《搵唔到Exit既23層大廈》－驚嚇！香港都市詭異紀錄: 第六十二話：《Possible Exit 3－上》

Possible Exit，有整整四個，甚至更加多。

前無進路的底層大堂，留待觀察的天台，懸疑滿滿的窗口，無從入手的虛線。

誠然，此刻的首選是窗口了。

「咁我地宜家……點？」我瞄了瞄手錶，此刻時間為13:30。





「未去試下窗口囉屌，問問問。」阿毛嘲笑著我的無知。

「唔好講粗……算喇，我放棄喇……」Toby一臉灰心的苦笑著，「我估阿騰既意思係，我地用咩野方式去嘗試。」

Toby所言甚是，她彷彿是一個看透我心扉的女孩。睿智如蛇，溫柔如貓。

「Jumping out the window……」我不期然的哼出了一句歌詞，詭異感油然而生。

「跳窗？」Ashley雙手掩臉，「好恐怖啊……」





「我覺得，係一定唔應該用跳窗作為一個嘗試。」Toby掏出了第二條芝士腸，朗朗在旁若無其事的擊打著一直開啓電源的電筒，「若果我地身處異界，而窗口係連接正常現實世界之門，咁假設我地有人真係跳出窗，然後真係成功咗，咁理應佢都係冇辦法翻嚟話翻比我地聽成功與否，因為佢已經回到咗正常世界啦。若果係失敗，我地團隊就要賠上一個同伴既生命。」

「屌咩，佢出到去，唔係應該有辦法翻嚟咩。」阿毛猛抓著亂髮，身上的Uniclo綠色間條衣服沾滿了三天以來積聚的骯髒頭皮。

「我覺得冇想像中咁簡單。就算果個逃出成功既人真係有心翻嚟解救其他同伴，佢可以點？唔知你地有冇發覺一樣野，係好奇怪。」Toby含著芝士腸，手卻在捲曲著短髮。

明明是壞習慣，於我看來卻如斯的可愛動人。

大家也陷入了沉默，似乎沒人猜透Toby的思路，於是我胡亂的應酬了一句，避免尷尬的出現：「其實Toby你話我地係異界，但係其實我地係點入嚟呢個異界呢……」
誰知Toby的手離開了短髮，「哈哈」一聲：「Exactly，我地係咪爬窗入嚟呢棟大廈呢？No，我地冇咁做。所以，若果Jumping out the window真係一個可行既方法──」





「Sorry，可唔可以唔好提呢一句……」

「啊，Sorry啊。」Toby不好意思的對我一笑，「若果跳窗真係一個出翻去現實世界既渠道，但我地又唔係經過窗呢個渠道進入到呢個異界，咁即係窗口呢個Exit係出咗去，可能唔能夠透過窗口入翻嚟。」

「又岩wo屌。」阿毛肆無忌憚的滿口污穢起來，「咁我地宜家點做？」

大家回到了寂靜的思考，可數秒後Ashley霍然開口：「我都唔知道呢個方法係唔係奏效……不過，就會解決咗Toby提出既問題。」

「哈哈，唔需要咁謙虛架，願聞其詳。」Toby趣緻一笑，臉色蒼白的女孩咳了一聲，輕輕一笑。

選擇保持數秒的不聲不吭，報以莞爾的神秘一笑，那笑顏實在銷魂誘人。

由於一直避忌看Ashley的臉，之前並沒有怎麼刻意的留意，Ashley 的臉蛋和額頭也有膠布。





文靜的女孩，嬌俏的聲線，傾城的美貌，本來就是一個迷人的玲瓏小女生。那兩塊透明膠布，貼在可愛的臉蛋上，實在大煞風景。

本來迷人如花的少女，卻充滿著無可限量的詭祕，當然更多的是詭異。

此刻，我再次的想起了她大腿的東西……

「若果我地宜家真係驚會出現犧牲既情況，我地可以用死物代替，我估我地目的都係想知道一樣野──窗外既世界是否正常。如果係正常既話……即係正常既物理定律依舊生效，咁萬有引力之下，放出去既死物應該會跌咗落街，觸碰到地面。如果證明到地面依舊存在，我地係可以用方法嘗試下安全逃走到地面，然後就可以離開。」Ashley把話說完，繼續咳嗽著，似乎她出現了身體不適的情況。

Toby閉起了雙眸，靜靜思考著，唯一的騷擾來自旁邊不斷敲打電筒的鋼琴貓。

猝然，Toby拍打手掌，擺出一副靈機一觸的神緒：「Ashley你既意思即係，我地要試下有冇堅硬既地面係大廈外面？」

Ashley不語，只是淡然一笑，充滿神秘感。

「Perfect！咁我地要做既就係睇下個死物有冇掂到地。我地可以用繩索綑綁死物，係窗口吊落去。若果死物真係落咗地，握住繩索既我地就感受唔到死物既重量，而下一步我地可以思考下如何令自己軀體都落到地面。」Toby咬著芝士腸，我真懷疑她還有沒有其他食糧。





「屌，咁我地搵個重D既死物就得。」阿毛興奮一笑，手上殘留數條斷掉的曲髪。

「咁我地係咪應該落去一樓……果度我地需要既繩索好短就得，而且咁短距離做咩都方便。」Ashley咬著下唇，老實說，儘管對她得印象主要是無盡詭異，然而此刻的她還是散髮著難以言喻的氣質。

「我覺得唔可以，因為──」

Toby的話卡在喉嚨裏，並且用手勢示意我們保持安靜，又從頑皮淘氣的灰貓朗朗中奪過了電筒，關掉了電源。朗朗不好受的「喵」了一聲，隨即回到了儲物房回復了漆黑的寂靜。

儲物房外傳來一陣騷動，好像是數個男人的吵鬧。

我們都屏住了氣息，不敢吭聲。他們是誰呢，會否是黑幫的手下？

儲物房的門此刻並沒有上鎖，那是我的疏忽。然而，若果此刻才貿然按下鎖門的按鈕，發出的聲響很可能會引起外面男人的注意，此舉實為自掘墳墓。





還是不動如山，靜觀其變，方為上策。

半分鐘後，吵鬧聲終於離我們而去，剩下防煙門關閉的「啪」一聲依舊迴盪著。似乎，外面的男人並沒有發現我們。

他們應該到了後樓梯。

後樓梯一直也是如斯危機四伏。

「我地落去一樓個Risk未免太大，自從你地係黑幫中逃脫之後，佢地之間既內鬥完結未都係未知之數，後樓梯宜家應該經常有持武器既幫派人士遊蕩。」判斷了陌生人離開以後，Toby重新開啓電筒，緩緩站了起來。

我驀地一想，幸好自己剛才睡醒到後樓梯時沒有遇見任何危險人物，否則我都應該九死一生。

「我地宜家，應該盡量避免再去後樓梯，留係呢一層測試可能係最好既方法。」Toby抱起了嬌俏的小貓，朗朗「喵」了一聲，竄進美女胸脯下的懷中。

真妒忌這一隻小貓，刻意感受少女溫暖的身體觸感。





「真係最好既方法？」我孤自懷疑著，「呢度係8樓……」

「如果你係擔心高度問題，放心呢個係解決到。」Toby莞爾一笑。

當眾人再度生起疑惑之際，Toby已經走向儲物房唯一的「雜物」──紙皮箱，拿出了一卷……一卷麻繩。

這可謂「天助我也」否？

「紙皮箱裏面仲有兩卷麻繩，呢個係我一嚟到儲物房就發現到。我地只要不斷駁長麻繩，應該三卷既長度就可以係呢層既窗口放出去。如果跳窗係可行既逃生方法，咁落點應該係硬地，所以我地可以去試下個落點。」

「點試？」Ashley也從紙皮箱拿出更多的麻繩，「點解呢度會有麻繩既？又會咁岩……」

「呢層我都唔清楚，不過紙皮箱裏面仲有好多其他工具，維修器具、文具、膠紙包羅萬有，我估係for大廈小型維修之用。雜物房，唔係應該咩都有咩？」Toby直接把紙皮箱拿起，想不到她的力氣也絕對不可小窺。

等等……還有一個必須解決的疑問。

「咪住先。」我按住了握住了儲物房門柄的手，又隨即縮開，滿臉通紅，可Toby渾然不感到毫釐的尷尬：「嗯？」

「呢個大廈有四個方向，四個方向都有窗口，咁我地應該試邊個窗口……」

「哈哈，我覺得呢……應該試三個單位既廁所既窗口就足夠，」Toby緊閉雙眼，「住咗係度咁耐，我好清楚呢棟大廈每層三個單位既坐向，三個單位既廁所既窗口對出係三個唔同既方向，其中一個係同後樓梯既窗口屬於同一個方向。點解係選擇廁所窗口，係因為如果係選擇單位客廳大玻璃窗口或者後樓梯窗口，我地懸吊既重物太容易被下面樓層單位既人發現，輕則影響我地個測試，重則招致殺機。咁當然，我地唔排除可能某一個窗口先係連接現實世界既窗口，其他都唔係，呢個涉及超自然成分，我地可以先唔予以理會，待測試之後先再定案。」

由於已經經過不可再詳盡的討論，我們都已經不想耗費精力於永無止境的討論之中，始終實踐最為實際，倒不如相信Toby的能力更好。

時間就是金錢，在這裏逗留越久，越是覺得危機四伏，而且越來越嚴峻……

數分鐘後，我們眾人小心翼翼的提著三卷儲物房裏的麻繩，來到了最接近儲物房的一個八樓單位的門口。

下午時分，通風窗外滲進的光線頗為暗淡，大概是窗外霧太濃厚的關係。

Toby推開了門，眾人走了進去。

那是防煙門旁邊的單位，樓層所在位置跟Jerry家的如出一轍。標準的蝸居，狹小的客廳……香港人的籠子。

那只是一個很簡樸的單位，裏面雜亂無比，Ashley跟我說那是因為單位早已被他們搜索過一番的緣故。阿毛及Ashley負責接駁著繩子，Toby及我則負責找一些重物繫在繩子頭。

到底找什麼好呢？

我由於精神恍惚，所以最終只是呆在一角，思考著自己的夢境。

Ashley，那個張開鯊魚口的女孩……

此刻的她跟阿毛有講有笑的接駁著繩子，看起來就是一個普通的青春女孩，然而在我看來，這些或許也只是虛偽的面紗……

我實在無法相信眼前的這個女孩。

我在主人房間找到了一個木箱子，那好像是一個裝飾的小箱，容量大概裝得下一個西瓜。箱子的特別之處相信是表面的深痕，方便被繩子綁緊。

小貓朗朗在一旁好奇的環視著新環境，一時跳上木桌，一時撲到殘舊不堪的鞋櫃上，搜尋著可供玩弄的物事。

小貓，不像人類，即使危難當前，還是悠然自若。

而且還有Toby溫柔體貼的呵護……真的羨煞旁人。總覺得我是被擱在一旁，置若罔聞的一群……

可諷的是，所謂的一群，從來就僅有我一個人而已。

「Toby……呢個得唔得？」茫然的我向著眼前的短髮少女解釋著木箱子的優勢。

誰知，她微笑著，緩緩搖頭：「我估唔係咁好。冇錯，木箱的確係有足夠既重量，但係佢太硬啦，我地放落去既時候，好容易因為麻繩搖晃，而令到木箱唔覺意搖晃敲擊下層既其他玻璃，從而引起別人既疑心，暴露我地既行蹤。」

我只能呆呆的予以「嗯」的回應，驚歎著女孩的心思細密。

「咁……即係我地要搵一D質地比較柔軟，但同時有一定重量既物事……」我再次回到房間，尋找著，然而很快的嚷叫了起來：「有啦！」

Toby目睹我所發現的重物後，熱情一笑：「Exactly，好好啊阿騰。」

我臉蛋一陣燙熱，一時間還誤會了她所指的是什麼。