[新手][校園] 當你中六果年先遇到教畜，最好嘅解決辦法就係‧‧‧‧‧‧: 7. 我唔撚係嚟比你侮辱咖！
TGIF，終於到星期五。聽菲gay cher講，今日好似會派Quiz。不過，我諗都凶多吉少架喇。
條教畜行入嚟果陣西晒面咁樣，攞住疊卷走去電腦枱度，對個電腦係咁改。
我哋成班都完全唔知發生咩事，靜晒望住佢唔知係度做乜。
力仔︰「喂！條蛋散係度做乜勁？」
阿毛︰「可能因為我哋班成績太差，俾科主任照肺。」
我︰「抵撚佢死。」(奸笑)
過咗一陣，教畜攞住份卷兜野擲咗落我張枱度。
張︰「你睇下你自己做咗啲咩野出黎。9分？我俾份卷個Form 3做都唔止呢個分喇。你考乜鬼嘢DSE呀。我話你知，你係咁我唔會俾你出去考，你聽日同我寫封Maths Drop 科信出嚟。」
今日本身自己都唔係話心情好好，聽到佢咁樣係度無理取鬧，都火火哋，不知哪裡來的勇氣鬧番佢轉頭。
我︰「你想我哋Drop Maths咪同校長講囉，叫佢唔好俾我哋報Maths DSE囉。依家你係老師呀，我哋唔撚識係咪應該你講解番次出黎呀，考得差啲你就叫人Drop。香港人出糧比你嚟做乜呀，溝女呀？定係相睇呀？我話你聽呀，你唔係個教師，你係個教畜炸。」我一口氣將心裡面啲怒火噴晒出嚟。
「Hey, Shut up.」喱個時候有一把女人聲班房外面傳入嚟。
「How dare you talk to your teacher like that. Come out！」頭先鬧得興起，見唔到原來個仆街校長企咗係門口。
我俾佢帶咗落校務處，要我打電話俾老豆老母嚟見家長。
係等老豆老母嚟放工嘅同時，我俾個仆街校長叫咗我係校務處出面度企。
個死教畜仲突登由教員室行過嚟揶揄我。
張︰「呵……咁型呀喇……係度扮人民英雄。」
我︰「食屎喇你，終有一日我會搞死你。」
張︰「依家睇落都係你死先。你連DSE都咪洗諗住考。」