《最重要的人，就坐在我身旁》: 第十章:比賽前夕
第十章:比賽前夕
終於都上完最悶的數學堂，出去走廊放鬆一下。
「陣間出去食咩呀。」阿飛說。
「食平少少啦，今個月冇咩錢啦，遲啲仲要買Boost。」歐佬嘆氣。
「係喎，遲啲要訓練，我都差啲唔記得咗。」
「頭先果堂突擊搜書包勁刺激呀。」隔離B班傳出的一句話。
「係呀，好彩我地班冇一個出事咋。」B班同學說。
我意識停頓了一下，突擊搜書包...自中三那年搜過之後，就沒有搜過了，所以我們天天都低調在課堂上玩手機，但其實老師一看見學生低下頭來，十分專注望著自己的抽屜，老師就知道怎麼回事了，但有些老師都不理會，只要不要高調使用就可以了。
「喂，你地聽唔聽到呀，陣間突擊搜書包呀。」
「唔撚係掛，堅定流呀？我唔想收埋係底褲度喎。」阿飛驚訝。
「屌，我今日著孖煙通呀，點收呀！」歐佬檢查自己的內褲。
「返入班再算睇下有咩位收埋啦。」
突然我手機震了一下。
女神：「喂，陣間你地果班會俾人搜書包呀，放住啲手機係我度先啦。」
黃耀鋒：「好喎，唔該晒，我而家過嚟。」
我行入5B班房，我並沒有幫死黨們收埋，因為我不想給更多的麻煩女神。
「快啲啦，要上堂喇。」女神伸出手來。
「唔該晒喎，遲啲有咩麻煩搵我就得。」我交出手機。
「好呀，順便請我野飲，OK？」女神用手做出OK手勢。
「冇問題。」我做出OK手勢然後回班房。
「喂傻佬，陣間搜書包喎，洗唔洗幫下手呀，我有計仔。」愛晴對我說。
「唔洗啦，女神幫咗我。」她何時會叫我傻佬的...
「咁好啦...」
龍哥進入班房開始上堂。
「相信大家都收到消息啦，陣間五分鐘之後會有老師入嚟搜書包，你地快啲收埋喇，唔好話我唔俾時間你地。」
有龍哥做班主任真好，經常都幫著我們。
「喂阿飛，反正你咁多錢，不如直接將部手機拋落街啦。」歐佬將手機放到燈罩上。
「痴線，近排手緊呀大佬。」阿飛跟著歐佬放手機在燈罩上。
這時訓導主任在走廊進來。
「各位同學，近期學校多次發現同學在課堂上玩手機，而家就作出一個搜書包行動，如果搜到手機，將會一星期後要家長親自到校取回。」訓導主任進來。
這個訓導主任真的十分黑人憎，見到他前面就憎他後面，他在學校出名是個黑面神，毫不對任何學生留情，只要頭髮長過標準的一厘米都要記缺點，而他罵人時永遠都會嘟起嘴來，也會因此引人發笑，令懲罰更加重。
在搜書包過程中，我們都顯得嚴肅起來，因為一嘻皮笑臉的話，同學就會被訓導主任針對，名字和樣子就會被他記下。
就算我沒有違禁品在身上，也會有一點緊張，期間我看到有一部手機在風扇葉上，我在想像一開風扇的話，手機就會從高處掉下，想像到這個場景，我不禁笑了起來。
「黃耀鋒我認得你，成日遲到同埋成日係小食部打尖，有乜野咁好笑！」訓導主任雙眼瞪著我。
幸好身高僅僅高他一點，要不然我一定霸氣盡失。
愛晴拍一拍我的手背，示意我不要衝動。
「笑下啫，你唔好成日苦瓜乾咁啦。」我對訓導主任說。
「反晒你啲褲袋出嚟，跳三下，仲有除埋對襪出嚟。」他命令我。
今天剛好穿著白襪，不用被記缺點。
「除咪除，我又冇野係身。」我照著他的指令。
「坐返埋位溫書。」他搜不到任何違禁品。
我從他背後舉著一個中指。
「你傻咗咩，同佢作對。」愛晴細聲說。
「我又冇做錯野，行得正企得正，怕啲咩？」
「咁又係...小心啲啦，你已經俾佢針對緊喇...」
最終我們班都沒有搜出違禁品，安全地渡過這一天，放學後與歐佬一起在校內練波，準備迎戰學界比賽，隔了很長時間都沒有在校隊練波，有點不好意思。
當我收拾書包走出班房門口時，我後方傳出愛晴的聲音。
「你去練波呀？我有支水喎未開過㗎，小食部買貴呀。」愛晴遞了一支水給我。
「唔洗啦，我陣間飲水動樂，我落去先喇，拜拜。」我向歐佬揮手：「行喇歐佬。」
「終於肯嚟練波啦？矮鋒，等左你呢個正選大前鋒好耐。」教練說。
「冇問題啦，有我係度入三甲冇難度。」我拍一拍胸口，背著陽光。
過了數日，我和歐佬就出去買足球鞋，本來阿飛都會來，但他說有要事在身，並沒有跟我們去買。
「喂，做咩近排阿飛成日都唔得閒咁嘅，約佢出街又唔到，叫佢請串魚蛋都唔請。」我和歐佬坐地鐵。
「鬼知咩，可能溝到條女都唔定掛，佢咁有錢，用錢就可以收買到女人心㗎啦。」我說。
「仲有近排成日都對住部手機陰陰嘴笑，我都係第一次見佢笑得咁淫，如果佢咁嘅樣都溝到女，世界真係變喇，有錢真係無敵。」
「如果連阿飛都溝到女，我地真係要好好反醒下。」我說。
阿飛沒有樣貌，沒有健碩的身型，但他只有錢，錢不太重要，但沒錢就萬萬都不能。
「話唔定係女溝佢呢，呢個時代啲女一見到錢就濕晒㗎啦。」歐佬嘆氣。
「咁你呢，幾時溝返件呀，成日都俾意見人地，但其實自己又冇女，你咁樣好難說服到人㗎喎。」我笑他。
「好快就有，有條女已經俾我迷到死死下，俾一星期時間我，我一定得米，係喎你中四話過，如果我溝到女嘅話，你要切柒㗎。」
「你溝到再同我講啦屌，到站啦行啦。」
我們行到一個大型商場，旺角真是多清純女生，簡直令人產生不少暇想，再加上夏天的關係，囡囡穿的衣服少之有少，我們行到一個扶手電梯。
「喂望下一點鐘方向，望唔望到呀，好正。」歐佬專注望著。
「屌...近排香港咁多變態佬其中一個一定係你。」原來歐佬正在偷窺年輕女性。
我們行到一間運動專門店，這裡有很多最新款式的衫褲鞋襪，而我們需要買釘鞋，最貴那對價值二千元，但我身上只有一千五百，可惜阿飛不在這裡，要不然一定找他結算。
忽然有一個身影在店外行過，這個身影十分熟悉，好像在那裡見過一樣，這名男子更拖著一名女生，兩個背影都十分熟悉。
我通知一下歐佬後，便放下手上的釘鞋，走上前去看一看這個身影，確認一下身份。
他們的行為十分親密，根本就是一對情侶，無所不談，更做出一個接吻的動作，我們從側面看到他，發現原來是阿飛！不過我們並沒有走去當場斷正他，而去跟蹤他，難怪背影十分面熟。
「我冇睇錯嘅話果個女仔咪係E班果個高妹囉？」歐佬說。
「係喎，喂！記唔記得阿飛中四開學嗰陣已經俾呢個高妹迷住呀？」我嚇了一下。
「係喎屌，估唔到條死仔真係走去溝高妹。」
我嘗試Whatsapp阿飛在忙什麼，看看他甚樣回應，他拿出手機準備回答我，但他竟然說是到親戚家拜訪，我和歐佬不禁笑起來，他作謊言的技巧十分糟糕。
我們都不想行到他前面識穿他，便威脅他到本商場的六數男廁貼每人五百元我們。
「你條友話近排手緊，原來攞哂啲錢去溝女。」
「咪係囉！收收埋埋咁，嗱...而家俾一千蚊我地，就當揞口費。」歐佬推阿飛到牆邊。
「唉...你地話㗎，今日當冇見過我呀。」阿飛從銀包拿出一千元。
經過阿飛的襄助，結果我們都成功能購買到球鞋。
在下一次的足球訓練，教練幫我們租了一個人造草地足球場，幫我們熟習一下草地上的環境。
但教練因為放學後有要事在身，走之前交代我地到球場上比賽或訓練自己的不足之處。
我正在和歐佬離開學校去球場時，又是愛晴從後叫停我。
「阿鋒！練波果陣小心啲呀，唔好咁博，就嚟考試㗎啦，自己整理下時間啦，唔好掛住踢波而荒廢學業。」她向我舉出姆指。
「得喇拜拜。」我跑出校門趕去球場。
「哇，有個咁好嘅青梅竹馬真係好呀，我都想有，佢好似對你有野咁喎。」歐佬笑著。
「唔好痴線啦，我地已經認定左係知己。」
「盲嘅都知佢對你有野啦，人地咁關心你，你仲要應得咁鬼Hea，你冇聽過能成為密友總帶著愛咩？」
「咁我同你算唔算呀？」我笑著。
我穿上新買的釘鞋，在草地上熱身拉筋，感覺比起穿平底鞋跑得更快，行動得更敏捷，二千元果然截然不同。
訓練比賽期間，我與歐佬是對敵。
隊友們都傳球給我，我唯一要做的就是將球射進龍門。
當我想衝破他們的後衛時，雖然歐佬踢的位置是閘位，但他都到禁區回防，面對著健壯的後防，我當然會用假動作去騙對手，越過了歐佬後，但他只需要將身體壓向我，我就會失了平衡。
身型上的不足，這就是我的缺點，看來我要練肌力了。
到了六時正，租用時間剛剛結束，我們就各自歸家。
我在床上想著今天歐佬對我說的一句話：「能成為密友總帶著愛」她真的會愛上我嗎？根本沒什麼可能，就算她愛我，我都不喜歡她，她又不是我喜歡的類型，與我女神相比起來，還相差一大節，雖然我現在並沒有任何對象，但甚樣看都不會是愛晴吧。
學業這東西，還是到了中六再算吧，現在我只需要投入學界足球比賽，奪冠軍完成我小小的夢想。