[毒撚][少甜]點解我會變左做索女架????: 8
獅兄既表情突然嚴肅起黎，望住mk組離開既方向：「佢地無道歉喎。」。
佢地道歉唔道歉我無所謂，但係點解你要帶我出黎自爆呢：「而家佢地知道曬我係女仔，咁我點算啊﹖你就係咁幫我啊﹖」對獅兄既行徑，我憤怒但又無奈。
獅兄側側頭，笑意正濃：「佢地唔會講出去既…」，「佢地會點對我啊﹗佢地知我係女仔﹗如果佢地想…佢地想抽我水咁點算啊﹗」。
「唔會有如果既。」獅兄臉上有點戲謔。
我知道同佢繼續拗落去，我一係輸一係俾佢抽水；都係拿拿林衝返落去換返件衫先啦﹗轉身，我就衝左返去。
「你自己一個落去，唔怕俾人識穿咩﹖」獅兄不慌不忙地。
窒一窒：「咁唔通同你一齊落去就唔會俾人識穿啊﹖」我轉身回應。
「有個大舊d既人可以俾你遮下…我係大舊衰丫嗎。」講完，佢又拖住我捉返我落去。
同佢一齊落去係有個人俾我遮下既…同佢一齊咪仲多人望住我﹖
「喂﹗唔好啦…我自己一個得啦﹗」身邊經過既同學見到獅兄「夾」住我都議論紛紛。
獅子咬住既野又點會咁易放口。
艱難地，終於返到去獅兄既班房；班男仔唔見左一半，淨低既大多係度溫緊書；而班師姐呢，又再圍埋
一齊唔知討論緊d乜野。
佢地見我返黎都興奮雀躍地尖叫。
「你地返黎啦﹗岩岩去搞左d乜啊﹖」貓貓係個搞字加強左語氣。
獅兄合眼微笑，但係無回應貓貓：「樂樂同貓貓去換衫啦。」
等陣先﹗我行去貓貓師姐身邊，細聲說：「你地唔會講出去架可﹖」臉上充滿恐懼。
貓貓正色道：「班男仔都唔會。」我諗我信得過你掛﹗
好啦﹗係時候結束呢一切啦﹗當我正想同貓貓步出課室去換衫既時候，驚覺光頭黃正一臉不滿地行緊過黎。
我望下貓貓，貓貓又望下我。
光頭黃唔係又黎挑我機下話﹖
光頭黃來勢洶洶，令我不得已退返入班房。
「點…點算啊﹖」我轉身向獅兄求救。獅兄行動迅速地行去門邊探頭：「真係光頭黃喎。」。
「我唔駛你幫我確定啊﹗」望住獅兄一臉唔在乎既樣，真係想中佢一拳。
反而係貓貓做實事：「男仔全部另咩面﹗女仔過黎﹗阿亭你去門口頂住先﹗」咁樣一命令，班師兄師姐們又真係行動架喎。
獅兄狀甚古惑地僕係門口，好似見到咩獵物咁；光頭黃你都岩﹖
師姐們圍住我，阿嘉、貓貓同小新7手八腳地幫我還完基本法，阿嘉幫我除呔、小新幫我換褲；而貓貓就做最破壞性既野—搞亂我個頭。
而獅兄呢，佢正伸個頭出門外同光頭黃對峙。
光頭黃：「你地係入面搞緊乜野﹗你岩岩係唔係拖左個女仔入去﹗個樣咁生口面既﹗係唔係外校生黎架﹗」。
獅兄一臉輕鬆：「你睇錯啦，岩岩果個係我地同學黎姐。」。
光頭黃自然唔信：「我係呢間學校出曬名記性好，無理由有呢個學生我唔知既﹗你一定係有野收埋﹗開門俾我搜﹗」光頭黃係課室窗外望黎望去，只係見到班師兄集體望住佢，仲有班師姐圍埋一個圈唔知搞緊d乜。
「等多陣…啊…等多5分鐘啦。」獅兄非常認真咁挑緊光頭黃機；光頭黃叫我地做乜都莫敢不從；難得獅兄仲臉不紅氣不喘咁保持微笑，又令我諗返起果日佢同吳sir密密針。
千辛萬苦地，我件bra都濕曬；終於換返男裝，我轉左個胸俾班師姐檢查確定無問題後，貓貓就示意所有人回復原狀；同時叫獅兄開門。
「李汝亭﹗你究竟要阻我幾耐﹗你知唔知你咁目無尊…」光頭黃正發火既時候，回緊頭既獅兄開門：「請。」仲微微躬身，微笑依舊；佢咁樣係叫eq高丫定係君子報仇十年未晚呢﹖
光頭黃既視線左掃右掃，迎面而來既只有幾日前棄佢既訓示而不顧既毒向左走向右走樂。
掃黎掃去，呢一班係得我有異樣；光頭黃自然難以置信，堅持問題重點唔係我度。帶個師妹同帶個師弟入房既分別好大嫁嗎﹗
「李汝亭﹗你好講啦﹗你收埋個女同學係邊道﹗」光頭黃甚嚴肅。
「黃sir你誤會啦，岩岩同我入黎果個係阿嘉黎架。」獅兄仍甚輕佻。
「係啊黃sir…岩岩係我同李汝亭入黎架。」阿嘉師姐都面無懼色。
究竟係佢地太大膽定係我太細膽呢﹖
光頭黃仍然努力不懈地四處查找，彷彿書櫃可以塞得落一個女仔。
最後，佢終於肯放棄；從而將怒火發洩係我身上：「咁你呢陳俊樂﹗你入黎高form既班房做乜野﹗」帶點歇斯底里。
「我…」我都未我完，貓貓就搶先幫我答：「佢黎問下d有關功課上既野姐。」十個學生有九個俾阿sir
捉到做衰野都係咁答嫁啦。光頭黃：「咁問左d乜丫﹖」同時，十個學生有九個都係答唔出。
「um…」貓貓一副努力思索狀，光頭黃貌似發現端偽。
「佢黎係問一本叫Disgusting Digestion既書，睇下岩唔岩做閱讀報告姐。」
佢點知我要做閱讀報告架﹖
光頭黃對獅兄插嘴有點不滿：「咁你有咩結論丫﹖」，獅兄微微一笑：「呢d書、呢d故事雖然講唔出咩大道理，但係就好有親戚感；所以我高度推介呢本書。」
我o向左走向右走曬嘴，你咁都得啊﹖
幸運地，光頭黃唔識邊個好假既肥仔：「咁岩岩同你入黎個女仔係邊個﹖」可以俾光頭黃發爛喳既最後一條問題。
「咪就係阿嘉囉。」獅兄向阿嘉既方向揚一揚頭。
「無錯，就係我。」阿嘉連眼都唔眨一下。
光頭黃發覺佢實在唔能夠係呢一班抽稱到d乜野，學校政策係為確保高年級有良好學習氣氛，獲取良好考試成積及獎項；所以盡量結予自由，實行積極不干預；實行小政府主義。
如果光頭黃再無理取鬧強行干涉，俾多一兩個品學兼優既高form學生投訴佢—輕則燉冬菇，重則唔洗撈。
佢再望多兩眼就無癮地走了。
貓貓忍笑忍到個樣紅當當咁。當光頭黃終於肯走之後，貓貓終於爆發性地大笑；而呢一笑引起連鎖反應，全班都跟住笑—除左我同獅兄。
我意識到今日好似又發生左一件大單野，而獅兄就覺得佢幫我解決左一件大單野。
「小豪…佢地唔會同人講架可﹖」，「我保證唔會。」。
我坐係班房，正係到思考點樣寫Disgusting Digestion既閱讀報告。
Mk三人組對我既眼神又真係多左d敬畏喎﹗我仲從獅兄口中得知，原來係肥輝向佢報串，佢先周圍去搵我。
我向肥輝報以一個肯定既眼神，聽聞阿康仲想「出手」挑釁小豪；但係俾肥輝禁住。
阿康你就太傻仔啦﹗連mk燊都趙到你，越級挑戰小豪咪盞傷多兩錢重﹗都係肥輝醒目d﹗
感覺到四周既氣氛又開始出現左d微妙既變化：首先係小豪三人組唔再欺凌我，反而對我有d唯唯諾諾感；令原本係一邊冷笑住睇我俾小豪玩既阿怡臉上變得黯然無光。連肥輝阿康都feel到情況有d改變。
唔通獅兄所謂既幫忙真係奏效﹖
唯一無變既就係身邊既同學依然認為我係搞基—望下何志堅同李永燊個衰樣；你兩條男朋友都係食自己啦﹗
「喂…你記得聽日約左阿善嫁可﹖」趁班房既秩序有點失控，我走埋去同肥輝吹水。
「邊個阿善啊﹖」阿康追問。見你岩岩表現良好，就透露俾你知啦。
到我地三個都對阿善既認知步調一致：「原來阿樂你…有咁既靚女朋友架…」阿康有點想入非非，呢個咁細微既表情俾肥康捕捉到：「你咪打佢主意啊﹗小善係屬於我既…女神﹗」。
「得啦…﹗」阿康被肥輝既反應拋左下。
「你兩條友…唔好為左個女仔傷和氣好唔好啊…」試想問下丁滿同彭彭為左條女初而口角繼而動武，場面係幾咁現實同非迪士尼呢。
「哼﹗」肥輝撓埋對手，一臉志在必得；阿康就有點不滿，莫非佢連未見過面既女仔都起痰﹖
「阿康，你唔係想同肥輝爭下話﹖」趁星星之火仲未燎原，都係快手d救火啦。
阿康臉上顯現出一種毒向左走向右走獨有的慍怒—即係谷住道氣咁：「乜連你都覺得我係咁啊﹖」語氣流露些許失望。
「點知你啊…」我瞇起對眼；自己都身為毒向左走向右走，就緊係知女仔對毒向左走向右走微笑都會被毒向左走向右走理解成對自己有意思。
「…」阿康既失望感倍增。
「總而言之呢﹗我今晚一定會執靚自己﹗小善約我喎﹗」肥輝想入非非，係佢既角度裡，小善係因為掛住佢而約佢。我冷笑一聲，咁係因為一場意外喳。
「你唔好好似上次咁著啦…其實真係好核突啊…」呢個溫馨小提示，肥輝覺得充滿冒犯；同我唔理解佢既時尚觸角。肥輝鄙視左我一下：「得啦﹗聽日我會有煥然一新既裝扮架啦﹗」你唔會係將legging當褲著啊﹖到時嚇走左小善，係你自己既問題咋﹗
「咁阿康你呢﹖」其實我係應該關心多d阿康，因為佢既情況比肥輝更差—無自信得黎又劇毒：唔合身既t恤、卡其褲再加對跑鞋…
「上次話叫獅兄幫你裝身你又唔肯﹗」諗起呢個不肯改變的小毒向左走向右走真係一肚火﹗
「唔駛啦…我咁樣咪得囉…」阿康頭dupdup。
「咁係你十六年既生涯裡面有無女埋過身丫﹗」我義正詞嚴地。
「咪你囉…」阿康既聲音細到我聽唔到：「你講野大聲d啦﹗」我托起佢塊面逼佢正視我，條死仔竟然面紅。
「唔準面紅﹗」阿康連反抗既動作都無，直視我而且身體僵硬。
「點解你一d進步都無架…」對峙左幾分鐘，我放棄；攤坐係凳上。
「對…對唔住啊…」阿康閃閃縮縮…點先肯改啊你…。
「無得對唔住﹗聽日﹗就聽日﹗聽日叫埋獅兄出黎幫你裝身﹗」我一臉決絕，唔可以再藉口你拖架啦﹗
「吓…叫埋師兄出黎….﹖」肥輝明顯有顧慮，怕獅兄食左佢既小善。
「不如遲下先叫獅兄…」肥輝發表緊意見既時候，被我用狠毒既眼神望左一眼；佢就好自然地收聲；岩岩仲異常興奮既佢顯得十分失落。
「其實聽日都唔係咁適合叫…」肥輝仲係唔肯放過任何一個機會。
「其實聽日都唔係咁適合約小善出黎，不如我叫佢改期啦。」我冷冷地說；隻肥仔怯一怯，對我既目光有點敬畏。
你要分清楚邊個係裝閒啊死肥仔﹗為左阿康既前途，你都係讓一讓路啦﹗
「嗱﹗不如咁﹗聽朝叫獅兄出黎幫阿康裝身，再叫佢走﹗咁咪得囉﹗」肥輝諗左陣，又出埋d屎橋；獅兄係唔係度我唔在乎﹗最在乎係阿康可唔可以改變自我﹗
「不過其實你都未必叫得郁獅兄姐…」肥輝潑一潑我冷水；係喎﹗點解我覺得,一定會請到獅兄呢﹖
「嗯…」，「我會盡力請佢出黎﹗總之聽日你就記住捉阿康出黎就得啦﹗」我態度堅決。
阿康無再出過聲，只係一臉不安地望住我同肥輝。
都係時候返埋位寫返篇Disgusting Digestion；詳細既野今晚再傾啦﹗
寫寫下又有點心不在焉；阿康需要既除左係外表上既改變，最重要既係內心既改變；究竟點樣先可以幫到佢呢﹖
特別係佢對異性既態度﹗如果可以幫佢搵到個女性朋友，佢會唔會表現得寬容d呢﹖
小善﹗小善連咁騎呢既肥輝都接受到﹗無理由唔接受阿康既﹗
但女仔呢家野邊話得埋架…可能佢覺得阿康樣衰過肥輝呢…
又或者feeling唔岩。
總而言之，聽日係對阿康非常重要既一日﹗簡直係佢人生既轉捩點啊﹗
「係啦阿樂…點解你件衫怪怪地咁既…」阿康最後一句同我講既野。
因為岩岩既匆忙，師姐們唔記得搵返件男裝過我換；所以我仍然著呢年胸凸凸既女裝恤衫。
「既然你覺得怪…咁就唔好望啦﹗」。
放學果陣，我搵返班師姐拎返件污糟曬既男裝恤衫，諗住趁阿媽未返到屋企果陣洗左佢；唔好俾個機會佢問我發生咩事。
不過人算總不如天算，咁岩得咁橋；做緊兼職既阿媽今日提早放工，剛剛撞正我手洗緊自己件恤衫。
佢望見呢個情景既第一個反應，係問發生咩事；跟住佢已經自動聯想到我俾人蝦。
「咁阿女你有無俾人搞啊﹖哎啊﹗都係阿媽衰﹗阿媽唔應該俾你返學﹗」語氣激動之烈令我聯想起tvb。
「阿媽…我亞太區有一天成為亞太區親喳…仲有搞張身份證要成個月…唔通我成個月唔返咩…」。
「亞太區有一天成為亞太區親﹖女人亞太區有一天成為亞太區親都可以好大件事嫁﹗俾阿媽睇過有無事﹗」。
咁樣前前後後擾攘左成半個鐘。
到我寫完篇Disgusting Digestion既閱讀報告後，都差唔多7點。除左再一次提肥輝聽朝捉阿康出黎後，
仲有打俾阿康同佢講聽日唔出現你同我既友誼就玩完；之後膽粗粗咁打俾小善confirm聽日既時間：「喂…小善啊﹗我係陳俊樂啊…聽日係唔係下晝3點鐘啊…﹖」，「係啊…約係你屋企附近間Pacific Coffee等啦。」，「咁聽日見啦…」；「嗯…好丫﹗不見不散﹗」小善仲係咁pure咁true。
最後一件事；就係打俾獅兄，約佢聽日出現。希望佢應承我啦。
「樂樂你約我啊﹖好啊，就11點啦。」。
「…」好似順利得濟喎。
唔理啦，總之聽日就要幫阿康裝身﹗由毒向左走向右走變潮向左走向右走﹗我已經望過個戶口，聽日係時候同儲左十幾年既利是錢講拜拜，雖然唔捨得；但係同十幾年既朋友比算得係d咩丫﹗
因為興奮，又可能因為不安；係朝早7點鐘我就就扎醒左。
係輾轉反側既過程，我決定幫阿康計劃下今日既行程。
我明白毒向左走向右走既心態係唔可能係一個早上改變再係下晝應付女神既挑戰；所以重點應該放係佢既形象上。
雖然我都係毒向左走向右走；但我都明只要簡簡單單單尺寸合身，毒向左走向右走都會變得正常；如果加埋個正常既髮型咁簡直係升左個級。
升左級就自然有人肯埋身做你朋友，咁個人既自信就會升級；擺脫毒向左走向右走既命運。
無錯啦﹗加埋獅兄既星級指導，仲有我十幾年既利是錢—果度加加埋埋都幾千蚊架﹗我相信阿康再唔會係毒向左走向右走﹗
我覺得今日連陽光都燦爛左﹗
至於我著咩赴會…唔係重點啦﹗就好似當日咁，著件哈哈笑t恤，仲有條休閒褲cons咪得囉…
如果當日我無搵小善做訪問，今日既我會點呢﹖
都係唔好胡思亂想啦﹗幫阿康計劃要緊﹗首先就係幫佢剪過個髮型…然後幫佢買衫同褲…最後係對鞋…。
我真係拎起張紙同筆一筆一劃咁寫曬出黎。
一日既計劃表，係屬於阿康既計劃。
「阿康﹗好起身啦﹗而家9點啦﹗」岩岩食完通心粉既我急不及待地叫醒阿康。
「吓…你係邊個啊…」我諗阿康琴晚又通宵打機。
「你琴晚又打機打到幾點啊﹖」我不滿地問；咁重要既日子你竟然掛住打機﹗
「…我…啊…」，「唔準訓啊﹗」我激動得用住高分貝女聲黎驅走阿康既睡意。
「….係﹗」阿康既聲音明顯醒一醒。
「咁…你係邊個啊…」阿康羞怯地問；激死我：「我係阿樂啊﹗」。
「啊…阿樂…早…早晨…﹗」做乜你今日仲震過平時架﹗
「你快d起身洗面刷牙﹗我而家就過黎搵你﹗」我對阿康始終唔放心，佢係今日既重點﹗要貼身看顧先得﹗
時間黎到9點23分，我正企係阿康屋企既門前；微風吹到我條馬尾fing下fing下；亦正係呢個原因，我先扎起d頭髮。
睇黎我都係時候剪頭髮。
頭先阿康吞吞吐吐咁，繼續發揮毒向左走向右走本色叫我唔好上黎；當我問佢屋企有無人既時候佢又好誠實咁黎我無喎，咁緊係上去啦﹗
我聽住屋入面部電話響左十秒左右，係我手既電話先有聲出：「…喂….」。
「喂阿康﹗快d開門啊﹗」我打俾阿康呼喚佢開門；一來怕鄰居察覺異樣，二來怕阿康唔應機。
「吓…啊…哦…唔好啦…」我都企都門口出面啦，你仲唔咩好啊：「我而家係出面啦，你唔係要我返屋企下嘛。」我無奈地說。
拯救毒向左走向右走確實有d似揍仔。
「黎啦﹗乖啦﹗開門俾我入啦﹗」硬既唔得就用軟既﹗
點知換來既係一陣沉默…
「出面好凍啊…我又唔記得著外套…」我請求阿康俾我入屋。
「阿康啊…」而家9點30分啦…
「嘖、嚓」阿康終於開左門，一臉尷尬。
我又瞇起對眼望住佢：「你終於肯開門啦咩﹗」阿康閃縮地開埋鐵閘。
映入眼前係一間凌亂既家居。
阿康屋企無間房，只係用布廉或衣櫃作間格。
阿康間「房」就係門口直望，一個衣櫃加一塊布廉所構成；可謂毫無私隱，打個j都怕人聽到。
呢間屋三人同住；又唔算太擠逼既，香港地度度都係咁嫁啦。
「你間屋真係好亂啊﹗」一入屋，我就踢到唔知幾多期之前既soccer wave；認唔住﹗我跪低幫佢執散落一地既其他soccer wave兄弟。
「唔…唔駛啦﹗呢d野等…等我做啦﹗」阿康慌忙制止。
「等你做﹖係唔係好似等你自己脫毒一樣啊﹖」我抬起頭質問道。
阿康正好係我隔離俯身清理緊其他野；我一抬頭，佢又再垂低頭：「吓﹖」我地塊面既距離不足5cm。
「吓﹖」我都被佢既吓吓左下。
阿康一震，然後機械式地快速向後退；重心不穩再Hi Hi。
「啊﹗」最後跌左落張梳化度，動作甚為滑稽。
「哈哈哈﹗」見到呢一幕，雖然係Hi Hi d；但我都不禁笑起上黎。
「你有無事啊﹖」放低手上既雜誌，行去伸手拉返起阿康。
「…無事啊…」觸及我隻手既一刻，彷彿見到阿康有d面紅。
「你唔好成日咁緊張啦﹗放鬆d﹗」仍然緊捉住阿康。阿康眼神遊離，時而擔天時而看地。
我沉默地望住緊張既阿康。
我嘟起個嘴，扮章魚：「我咁樣會唔會易相處d啊﹖」希望搞下gag會令佢覺得輕鬆d啦。
果然，毒向左走向右走係無咩交際天份；阿康見到我咁既樣，無輕鬆不得止；被我捉住隻手仲想縮。
「吓…啊…哈哈哈…」從阿康生硬既笑聲，我知道自己又衰左。
「唉…」我停止左扮章魚，垂低仍然捉住阿康既手；再瞇起左眼：「果日你唔係捉住我捉到好過癮架咩﹖而家又想縮﹖」。
我將頭伸前凝視阿康，與變身後既第一日恰恰相反：而家阿康被我捉住，而且想往後縮。
「果日…啊…係…係意外啊﹗」阿康有點激動既意思。
「係咩﹖但係果日你捉得我好痛喎…會唔會係意外啊…﹖」我繼續控前。
「啊…真…係意…外﹗」阿康雙眼睜到大一大，呼吸有d誇張；佢已經退無可退啦。
瞇起雙眼：「哼﹗」我就放開佢隻手，繼續執雜誌。
阿康難以置信剛剛既景像，仍然係到喘緊氣。
「如果你對其他人可以好似果日對我咁大膽就好啦。」我自言自語。
阿康望住阿樂既背影，覺得既陌生卻又有點熟悉。
「阿樂啊…其實你覺得…你覺得我個人點啊…」阿康充滿不安。
對佢突如其來既主動提問，我感到突然：「咪毒囉﹗又毒又細膽﹗」我頭都唔轉。
阿康臉上有點失落。
「咁…你有無覺得我有咩…有咩…特質係可以吸引你架…﹖」阿康勇敢向前。
我停低手上動作，佢呢個問題問得咁怪既﹖我轉身：「你有咩特質係吸引我架﹖」
「吓…吓…啊…」阿康俾我既反問問得不知所惜。
阿康冷靜左一陣，又再問：「咁如果…如果我肯改…肯脫毒呢﹖」
「好少少咁啦。」我面無表情回應。
「靜係好少少喳….」今次既失望表露無遺。
「你起碼要順利咁同我對答先叫合格﹗」我嚴肅道。
雙方沉默左一陣，阿康繼續：「我同…同…啊…我係話如果…啊…如果…如果…我同獅兄…比…有無得…」。
「緊係無啦﹗獅兄呢種贏左起跑線上，邊有得鬥啊﹗」我繼續執雜誌。
呢個答案聽入阿康耳內，使佢挫敗感頻生。
「做咩啊﹖今日你問埋d問題咁怪既﹖你係唔係唔舒服啊﹖」對阿康怪異既表現，我又一次控個身埋去觀察。
「無…無啊﹗…最後一條問題﹗如果我脫毒同獅兄有無得鬥啊﹖」我一控埋黎，阿康又即時緊張曬，一次過將條問題講曬出黎。
「um…」我作思考狀，「走唔同路線…可能有得鬥掛…」唔通答無去打擊一個準備改變人生既小毒向左走向右走咩。
阿康頭一次展露笑意。
「你今日真係好怪啊。」執起一疊雜誌放上茶几，望一望個鐘；都係時候炒醒隻肥野。
「你食左早餐未啊﹖」忽視醒起阿康起身起得咁匆忙，可能未食野嫁喎；未食野就無精神，無精神仲點脫毒啊﹖
「未啊…」阿康仍帶點笑意。
真係頂唔順佢今日既表現，一時就唔出聲，一時就係到笑：「咁我煮碗通心粉過你，你去叫醒肥輝啦。」一邊命令阿康，我一邊打開雪櫃。
「吓…啊…吓﹖你…唔出黎住﹖」客廳傳黎阿康難為既聲音。
竟然俾我係雪櫃摷到包火腿出黎，真係意外收穫啊﹗
係我專注地切緊火腿絲既時候呢，我注意到阿康正在用說服既口吻黎同肥輝接觸緊：「你出黎啦…要搞下個形象﹖…駛唔駛搞咁耐啊…﹖喂…唔好啦…」。
睇黎肥輝又扭計；我拎住把菜刀面色一沉，真係想斬死隻肥仔。我衝出廚房，搶左個電話：「肥輝﹗你又搞咩啊﹖」。
「阿樂﹖你上左阿康屋企啊﹖…我要搞下個look睇下點襯丫嗎…唔駛搞﹖…點得架﹗要同小善出街喎﹗….」。
條死肥仔﹗
真係頂佢唔順，橫掂今日既主軸係獅兄；佢唔黎就算啦﹗
「咁就我同你加埋獅兄啦﹗」出現左阻滯，我既態度更堅決﹗
「不…如…不如…獅兄都唔好黎….就我…同你…」。
「你唔駛驚獅兄啦﹗其實佢幾好人架…好似係…」講完我都打左個冷震。
「…唔係啊…我同你去脫毒…。」
「我同你﹖點得啊﹖我又咩都唔識﹗你睇獅兄年中有咁多女朋友就知佢有返咁上下生活態度啦﹗」
「…」
阿康今日真係怪過變相怪傑啊﹗佢係唔係壓力太大個腦有少少短路啊﹖
我又返入廚房繼續炮製火腿通。
「講起火腿通，琴晚我係樓下間茶記食野果陣呢；聽到有個後生仔話要買費托首名入球；咁同捐錢比馬會有咩分別啊﹖係我諗緊要唔要阻止佢既時候，隔離位食緊火腿通既哥仔就行埋去叫個後生仔轉買細，仲即刻落左一皮保證；個後生仔真係買左12萬細﹗今朝我開電視，利物浦好似贏2比1啊﹗」。
阿康默默地聽，時不時又笑一下。我既心情就如碗煮緊既火腿通一樣翻滾不停，今日既阿康有d似變態佬。
望住阿康既食相—大啖大啖咁狼吞虎嚥，食到成個嘴都係；我都忍唔住拎張紙巾俾佢：「你抹下個嘴啦﹗」。
「…唔駛啦…」阿康望一望紙巾就拒絕。
唔駛﹖企理都係脫毒必需啊﹗我伸前個身，直接幫佢抹嘴：「企理d先有女仔鐘意架﹗」我覺得自己愈來愈似阿媽。
「啊…﹗」阿康有點尷尬、有點激烈地想推開我隻手。
「唔準郁﹗」被我叫一叫，佢又真係唔郁。
毒向左走向右走是怎樣練成的﹖通常都天生一個內向既性格，加上家人既對待；群體生活既挫折，咁就成就到一個毒向左走向右走。
阿康其實係一個可憐人，天生就內向；細細個果陣仲成日病。阿康老豆對個仔既體能非常不滿，作為跌打醫師就不斷搵d中藥偏方煲俾佢飲；可惜毫無功效。
繼後香燈呢個念頭，阿康老豆一樣咁勁；於是係佢5、6歲果年，阿康老豆包左個二奶，係大陸生左個仔。
有一排時間阿康父母都蘊釀緊離婚；老豆對阿康既冷淡、阿媽既愁眉苦臉，令阿康布滿陰影。
阿康老母又係傳統懦弱小婦人型，靜係攬住阿康日喊夜喊；結果連阿康都沾染埋呢d咁悲觀既性格。
後來，阿康老豆個二奶昆左佢幾十萬就帶埋個仔走左去；於是阿康老豆又死死氣地返黎阿康母子既身邊仲誓神劈願咁話唔會再犯。
結果小女人既阿康阿媽就接受返個老公直到而家。
呢一段經歷令阿康既自我價值愈來愈低，覺得係自己無用先搞成咁；最後就變左個毒向左走向右走。
有一年生日，阿康得我陪佢過；本來同佢諗緊晚餐食咩好，佢係街邊突然就喊左出黎；仲講曬呢d野俾我知。
佢話自己都唔想咁，自己都想好d。其實某程度上，阿康真係同我一模一樣。
所以既然我而有少少能力﹗識到d好似獅兄既上流人物﹗點解唔幫下我既毒向左走向右走朋友呢﹗
「所以唔準郁﹗快d食﹗」我訓示道。
「唔準郁…又點食啊…」阿康dup低頭，嘴角好似有d上揚。
「唔準笑﹗快d食﹗」小毒向左走向右走竟然敢還拖﹖ok﹗就俾你威返次﹗
「只要你脫毒呢…只要你脫毒呢﹗就會有明天嫁啦﹗」我繼續幫阿康抹嘴，而家佢瞬間變返怕醜仔。
「唔好咁啦…阿樂…我自己黎得啦…」阿康不停揮舞雙手，想格開我隻手；但腦充血既佢準繩度完全欠奉，通通被我避開曬。
「食完就好快d換衫﹗就夠鐘啦﹗…都係時候叫醒埋獅兄…」我拎起部手機慢慢地查找。
「真係…真係…要搵埋獅兄…﹖」阿康表現遲疑。
「緊係啦﹗唔搵佢出黎咁就白費心機啦﹗」。
「喂…﹖…獅兄啊…﹖」我緊張地問。
「早…晨啊…樂樂…嗯…」獅兄聽落岩岩訓醒，「…你…記得我約左你嫁可…﹖」我試探地問。
「啊…係喎…」你唔係唔記得左下話﹖
「而家都10點啦…」強忍怒意，因為真係無左佢唔得丫嘛﹗佢唔黎，唔通我帶阿康脫毒咩﹗
「啊…係…」跟住就無聲再接黎啦。
「唔準訓啊﹗」起身啊﹗
「oh…係…唔好意思…」獅兄仲加兩下笑聲。
忽然，有把女聲傳入：「bb，邊個打黎啊﹖」夠曬風騷。
BB﹖你就係因為做左人既bb就唔知醒﹗仲有個女仔係邊個黎啊﹗
我嬲到塊面一時青色一時紫色，「哈哈…喂樂樂啊…」。我留低一陣dodo聲作回覆。
「我諗今日既活動應該要取消。」我目無表情，面無血色地望住阿康。而阿康就被我既表現嚇呆。
「發生…咩事啊…﹖」阿康嘗試追問。
「佢﹗…唔知醒啊﹗」一講返就慶﹗邊個嗌你BB啊﹗個女人係邊個啊﹗搞到唔知醒﹗你約左我嫁﹗
真係想狠狠地踢佢一腳﹗
電話隨即又響起—cut線、響起—cut線、再響—再cut、又響、cut線。
明明講好左嫁嗎﹗又唔知醒﹗又要…又要搵埋個女仔上黎…﹗真係講起我就扯火﹗
既然有野做，咁做乜仲要應承我喎﹗應承完又唔好好地訓覺﹗
我唔理你啦﹗
我隻手緊握電話，視線望向飯枱但異常憤怒。
「究竟…究竟發生左d咩事啊…獅兄做咩啊…﹖」阿康怯怯地。
「無野﹗」我狠狠地回應。
「叮噹﹗」 手機收到信息；唔駛諗，一定係獅兄嫁啦﹗
拎起部手機望一望：「你聽我解釋先啦。」7隻字現於眼前。
仲有乜好解釋啊﹖電話又響起—「唔好再打黎啊﹗」，「等陣，樂樂…」。
「果個係我細妹。」獅兄趁我cut線前一刻吐左呢幾隻字。
細…妹﹖
我個腦一片空白，就算唔係細妹；咁又點啊﹖
「啊…哈…關我乜事喎﹗哈哈哈…你快d起身啦﹗就夠鐘啦﹗…哈哈哈…」我語氣僵硬地回應。
真係極危險﹗
獅兄好似心領神會，但又充滿古怪地：「嗯…咁一陣見啦…」就結束對話。
阿康佈滿問號：「阿樂…」，「活動又可以進行返﹗哈哈哈…你快d換衫準備下啦…哈哈哈…﹗」表現得極不自然。
連阿康都睇穿我…都係入廁所冷靜下先啦。
啊﹗連環既冷水潑面令我清醒左些許；毒向左走向右走樂啊﹗你係鐘意女人嫁﹗你曾經有勁架﹗你都唔會搞gay架﹗
唔好﹗唔好再理獅兄﹗就算佢講咩做咩都好﹗佢係雄性﹗無論如何我都唔會鐘意雄性生物﹗
差d就想塞個頭入馬桶。
「你真係…無事丫嗎…﹖」阿康企係原地不知如何是好。
「無事。」我冷淡卻又堅毅地回應。
見阿康唔郁，我嗱嗱聲推阿康：「唔好望住我啦﹗去換衫啦﹗」。「咁我著咩衫好啊…」阿康仍然不甚自然。
「um…平時咁著咪得囉…橫掂你都係去脫毒。」。
搞左陣，阿康又換左身量產型毒向左走向右走裝—鬆身t恤、卡其褲加對跑鞋。
無錯，係連身為毒向左走向右走既我都覺得毒。不過今日就係為左改變而出發﹗過左今日之後一切都會變美好﹗
「出發﹗」我豪邁地說。
星期六既商場認真多人；我同阿康企係商場既入口，等緊一個高大既身形。
仲有5分鐘先到11點，獅兄都未算遲到；但途人既目光就十分難頂，有幾十個人對我同阿康呢對怪異組合報以好奇目光。佢地先以欣賞既態度掃視一下我，當轉去阿康果陣又一臉討厭，有d仲擰擰頭。
乜阿康真係咁差咩﹖過左今日之後你地就會對佢另眼相看﹗
繼續注視人群，獅兄仲未黎嫁﹖唔會仲訓緊掛﹖
忽然，人群中既鄙視眼線漸漸增多；基乎經過既途人都面露不悅。起初我仲諗阿康唔係咁乞人憎啊﹖到後尾我先發現，問題唔係阿康。
係我既前頭；有一群作日系女僕打扮既人圍埋一齊，本來我都無乜留意；但慢慢發覺，被鄙視既源頭似乎黎自呢一道。於是連我都好奇地望過去。
一身打扮其實無咩問題；向上望，個樣都唔係話…咪住先，點解呢班人咁似男人既﹖
個個都五大六粗不特止…仲要有鬍既…﹖條友咁熟口面既﹖幾乎係我擁現呢條問題既同一時間，果位有鬍既女僕望向我—佢咪係琪琪﹖
Hi Hi啦﹗係呢d時候先黎撞正﹗當我想擰轉身迴避既時候：「樂樂﹗」獅兄好適時咁拍我膊頭。
宛如上次位中坑護士，我轉頭、面目猙獰地望向獅兄：「…乜咁岩啊…」。
獅兄微笑既臉上帶出些許疑惑；係佢心中，突然感到呢位師妹仲嬲緊佢。
「樂樂啊…」獅兄情深款款地搭住我膊頭。
眼角一掃，琪琪笑得非常男子漢地行過黎；仲有佢班朋友﹗一群偽娘正浩浩蕩蕩咁逼近。
此刻，我面容僵硬地望住偽娘群逼近；獅兄仲不知就裡咁挑逗我：「樂樂係唔係呷醋啊﹖最多下次獅兄帶你返屋企過夜啦﹗」
終於，偽娘群係群眾既側目下；逼近到獅兄都注意到佢地存在。
獅兄敏捷地跳左係我後面；再環抱我，將頭枕係我既膊頭上：「樂樂…你識佢地架﹖」獅兄既笑容都開始有點難色。
「係…啊。」我都就快笑唔出啦。
淨低阿康—佢唔慣有咁多人縮埋左係一二邊。一時不滿地望住我，一時震驚地望班偽娘。
但我地既共通點係：一致覺得班偽娘笑得好猙獰。
「樂樂啊﹗好耐無見啦﹗姐妹們﹗佢就係我同你地講最出色既…」當講到「最出色既 」，琪琪望一望獅兄；露出一個驚訝既表情：「你搵到男朋友啦﹖…仲咁靚仔…﹗」其他偽娘都嘩嘩聲。
「唔係男朋友﹗…係師兄喳﹗」企係一邊既阿康忽然勇敢地叫嚷。
俾獅兄玩弄同俾人當做偽娘之間…我選前者。
「唔係…﹗係師兄…﹗同時都係男朋友…」我迅速回應。我好傻豬地覺得如果我答有男友，琪琪班偽娘朋友會覺得因為我真係女仔。
事實證實我就係好傻豬﹗雖然班偽娘整尖班男聲扮女仔；但仍然掩蓋唔到豪壯既交談聲：「佢係我識既第一個偽娘有男朋友啊﹗」、「羨慕死人啦﹗」、「佢生得咁靚女﹗唔恨得咁多架啦﹗」。
獅兄則沉醉於我承認佢係我男友，不停用塊面擦我塊面：「估唔到今日約我出黎就係為左向我示愛…」。
阿康塊面則完全黑曬，恰似果日係kfc面對mk燊既表情。
我一次過引爆左三個炸彈。
偽娘群對住我高談闊論、師兄磨我塊面，阿康黑面望住我；呢三件事睇黎都因我而起。
首先收左獅兄皮先；我不耐地移開：「唔準磨啊﹗」然後用力推開佢塊面。獅兄無恥地同我鬥力；果然係天生異稟，用個頭都頂得住我一對手。
「你地耍花槍啊…嘻嘻…」呢一幕觸動到琪琪既神經。
「唔係…唔係耍花槍啊…﹗」弄巧反拙；「唔認耍花槍咪係耍緊花槍囉…嘻嘻嘻﹗」企係琪琪身邊，斷估唔
係天生金髮既偽娘開口。
點解佢地每次笑都要掩住個口，然後嘻嘻嘻咁笑﹖
「唔係耍花槍﹗」獅兄忽然嚴肅發言，「係調戲緊。」臉容又瞬間變返甜蜜蜜。
有一大班偽娘係度你都仲咁自得其樂﹗
無錯，獅兄係自得其樂所以可以無視班偽娘；但自得其「樂」個「樂」係指我啊﹗佢有我可以玩，咁我玩邊個啊﹖
視線轉開另一邊，阿康適時發火：「你…可唔可以禮貌d啊…﹗」雖然大致上同上次反抗mk燊既對白差唔多；但可能怯於獅兄既氣勢，今次阿康有點口震。
呢一開口，偽娘群亦轉移視線去阿康；琪琪上下打量阿康，最後一臉不屑：「原來你地識架…仲以為佢係路人添…」。
「佢係…佢係我既好朋友﹗」被調戲緊既我回復清醒；有人侮辱我既好朋友啊﹗
「佢係樂樂既好朋友，即係我既好朋友。」獅兄對眼閃過一道光芒。
阿康開口既原意無曬。
行人們睇見呢一班怪異組合，都不停回頭欣賞。
琪琪望下我，又望下阿康；一副鮮花插在牛糞上既表情：「唔講呢d野住﹗」然後就拉左我去一二邊：
「叻女喎﹗你幾時搵到男朋友架﹗仲咁靚女﹗佢知唔知你係偽娘啊﹖有無個靚仔d朋友介紹下﹖」。
「原來…原來你係gay…架﹖」。
「唔係﹗我內心本來就係一個女仔﹗鐘意男仔係好正常既事﹗」琪琪理直氣壯。
「你未答我啊…佢知唔知你係偽娘啊…﹖」琪琪急切地問。
「唔…知。」唔通我答你知，然後俾個機會你問獅兄我有關褲入面既問題咩﹗
「嘩…﹗即係你純粹用咁既外表追到佢﹖」琪琪一臉讚嘆。
「啊…」其實應該係獅兄煩我。
「咁又係既…你外表已經夠殺啦…」琪琪退後兩步，目光完全流露出羨慕。
「係啊…哈哈…」更主要原因係我根本就係一個女仔囉唔該﹗
「咁你地今日出黎拍拖…點解會帶多條…帶多個朋友既﹖」目光轉向阿康—正憤怒地啤住獅兄，但又敢怒不敢言。
「其實今日主要既行程係幫佢轉look…時間都唔早啦；我地係時候起行啦…」終於俾我搵到位鬆人。
「我同埋你地去啦﹗」琪琪原本既濃眉大眼變得更大。
「吓﹗唔好啦掛﹗」差d講左唔向左走向右走好啦掛﹗
「你唔想我跟埋去咩﹖」琪琪一個大男人，竟然用楚楚可憐模式；反觀而家既我真係雄糾糾：「唔係…係
怕我個朋友怕醜姐…仲有你唔係同班fd聚會架咩…」琪琪插嘴：「唔怕啦﹗佢地係我個偽娘會會員﹗今日係例行集會姐﹗我係副會唔去一次半次無所謂啦﹗仲可以話係幫個會招攬一個優質成員…」。
「吓…」你唔係講緊我啊﹖
「你幾時加入我地個會姐﹖」琪琪盡是期待。
真係講緊我。
「考慮下啦…」，「咁我就用一日時間去說服你啦﹗」。
一日﹖作為毒向左走向右走我真係唔識得點推，我求助地望向獅兄—佢報以一個唔駛驚，我會保護你既堅定眼神﹗
九唔搭八﹗轉返頭，琪琪已經同緊d偽娘講88。
啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊﹗—腦海裡突然出現橡膠穎。
「88啦樂樂﹗」、「樂樂88…」，琪琪講埋我個名俾佢地知啊﹗媽媽咪啊﹗「行得﹗我地第一站係邊到啊﹖」望住其他離開偽娘既背影，奶野既念頭愈奶愈深。
於是，一片愁雲慘霧籠罩係我頭上；我無黎精神：「行啦…」。獅兄同阿康隨即上路。
Anyway，今日既目的都仲係幫阿康轉look；大型牌子充斥商場—IT、IZZUE、CHOCOOLATE ，UNIQLO等等…究竟從邊一間開始入手呢﹖
素聞頭三間既價錢都唔平—雖然獅兄表示由佢出錢無問題；但我唔想無啦啦收人禮物。所以都係由網上好評，價錢平民既U記入手啦﹗
一步入U記，毒向左走向右走本質既我就開始緊張；阿康更係表現得如機械人。獅兄呢就一臉輕鬆自在，仲周圍望下有無靚女sale。
琪琪顯得同我地格格不入，佢既一身女僕look顯然唔係入黎買衫。
「um…究竟從邊到入手呢…﹖」點解我會自己諗架﹖今日唔係叫左獅兄黎咩﹖轉身搵佢，佢正隨手拎起件明顯唔岩佢size既細碼冷衫撩靚女sale傾計。
我不禁怒從中來﹗行埋去狠狠地中左佢一拳：「過黎﹗」語氣充滿威嚴—我覺得。
「我女朋友搵我啊…」獅兄丟低左呢句就跑左過黎，睇黎頭先果拳佢一d都唔覺得痛：「樂樂你又打左我一拳啦…」獅兄抑低頭，係我耳邊輕輕地講。
我心中一震，上兩次打左佢幾拳既下場都奶野；但…咁都係你抵死咋嗎﹗
垂低頭，往日既回憶令我不安：「你…你要幫阿康轉look啊﹗」呢一點我還是堅持的。
「無問題﹗」獅兄輕鬆回應，將視線轉向時而燶，時而尷尬既阿康。
忽然，獅兄又擰轉頭：「頭先CHOCOOLATE條迷你裙幾襯你，不如我買黎送俾樂樂你丫﹗」一臉雀躍。
「唔要啊﹗」話題又去返我身上—琪琪表示讚成，連阿康你﹗…都咁唔爭氣都流露左想睇我著迷你裙既表情。
我合埋對眼，覺得自己既人生閱歷又豐富左幾分：「阿康…今日其實係屬於你架...。」再示意獅兄埋去幫拖。
「買迷你裙啦﹗」獅兄鍥而不捨
「唔—買。」我沉隱而冷靜地吐出呢兩隻字。