【為左老友，我將佢女神變成我女友】: 【第二十五回：兩個英傑】

※※※※※※※※※※※※※※※※※※※※※※※※※※※※※※※※※
【第二十五回：兩個英傑】

大概每個人也有過去，但由另一個自己説另一個自己的過去，總有一種人格分裂的感覺。

我忽然有種在看《隔離島》的感覺。

肥龍跟我説：「曾經有一個肥龍同講過同一番話：『我其實唔係肥龍，我真正既身份叫陳英傑。』當時我既反應同你一樣，仲以為係自己顛左，幻想左另一個自己出嚟。」

我乾笑了幾聲，附和着他的想法。





肥龍也笑了，然後說：「死人肥龍仲話可以畀我回到過去等我可以改變淒慘既命運。但係就唔可以做番陳英傑，只可以做肥龍。」

「淒慘既命運？」我像個天真爛漫的小孩在問問題。

「唉。」肥龍長嘆一聲。

肥龍說：「靠死人肥龍既幫助，我曾經幸運過。

嗰一日，係我人生最美好既一日。





我約左小玲一齊睇日出。遍地都係小黃花，遍地都係花海既芳香。我地係郊外扎營，除左營內既燈光之外，四處也是漆黑，伴上點點星光，係個極迷人既夜景。

本來諗住瞓陣先嘅，不過小玲怕悶，所以叫我陪佢傾計。

我地將電筒綁係帳篷既支架，令光線照住我同佢一齊坐既草地上。

我見地面上面咁多黄花，就摘左一朵送比佢。

點知佢話：『哼，先得一朵。』





『咁係因為我唔亂咁拈花惹草囉。』

『可能你見到更多更靚既花就會走。』

當時我心諗：點解佢成日都咁諗？

或者女人，都太過依賴安全感。

小玲見我沒有回答，又問道：『陳英傑，你愛唔愛我？』

我回過神來，反問：『你話呢？』

『我唔知喎。』她向我撅了撅嘴。





『你知嘅。』我微微一笑，笑着她的可愛。

『我咩都唔知呀。』

『嗱，我對住我地身邊呢一片黃花發誓，我呢一世淨係愛你一個。』

『哼！算你喇。畀我知你有第二個你就死。』

我呆呆地望着她那張羞紅的臉，忍不住輕握她温熱的手，對她說：『你放心，一定唔會。』

就係咁，我同佢緊靠着，過左一個美麗既日出。」

我看着肥龍，感動得眼眶沾溼，終於有一絲淚珠劃過我的臉龐，落在地上。

果然，為小玲付出的人，是他，一個叫肥龍的陳英傑。





而我，根本「沒有為你傷春悲秋不配有憾事」，我只不過是一個情感的傀儡。

肥龍又跟我談了許多他和小玲相識的經過，竟然與我的經歷有多少相似。

我笑罵：「都估到你冇咁醒㗎啦，果然都係搬字過紙，只係估唔到你同我一樣，本來都係被逼去同小玲一齊。」

「哈哈！所以唔好嬲我啦。反正你最後都搵到你鍾意既人，唔算蝕底喎。」

我愛的人，蘇小玲。

我望着已經撞散的車子，想着那個酷愛海鮮的丫頭。

不知道她在何方呢？





「英傑呢？佢係邊度？我要見佢呀！」在醫院的房間内，有個在一宗兩死一傷的車禍中倖存的女孩，在叫喊着。

「家姐，你冷靜啲先，英傑佢已經走左喇。」那女孩的妹妹強忍淚水，安慰姊姊。

「走左？冇可能㗎，佢……」那女孩想起了那位叫英傑的男孩，在撞車前的一剎那，用雙手護住了自己。

那個極力保護自己的他，為了救自己的他，犧牲了他自己。

他的名字叫陳英傑。

他在撞車前呼喚着他愛人的姓名。

小玲，一個從鬼門關逃脫的人。

然而他，把自己從鬼門關推出來後，卻身陷鬼域，再也走不了。





多麼肆意妄為的他。

「英傑……」女孩回憶着與他相處的分秒。

原來天不見憐，英傑與那個被稱為小玲的她只是相處了很短的時光。

也許相愛的時光，對比永恆的星空，的確永遠也不足夠。

或者得到了心愛的金幣，就注定要失去維持生命的麵包。

魚與熊掌，根本不可兼得。