我的如意約定: 第三章
「小鏘，你撞到我隻手呀！」旁邊的小玲控訴著我。
「唔好意思，係喎點解你會用左手寫字？」我慢慢地將自己的桌子移離她的桌子
「我從來都係左撇，你坐我格離咁耐都唔知？」她一手把我的桌子拉回她旁邊。
「咁不如我地調位喇，咁我地咪唔會再撞手囉。」
「坐格離座都調位？咁你好唔鍾意掂到我咩」小玲一臉認真，好像真的生氣了
我：「…………」
──────────────────────────────────
「鈴…鈴…鈴…」
訓得個四個鐘，琴晚又訓唔著。
一陣決賽都唔知會唔會暈低，你地知喇羽毛球從來都係劇烈運動，一開波就得你一個周圍跑，就算雙打都只係多左個人，不過對手都多左個人，即係…無分別。
係時候食個靚早餐
出左屋苑大閘，佢又坐左喺同一個位。
「小姐咁啱呀！」我坐低睇餐牌，點個紅腸麵凍鴦
「又遲到，我等左你好耐喇，又話打決賽，遲硬到喇！」海瀰拳打我左臂
「其實呢，決賽就10點打，宜家呢…7點喳。去邊度打？紅磡呀，行路都唔會遲喇！」
我斜視佢，佢有別於平時，今日無綁頭髮，化左一個淡妝，正如啲呀姨講…有啲似楊冪。著左件都幾貼身嘅七分裇衫，牛仔裙。唯一嘅不足…我胸口仲脹過佢。
「我約左個姊妹去買衫，你唔洗旨意我會去睇你打波。」佢撥一下頭髮，露出側臉，又真係幾似楊冪嘅…喂！！！我鬼有想佢睇我打波呀！！
「其後若相見可記得聲線…」換左鈴聲第一次有打電話黎
「喂，呀sir咩事？」
「翼生，你洗唔洗早啲到排一排個陣呢！」
「個陣點排結果都一樣，有Zason打第一單同第一雙就無死喇！」
「咁你地都早啲到warm up下都要嫁嘛！」
「得，搭車黎。」
海瀰都係去紅磡，我地一齊搭巴士。
「其後若相見可記得聲線…」電話顯示－Zason
「吓…唔係嘛？」「咁你抖下喇」
海瀰問：「咩事呀？」
「第一單拗柴黎唔到呀！」我發曬吽哣咁望出窗
個陣點排呢，第一單無人打，第一雙搵邊兩個人夾…點樣先可以穩打穩扎…
「咁你咪打第一單囉，你唔係一直都打第二單咩，都係單打姐」海瀰自言自語
「我睇過佢打嫁啦，我同佢打只可以係五五波，唔一定會贏…」
巴士顯示屏－紅磡市政大廈
「你打佢五五波，佢打你都五五波姐」「你計咁多做咩姐，洗唔洗計埋風速呀，who fucking care？唔好諗咁多，到站落車喇！」
早左成個鐘到，呀sir已經喺觀眾席等緊我。
「其他人呢？」
「Zason黎唔到…其他人黎緊」
「咁你打第一單同第一雙喇！」
「我…我得咩？」
「我問返你喇？」「你覺得Zason勁過你？」呀sir睇返之前幾場嘅比分
「呀sir, 佢之前場場都直落兩局贏」
「我地有邊場唔係咁贏？其實係你將Zason神化左，你話佢勁過你…你地有1 on 1過咩？」
「無…無」
呀sir拍一拍我塊拍，指住二號場嘅空位。依！Hotman到左喎！
我地拉下高遠球做個warm up
「翼仔，你諗住點排陣？」Hotman轉左同我推波
我講返Zason黎唔到件野比佢聽
「咁你打！就算佢黎到，都係你打！決賽喎，一定係你打！」Hotman拎左枝筆比我
「我覺得今場速戰速決好，三場過袋走個金牌」
我望住個“第一單打”格仔，我猶豫不決，係唔係真係我打？
一把女聲喺我背後傳黎
「鏘，填咩呀你？」
原來係林霖
「一陣比賽嘅出場表…」
「請聖皮埃爾書院嘅隊長連同出場表…」場地不停廣播
「催你地喇！」林霖望去遠方個登記枱道，好似仲急過我
死就死，第一單就第一單！
林霖跟埋我去交表，諗起佢見住我輸都覺得恐怖，都係同佢講聲，廢事到時佢咁失望
「有個隊友無黎到，所以…可能會輸，不過我會盡力去打…到時我真係輸左…你唔好唔開心。」
「你以為我想你贏呀！我想…你…總之就打！」林霖拍一拍我膊頭，就轉身行返去觀眾席
「聖皮埃爾書院對傳黎明中學，決賽，一號場進行第一單打」
我走去同對手握手，點一點相。回憶返佢之前嘅比賽過程
Database顯示：佢打法係以拉吊為主，以身高嘅優勢搶點，令到對手體力大量消耗，慢慢磨死對手
其實一見到佢1.8米嘅身高，唔睇Database都知實唔可以同佢打拉位置波，不如我就咁打…
評判：「比賽開始…比賽以三局兩制進行」
「翼生，你都算大膽，同個高佬打平揪，仲要差唔多球球都壓！」呀sir搭曬我膊頭，望住個分牌，我拎左第一局。
「佢1.8米高，即係個波起碼要高過1.8米，佢先可以起手。同埋我個波回得越平飛，佢可以準備回波嘅時間越少！相反對矮小嘅我就無影響。」
第二局開始
由我地來回球睇黎，佢仲未適應我打平揪。只要我保持穩定，佢就好難做到咩大攻勢…
一分一分，佢開始睇穿我啲落位，開始提前走到個位道回我…我出平揪波越來越危…
20：18
只要我拎埋依分就贏第一單打
佢照常打一個高遠球
我回…得高左，個波夠高比佢起手殺
個波飛到我左邊線，我只好魚躍救球
「嘩！」
都係高左，佢再殺
飛到中線，雖然近，不過我起唔切身，只好左腳一撐，再魚躍
「嘩！」
依球回得唔係太高，不過夠位比佢推我後場
但係今次我起返身，目視波飛向右底線，我跑向後場…一個飛身…
接唔到
之後嗰一秒鐘好似停低左
我望向司線員
「IN」
19：20
一把女聲喺道大叫：「呀鏘加油呀！」
我舉起左手示意對手唔好開波住…回頭轉身望…
係呀雀，我同佢對視左一秒鐘，佢做口型「加油」
我依一刻好清楚，贏同輸唔只係我一個人，都唔只係背後隊友，都唔係聖皮埃爾…
仲有支持我嘅所有人…
仲有呀雀
我錫一錫自己右手背
回頭轉身，放下左手，注視對手…
佢開後場波，雖然佢依球好到位，不過我選擇起手殺
一如預期，佢好輕鬆回左個前場波
我沖前放網…
當我聚焦返球網嘅另一邊…對手已經沖前搶網
仲企喺發球線嘅我目送波飛向我近身反手位，我已經無可能轉反手打…
波已經到左我左腰旁…
但未係時候要放棄
嗰一秒鐘…
我右手繞背
「啪」
我同對手都望向評判
21：19
我望住個波喺中場…
係對手嘅中場
「What the hell is going on？你點做到？」Hotman攬住我
唔好咁hehe得唔得，一手推開佢
「Who fucking care？」其實我都唔知咩事呀，總之打到過網！
同對手握手，講左句唔好意思就轉身諗住走
就喺依一秒鐘，呀雀企左喺道…對住我笑
佢撥一撥頭髮，露出側臉…露出左耳…露出助聽器…
如果世界多了一秒鐘…
光可以多走三十萬公里距離…
在夢裡我們可以多二十分鐘的相見…
我們的眼神多了五十五個剎那的接觸…
但回不了過去那一秒鐘…