【好想同你講下野】一隻厹的日記: 12

去到半夜，Diana忽然叫醒我。 


我訓到半醒，眼都張唔大咁問：「做咩？」 


「佢地訓哂啦。」 


「喔，咁早抖啦。」 






「喂，都話佢地訓哂啦，唔洗扮野怕醜啦。」 


「怕咩醜？」 


佢忽然走去我面前，用個屁股對住我。 






「做咩啫你？」 


「咁扮野啦，我知你好想要嘅。」 


「我唔知你講咩。」 






「你係狗公，我係狗女，你話可以做咩？」



「下，呢啲野我諗住結咗婚先做架喎。」 


「痴線，你邊會結到婚呀？快啲啦！」下一刻佢已經追住我周圍走。 


「媽呀！救命呀！」 


「過黎啦，畀我啦！」佢係後面一直追住我叫。 






我跑咗成晚，佢都追咗我成晚。 








痴媽筋，我狗生裡面第一次咁驚狗。