【為左老友，我將佢女神變成我女友】: 【第五回：愛慕】

※※※※※※※※※※※※※※※※※※※※※※※※※※※※※※※※※
【第五回：愛慕】

「家姐你點呀？做乜會暈左㗎？喂，英傑，依家點算好呀？」

我呆了一呆，心道：應該畀我走。

不過，我自少就想成為醫生，要去救好多好多人。無理由明知一個人暈倒但係坐視不理，可以就咁走左去個啲仲係人嚟嘅咩？

我蹲下來察看一下小玲的情況，有脈搏，有呼吸，應該沒什麼大礙的。（後來才知道首先要視察環境安全，可是一個中六生又能懂得多少呢？）





「我去叫老師，我地根本唔識點去處理！」

忽然，有一隻手扯住我的衣角。

「放手啦，小美！你係咪唔想救你家姐？」

「吓，我冇拉住你喎！」小美走來我面前，揮動着兩個空拳。

吓！咁隻手係邊個㗎！





唔通……

哇！隻手又拉住我！

「唔好玩啦小玲，大家都中六，冇理由仲玩埋啲細路仔野㗎。」

小美忽然對我身後指了一指，說道：「係你件衫卡左係個櫃門角喳。大驚小怪。」

弄弄衣角，擺脱制肘，我又重新站立起來。





豈知，褲角又被拉住。實在太麻煩了，我按捺不住，重重向後伸了一腳。

「哎喲！」

回頭一看，小玲的臉多了一個灰樸樸的腳印，卻依舊未醒。

究竟發生左咩事？

「你知唔知發生左咩事，小美？」

「喔，頭先家姐佢真係醒左，仲拉住你添。不過之後你一招神龍擺尾就踩暈左佢。」

有時候，人真係好化學。





「唉，唔理啦。去揾左老師先啦。」

最後，我整整一個星期沒有見過蘇小玲。

直到那天。

「喂，我家姐揾你。」小美拍拍我肩膀道。

結果，我又回到這漆黑的房間。

「等左好耐呀？」

「唔係呀，小玲。我上次搞到你咁，真係唔好意思。」

「我似咁小氣咩，英傑？我要多謝你咁緊張我就真。」





呢個時候，我先真正鬆了一口氣。

「呃，小玲。其實仲有一件事係我想同你講，嗰日呢，其實我咁大聲叫你，係因為……」

「你唔使講，我已經知道。」

「你知道就最好啦。」

看來，一切問題都可以迎刃而解。

此時，我感覺到我的手被另一隻手牢牢地握着。

小玲咬一咬唇，道：「其實我知道你對我既關懷同愛意，入院呢段時間我諗左好耐，我決定畀個機會大家發展下。」





話畢，一個牛頭般大的人頭擱在我的肩膀上。

天啊，十八年來我力保毒男名銜，竟然今日會被一名重量級對手擊倒？唔可以！唔可以！唔可以！

我雙手推開了小玲，説：「咪住！咁肥龍咪……」

忽然有一隻指頭封上了我的嘴唇，然後我聽到：「唔使擔心喎，Adrian係我入院之後有黎睇過我。佢代你向我講對唔住，話冇啦啦大叫我個名喎。不過之後我已經同佢解釋左我地既關係啦，佢仲好開心咁恭喜我地添！」

我覺得，呢日係本年度最黑既一日。

她輕握着我的手，温婉地説：「你放心，我會同你一齊走過以後人生既每一段路。」

就這樣，我陳英傑的初戀，終於開始了。