【好想同你講下野】一隻厹的日記: 29

我發現其實爸爸並無忘記。 


我都以為爸爸係好寡情，對媽媽嘅離開，佢無講過一句。 


亦都從來無挽留過。 


哩個都係阿澄最唔明白嘅野。 






點解爸爸從來都無挽留過媽媽，無叫過媽媽唔好走。 


「如果爸爸肯挽留，媽媽會唔會唔走？」 


所以，一直係我地心目中，爸爸都好薄情。 






甚至我有諗過爸爸係咪等緊另一個女人入住哩間屋企。 


我唔要呀，我唔要有另一個人做我女主人嘅媽咪。 


媽咪雖然對我唔算好，但佢對阿澄好好，無人可以取代佢位置。 






我相信阿澄都係咁諗！
爸爸，真係絕情。 


去到今日，我又聞到屋企好大陣酒味，由爸爸間房傳出黎，我就行咗入去。 


見到嘅係，爸爸一邊飲酒，一邊係度喃喃自語，唔知佢講乜。因為佢醉到訓著咗。 


然後我見到，佢枱面有一張紙，寫咗好滿滿嘅字。 


雖然我人類字識得唔多，但大概都睇得明八成。 






因為黎黎去都係嗰幾隻字。 


「對唔住」、「老婆」、「可唔可以返黎」 


我突然發現爸爸個樣蒼老憔悴咗好多，多咗好多白髮。 


爸爸係做錯，但我真係覺得佢真心知錯。 


點解咁想媽咪返黎，又唔肯親口講呢？ 






人類真係奇怪。 









男人好慘，因為好多時都唔可以直接抒發自己感受，好多野只能往肚裡吞。