[新手][校園] 當你中六果年先遇到教畜，最好嘅解決辦法就係‧‧‧‧‧‧: 6. 決裂
「你依家算係點呀，唱9我呀，我未見過人為咗要條女，咁樣唱人。」我行到去6C班房門口已經聽到有人係我哋班房嘈緊。行到6D門口，就已經見到小夫同比利兩個人，眼中充滿怒火係度一對一PK。
「喂！唔好嘈啦。」大口仔攝咗係中間諗住勸交。「啲女仔係度呀，你地咁樣嘈到人呀。」喱條大口仔真係一個正義撚。
「收嗲啦，大口西。」比利同小夫幾乎係以同步嘅方式講出哩句說話。小夫仲一手推開咗大口仔。我見到喱個畫面真係笑到瀨屎。
跟住，小夫行前咗少少，同比利鼻貼鼻咁鬧。我同力仔見應該開始唔多對路就走過去勸交。
我、力仔︰「喂喂喂，冷靜啲。」
小夫︰「點冷靜呀，依家你個好朋友周Q圍咁唱我呀。」小夫面紅耳赤咁對住我講。
比利︰「我幾撚時有唱你呀？唔係事實咩，啱啱18歲就落老蘭。」
小夫︰「你唔鍾意咪留係屋企霉囉，成日係度扮成熟。」
我、力仔︰「算喇、算喇！」我哋兩個好盡力地平息佢哋嘅怒火。
小夫突然之間拎過黎問我地︰「你兩個講，今日之前你哋知唔知哩件事？」我同力仔都望一望對方，靜左冇聲出，基本上我咃個眼神已經講咗個答案出嚟。
小夫︰「你哋好野呀，見住我比人唱都唔出聲。」
我︰「你叫我點講呀，「比利話你溝咗佢條女呀」咁呀。你兩個我都識，你叫我可以點做呀大哥大？」無段段比人質疑我都燥燥哋。
小夫︰「你個仆街仔，你都係咁諗我？」
我︰「我幾撚時又話你溝人條女呀？我只不過覺得大家都冇錯姐。」
小夫︰「你講撚晒喇！」 力仔︰「唔好再嘈喇，你哋燥到咁點講嘢。」
我一支箭咁跑咗入去更衣室，兜腳踢去個locker門度發洩。
「算喇，佢都係火遮眼先亂講，唔好燥。」力仔驚我唔知會做咩，所以跟咗嚟。
差唔多成日我都係度諗緊呢樣野，上堂發呆，連今日個數學Quiz都係完全hea做。本身個Quiz又難，自己個腦又完全諗唔到嘢，所以求其畫咗幾筆就交。
而小夫由今朝開始，就再冇睬過我哋，甚至係冇理過全班人，好似屏蔽咗自己咁。