【英雄系列1】廢鳩俠: 5

5.
搭左幾個字地鐵，終於到左屋企
響lift入面
「我都係...第一次帶女仔返屋企」
「返你老母呀，唔好諗住我係你條女呀..你呢d死毒撚一世都唔會有女囉」仆街把口咁撚臭
我:「駛唔駛咁串呀...信唔信我拖你埋山邊姦咗你啊嗱！」
「你拖之前我打撚死左你啦廢柴，夠薑用你粒霹靂雷珠電鳩我丫」
咁又係，阿彩咁好打，我都覺得自己真係會比佢打死




「我返黎啦..」我打開家門
「返黎啦阿七..」老母從廚房出黎，見到阿彩:「咦...」
阿彩既態度完全180度轉變:「你好呀伯母，我叫阿彩，係阿七既同學..」
「你好呀阿彩」老母友善地回應
我:「佢上黎問我功課架，食埋飯得唔得呀？」
「得..緊係得啦，阿七你都係第一次帶朋友上黎喎，緊係要歡迎下啦！」

「呃..」睇緊電視既老豆起身:「你係阿彩呀?」
阿彩笑容滿面：「係呀」
「你..你係阿彩呀？」


「係呀」
「唔...呃...你係阿彩呀」
「係呀」

「哦...阿彩...哦..哦..哦..」老豆點一點頭:「你好呀，我係阿七個老豆」
「哈哈..世伯你好，阿七你帶我入房丫，我有幾題唔識呀..」
「哦好丫..」





臨入房之前，老豆拉住我，細細聲講：「仆街仔，咁快識到女仔」
「哈，酸呀？」

一打開門，就見到小櫻又響度開大喇叭聽佢果隊UVERworld

You're ready to go Nobody do
Stay Universe our Paradise
Dream comes true one day
She needs your response

You're ready to go Nobody do
Stay Universe our Paradise
What a complicated world

小櫻一如以往，繼續fing頭神打


「丫小櫻你個死女包唔使溫書架喎」我放低背囊
「我天才黎架嘛，年年唔駛溫書都全級頭五」的確，小櫻睇書係過目不忘，令讀文科既佢更加屈機
「咁串，信唔信我爆你尋晚d野出黎丫嗱」
「唔好呀阿哥！sor..sorry囉！係喎...呢位係..」
「阿彩呀..我同學..」

我冇留意到，阿彩響房門呆左
「你...你鐘意UVERworld架？！」
小櫻都O哂嘴「係呀..我好鐘意架」
阿彩激動到好似喊咁:「我都係呀！！！好撚鐘意果隻tim呀！！」
丫我醒起啦，阿彩個手機鈴聲就係UVERworld d歌黎，我聽過架

佢兩個激動攬埋一舊：「呀！終於搵到人同我一樣啦！！你睇緊上年果場live呀？takuya bb真係好靚仔呀！」
小櫻:「係呀...takuya bb簡直就係我男神呀，同阿哥簡直冇得比！」屌緊係啦，你連捽碟都諗住個takuya bb
「緊係啦，呢個柒頭皮蛇頭鼠眼咁，上次上堂係咁偷偷地昅我同果個西女人，成個痴漢咁！」阿彩一d都唔比面我，盡情響小櫻面前落我面



「原來阿哥你前幾日講果個就係阿彩姐姐呀..」小櫻問
「呃..係呀」
阿彩:「你條毒撚話我咩呀？」
「阿哥話你...大..大波」小櫻口質質答
「死咸濕仔，你地d毒撚就淨係識睇波！膚淺」阿彩繼續問我:「係喎，小櫻知唔知你d野架？」

我特登細聲d:「你話..blackman既事」
「係呀屌」
小櫻:「知呀..我地慕容家成個家族都要d子孫18歲之後做super hero，呢個係傳統黎...不過呢，阿哥d拳腳功夫仲渣過我架」
「哈哈哈」阿彩棒腹大笑:「唔撚係掛，小櫻都勁過你呀，你唔好叫blackman啦，叫廢鳩俠把啦你！」
「仆街啦你..」我除左講呢句都冇野可以up到
「小櫻，其實我一直都想做super hero，我遲下就會成為呢個毒撚既拍檔...」

「吓！！！」


呢一下唔係小櫻叫，係門外既老豆老母
「屌，講乜撚野姐，依家你知道我既身份既事黃撚哂啦！」我埋怨阿彩，好地地講出黎做乜鳩
阿彩反而指摘我:「你都on99，你咁廢有我睇實你咪幾好！」
「唔係丫..我好放心喎」老豆竟然講出呢一句
「吓，你知唔知自己講緊乜呀老豆，依家你個仔比人知係super hero喎」
「有咩咁出奇姐，我唔信阿彩會爆出去喎」老豆:「頭先我之所以見到阿彩呆左，係因為我睇得出，佢係食過夜粥」
「吓有得睇既咩？」
「阿彩佢雙目有神，明顯有學過功夫啦...」老豆道

我:「但係..你唔驚阿彩同我做super hero會比班親戚笑咩」
「驚條撚！你老母果陣都係我個拍檔黎咋！」
我o撚哂嘴:「吓！老母你..都係super hero？」
老母:「係呀，你以為我係個普通師奶咋？」
「總之..阿彩你就比心機做super hero啦，我地都會撐你既」老豆老母異口同聲
「多謝世伯伯母！我一定會比心機，做個懲治罪犯既super hero既！」嘩屌，老土到


老豆繼續串鳩我:「阿七你個打靶仔，唔好拖阿彩後腿呀」
屌，你地又唔話阿彩會拖我後腿！

老豆帶阿彩參觀裝備房:「嗱呢度就係裝備房，依家比個打靶仔用黎擺埋d濕鳩發明！」
「嘩..都幾撚亂架喎..呢舊乜撚野黎架？」阿彩拎起一個收音機既物體
「呢個收音機我改裝過,依家可以聽到d警察既頻譜，我平時就係用佢黎知道邊度有罪案，係產品編號008」我清楚地解釋
阿彩馬上恥笑:「哈哈！產你老母品咩！當自己大公司呀！」

阿彩指住牆上既一套黑色英雄衫:「呢件..就係你呢個blackman果件制服？」
「嗯，我老豆留比我果套太柒，所以我自己整左套」
阿彩:「係喎世伯，但我..冇制服冇面具喎」
「好簡單姐，你叫個打靶仔整比你咪得囉！」
「吓...」屌又借我過橋
阿彩屌鳩我:「唔係少少野都唔肯做下話，有冇風度呀你？」
「得啦得啦，過幾日比你囉，好未？」
阿彩:「咁我地幾時出動呀？」
老豆:「就星期六開始啦」


食飯果陣，老豆老母係咁夾餸比阿彩
老母:「阿彩，食雞脾丫...以後辛苦你啦，要照顧埋阿七」
「多謝伯母！唔辛苦..做super hero係我既心願黎架！」阿彩懶係有大志咁，睇到我都想嘔
老豆繼續稱讚:「有志氣丫，好過阿七呢d垃圾，佢果陣同小櫻學功夫呀，比小櫻打到豬頭咁呀！哈哈哈」

全家馬上哈哈大笑，除左我
「屌，無啦啦搬d舊事出黎做乜呀！」我道
「我係鐘意搬呀，鬼叫你咁廢咩廢鳩俠！」老豆繼續笑:「係喎阿彩，我地慕容家17號果晚會食中秋飯，響倫敦大酒樓包左場啦，記得黎啦，順便見下d叔父」
「嗯，一定記得黎！」
仆街，響呢個情況我只可以忍...

食完飯同生果後
阿彩拎起袋:「我走啦，我夠鐘返去啦」
老母:「阿彩你唔坐多陣？」
「唔啦，我老豆等緊我」
老豆：「你住邊呀？我叫阿七車埋你呀？」
「唔啦，我住香港島果邊架！」
「咁呀..阿七你落去送人啦」
響房打緊機既我:「屌，咪咁麻煩啦」
「送呀仆街！信唔信我打鳩你架！」老豆真係一味靠嚇
「屌，好啦好啦」

落到去樓下
「丫你屋企人又幾撚得意架喎」阿彩道
「我都唔明點解佢地對你咁好，你又唔係特別nice」
阿彩:「緊係啦，我依家要幫佢地教埋仔丫嘛！」
「仆街，駛撚你教？...其實你住邊架？」
「咪話左香港島囉」
「邊忽先得架？」我追問
「關你撚事咩...淺水灣赫蘭道呀」
「吓...咁撚有錢？」
「咪話左個老野響hku做副校囉！到地鐵站啦，係咁先啦，你整好左制服同面具再call我啦」
「哦..好啦拜拜」
屌，阿彩連拜拜都唔講，真係冇家教

「我返黎啦」
坐響梳化既老豆:「阿七你個死仔包丫..咁快就識到d咁好既女同學」
「佢邊忽好呀，又爛口又串」
老豆語重心長:「阿彩呢d好女仔黎架，好好珍惜呀..依家唔係好多女仔咁有志氣架,佢..」
「唉廢事同你講」
依家老豆老母當左阿彩係寶咁，以後真係有排我受啦

入到房，小櫻已經抹住頭玩緊手機
仆街又襯我落街去沖涼，係咪益下阿哥都唔得先！
我問:「喂..淫櫻...」
小櫻即刻睥住我:「咩淫櫻呀！阿哥你講咩呀！」
「哈，捽碟仲唔淫咩！你同緊邊個whatsapp呀」

小櫻嬲爆爆咁:「唔關你事呀，衰阿哥！」
我即刻道歉:「唔好咁啦小櫻，最多依家唔講啦」
「哼！」小櫻繼續打字:「同埋阿彩姐姐傾計呀」
「哦..咁快就熟到傾whatsapp嗱..」
小櫻嘴角含春咁:「咁我同佢都鐘意UVERworld嘛，邊似得阿哥你呢d人咁冇品味呀」

「屌..又扮有taste」我跳上床上
「係咪唔抵得我有得同阿彩姐姐傾計呀？哈，酸呀？」
「on9...酸條毛」
得鬼閒葡萄呀，阿彩呢d臭西送比我都唔屌呀！
好彩聽日dayoff，可以抖返日



星期五返學果陣
由於肥良同賢仔走哂堂，搞到lunch得我一個食
好唔容易，先響swire can搵到個位
「仆街丫，好心就整大個canteen啦on99，仲逼過金鐘地鐵站」我心裡暗屌:「嗱嗱聲買完野食走先」

我求其買左個燒味飯，坐埋位食
眼見四周圍都係一堆堆狗男女食飯，而我就只能對住前面既空凳食
真係好想一野用霹靂雷珠電鳩死d狗男女
祝你地扑野果陣condom穿窿呀！

「阿..阿七」忽然一把女聲:「唔好意思，呢..呢個位有冇人架？」
我心諗，邊撚個講野講到口吃咁呀？
抬頭一望，係露露，佢捧住一盒微波爐飯盒
呢次係我星期二救左佢之後，第一次見返佢

「冇呀，你坐丫」
「唔..唔該」露露對我依然都係十分見外

我試圖打開話題:「呃...今日真係好多人呀」
「嗯...係..係呀」
「露露你..平時都係自己帶飯架？」
「嗯..係呀，係尋晚媽咪煮埋比我」
其實同露露講野真係幾辛苦，佢又唔似阿彩咁多野講，所以我同佢呢餐飯經常dead air

「係呢？露露點解唔同同學一齊食飯既？」
露露低住頭:「我..我..仲未識到朋友..」
唔撚係掛，露露係cool少少姐，但都算係靚女丫，點會無朋友呀
「我份人怕生，唔識點同人相處..又成日比人嫌悶..所以中學果陣都冇乜朋友...」
我鼓起勇氣:「如..如果你唔嫌棄既...我..我可以做你朋友架」
「吓...」露露打左個突:「可..可以咩？」
「緊係得啦..我份人都好悶架...如果你食飯既話可以call我丫，我地一齊食」
露露難得地笑起黎:「...嗯..多謝阿七...」
嗚呀，露露當我係朋友呀！！！以後仲有得一齊食飯！！！

食完飯之後，我同露露一齊行
「露露呀，你平時鐘意做咩架？」
「呃...都係..睇下書架咋...我最鐘意村上春樹」露露果然係d文學少女:「阿七你呢？」
「我呀...都係...研究下d電器機械咁啦..」唔通答露露打飛機咩
露露竟然讚我:「咁阿七你..都好犀利呀」
「哦..咁係我對機械野有興趣姐」

「係呢，阿七」露露忽然認真起黎:「你知唔知...香港依家有一個叫blackman既人呀？」
點解、露露會無啦啦問起既？
「吓..睇新聞見過下囉，做咩呀？」
「其實，星期二果晚我差d...比上common core果個tutor搞..」露露嘴角含春:「就係blackman...佢救左我」
「所以..我好想再見返佢，親自多謝佢」
見到露露咁樣，唔係鐘意左blackman下話
「呀..我..夠鐘上堂啦..下次再一齊食lunch丫...拜拜阿七」
「哦，拜拜..」

我同露露道別之後，個心一直un住un住
如果，露露知道我係blackman既話，佢就會鐘意我？