我明白咖啦，咁依家得返三間屋床位都唔係好夠，希望多啲人會唔訓玩通頂啦～仲有，你地暫時唔好將哩件事同其他人講住，驚一陣會嚇親其他人。」我們向班會會長交待事情後，她便回應道。
只見仍有兩三人經歷剛才的事，還驚魂未定，於是便對他們稍作安慰。老實說，其實我心裡都有點害怕的，只不過我覺得只要我不犯「它」，「它」亦不會犯我，而且我相信「平生不作虧心事，夜半敲門也不驚」。
到了十時後，很多同學到集中在兩間渡假屋中，為的就是賭一手，而我當然也湊一湊熱鬧。
「買定離手！買定離手！買大賠大，買細賠細呀喂～！」鴻哥學著莊家的口吻，聽到便覺得好笑。
「你做莊呀！？等我谷爆你個莊啦！」我笑著道，事實是因為我什麼都不懂玩，所以才來買大細。「我買細！」
「哈哈！你買得一蚊不如算啦！仲話谷爆我！」鴻哥搖著骰盅恥笑道。
「小賭怡情哩家嘢你識條春咩～！真係有料嘅，一蚊滾大佢都夠埋你單啦。」我應道。
「屌！比你負碌到！一，二，三，六點小！」
接下來，我連中幾口，由一元本錢轉眼變成十幾元，就連我身旁的周芷彤都因為我的幸運看得傻眼了。
「買啦！我就唔信你咁好命唔會輸！」鴻哥望著我大叫道，其實大家落注的金額算不上大，純粹只求贏的那一刻快感。
此時，我買大開大，買小開小，差不多逢買必中，開始連其他人都跟著我下注。但我已經玩得有點睏了，所以把所有注碼全部買大，輸掉便睡。不過其他人跟著我買大，所以差不多三四百元都押在大。
「大！大！大！大！」其他人在鴻哥搖骰盅時不停大叫，這緊張的氣氛感染得周芷彤都掐緊我的手臂。
「大！大！大！大！」鴻哥伸出微抖的手揭開骰盅時，其他人叫得更大聲，彷似真的可以是點數叫出來般。
「細呀！！！！！哈哈哈哈！！！！」鴻哥一摟開骰盅，興奮得手舞足動，因為這一場使他回本了。
「好彩我係一蚊做本姐～」我優哉游哉地道「算啦～我瞓先啦，好鬼攰。」
「唔係掛，咁快唔玩，拎多一蚊本出嚟玩都好呀！」鴻哥剛贏了一把，氣炎旺盛。
「唔啦！一蚊都玩到咁耐，已經夠扺玩啦！我去搵床訓啦！」語畢，我便轉身離開，一直在旁看著我玩的周芷彤，待我走了不久她便跟著離開了。
幸運地，我竟然找到一張空的雙人床，我二話不說就跳上床上，享受著一人獨霸雙人床的滋味。但不久，周芷彤竟然走進我的睡房內，我驚訝地望著她然後問道：「乜無…無哂其他位啦？」
「嗯…」周芷彤紅著臉道。
我和周芷彤互相對望，我道：「ER…一係你訓哩到啦，我出去訓梳化就得。」
「吓…唔好啦…個張梳化咁細，仲要係木梳化…其實我…」周甘芷愈說愈細聲「無所謂嘅…咁唔夠位都無辦法啦…」再說下去的聲線幾乎聽不到「而且係你嚟先嘅…」
我心想…既然她都說沒所謂，那麼一起睡其實也沒什麼大問題，始總這張床有別於我家中和阿瑜共睡的那一張，這張雙人床大得很，就算兩個人睡在一起，兩人之間都會留有空位。
「如果…你真係無所謂嘅，咁好啦～」我應道。
之後她便關上門，慢慢地鑽入被窩裡……房間關上門後，伸手不見五指，而且異常安靜，漸漸就連周芷彤的呼吸聲都能清晰聽見。我聽到她的吸呼愈來愈急速…難道她很緊張嗎…
不過其實我跟她都是一樣，我可是頭一次和阿瑜之外的女生睡在一起，雖然我倆隔得挺遠的，不像和阿瑜睡般的會黏在一起睡，但知道周芷彤正睡在我的旁邊，亦不禁心跳加速。
雖然場面一直沉默著，但大家都知道對方仍未入睡，因為入睡後的吸呼聲一定不會如此急速……
「ER…芷彤…你訓咗未呀？」我率先開口，反正大家都暫未入睡，不如先聊一會兒。
「未呀。」周芷彤語調好像和平時有點不同，好像又更自然了。
「不如傾陣計先囉～」我開門見山道。
「喔…好呀！」周芷彤應道。
她竟然不是回應「嗯」，太陽都要由西邊升起了。
「頭先點解你唔一齊玩嘅？」我問道，剛才她一直都只是看著我玩，看得緊張但沒有加入。
「我…我個人一向無咩運氣咖。」她好像有點沮喪。
「玩吓咋麻～你見我都係用一蚊玩吓，輸咗就算啦！」
「我可以睇住你玩已經夠啦～」
「吓…哈哈～」有時候她的回應總是怪怪的，不過總好過她之前的冷淡回應，害得話題無法延伸下去。
趁她現在好像挺好聊的，有別於平時，於是我便提出內心的疑問問道：「其實…點解你咁驚水嘅？」