【好想同你講下野】一隻厹的日記: 25

爸爸媽媽去咗旅行。 


我都唔明點解會係呢個時候去旅行，但對話中，知道好似係爸爸去公幹，順便帶埋媽媽去。 


屋企得返阿澄。 


阿澄再三保證自己一個人都會照顧得自己好好，會無事。 




「阿波，我想媽媽爸爸今次去旅行會好返呀。」 


因為咁，阿澄先咁想去日本都無去。 


不過阿澄爸爸媽媽始終都唔係100%放心，所以又叫咗隔離屋嘅陳生得閒照顧下阿澄。 




跟住第一日已經發生咗事。 


話說嗰日阿澄帶完我跑步之後，就返屋企。 


返到屋企沖完涼，阿澄好攰所以好早就訓咗覺。 




咦？係咪有啲野未做？ 


食飯？ 


唔係啦，我地一早食咗。

我走埋去，舐阿澄塊臉，無幾耐佢就醒咗。 


「做咩呀阿波？」佢迷迷糊糊，眼睛都睜唔大咁講。 


「有賊呀。」我講。 




「肚餓？」 


但佢好快就留意到，客廳有啲唔尋常嘅聲音。 


「阿波......係咪有賊？」阿澄好緊張咁握住張披，我都係一樣，但我唔可以，因為我知如果我都驚，咁我地就死，我要保護阿澄！ 


我跑去門口邊，好細心咁聽住個賊係邊。 


佢似乎已經搵咗客廳嘅野，正正向哩一間房入黎！



我估唔到佢會咁快，佢一打開門，就見到阿澄，佢係一個好高嘅男人，黑衫牛仔褲戴口罩。 


「妹妹，你一個人呀？」佢把聲聽落去好奸邪。講完就已經撲向阿澄！ 


我立即衝前，咬住佢隻腳，佢立即痛到叫咗起黎！ 


「嘩！邊度黎嘅癲狗！好痛呀！」 


佢拎起手上嘅小刀，一野就揮過黎！我低頭避開咗，佢就想捉住我，我跳後一避，佢撲咗個空，我趁住呢段空隙時間，跳上咗佢上身，咬向佢個左手手臂，佢痛到哇哇聲，勁嬲咁一刀插埋黎，由於我係半空，避唔得太多，結果我個右身被利刃割咗一條好長嘅痕。 




原來被刀割係咁痛，我完全無哂力，一野就放開咗口，跌咗落地，佢趁機大力踢咁踢開我。 


「痴線狗！」佢繼續走向阿澄，我唔可以畀佢傷害阿澄架！ 


我忍住痛咁衝前，用盡我全身嘅力氣去咬佢...... 


「啊！！！！」佢發出好痛苦嘅尖叫。 


佢係咁扑我個頭，一直扑一直扑。 




我意識越黎越低......