[新手][校園] 當你中六果年先遇到教畜，最好嘅解決辦法就係‧‧‧‧‧‧: 22. 聖誕賤人報復大行動 (一)
喱一個星期唔洗踢波，終於可以輕鬆返少少，唔洗日日好似職業球員咁操，只不過我哋嘅補習後活動變咗準備Christmas Party啲嘢，點都算係輕鬆好多。始於都係人生最後一次嘅中學Christmas Party，我哋都想玩得開心啲，所以啲道具呀所有細節都搞得特別好。但係有樣嘢一直都係個迷，就係到底威廉同力仔會玩啲咩嘢。我哋八條友都覺得喱個Party係冇咁尋常。
Christmas Party 果朝我哋八個庶務組都好早就返咗嚟，見到大家著住好醒神粉紅色印咗自己名嘅班Tee，覺得喱個畫面好靚。大家真係好似已經融為一體咁。
「喂，佢兩個衰仔仲未返嚟呀。」我見威廉同力仔仲未蒲頭就問。
「唔見佢兩個呀！」全世界都係度諗到底佢兩條蛋散去咗邊。
「Hey，everybody！Merry Christmas！」喱個時候威廉同力仔企咗係門口。
「屌你！死咗去邊呀！」阿風一朝就係度發火。
「我哋兩個重要嘅主持當然係壓軸出場喇。」力仔喱一刻已經當咗自己係森美。
「喂，你果袋係咩嚟？」我見到力仔攞住個黑色垃圾袋。
「聖誕禮物。」力仔好確定咁答我。
「咁大袋，一人一盒condom呀。」始終我哋個溝通方式都係要串SevenSeven。
「整嘢喇，淫喱！」威廉唔等我講完就推我去做嘢。
我哋十個猛男用半個鐘就set好個場，啲人七點九開始陸續返到嚟。成個場八點鐘已經ready開始可以開party。不過，可惜唔可以即刻開，因為我哋係耶教學校，大家都知道通常係要搞個成個幾兩個鐘嘅service，係度唱埋啲耶歌，睇個年年一樣嘅三博士獻禮嘅話劇。成個rundown咁多年都冇變，作為中六嘅我哋已經悶到想擲雞蛋。
經過咗一小時四十五分鐘十九秒傻的嗎無聊嘅 Christmas Service，終於可以跑返上去班房開Party。今年個Party由於有法蘭西斯姐領導各位高質女同學負責食物，終於唔洗再食 Pizzahut、Pizzabox、Phd 嘅聖誕到會，真係謝天謝地，有返啲廚神級水準嘅嘢食。
「Francis姐，你畢業之後去開餐廳喇，你哋幾個夾埋一齊開，間嘢就叫……唔！」
「港女飯堂！」對唔住，我把口不嬲都唔收。
「Hi Hi喇你！」成班女衝著我而來，真係嚇親。
「嗱，食得七七八八喇，開始玩game喇！咁我哋依家分五組先喇！」當然喇，分組果陣力仔做咗手腳嘅。結果我哋十一個男仔分散咗做三組，同整嘢食班高質女一齊，至於教畜當然係菲gay chur一組喇，威廉再送多個毒女蘭西比佢。
分咗組之後，我哋已經係度交頭接耳，對教畜果隊虎視眈眈。只要一開始，我哋十個戲子就會action......