《BurgerKing與綿綿冰》: 只要過了明天
回到Neway，發覺原來我不知她們在幾號房。
拿出手機，打算打給樂宜問一下。誰知她一早已經Whatsapp了我。
老婆大人：24號房呀<3 -13：11
呵......這樣的女友，哪裡找呀？
推開24號房門，沒有半點音樂，只有零碎的吸啜聲。
接下來的就是AV情節，兩個女生互相......
原來我女朋友係less嫁！！！
迷之音：大家好耐無見......
咳咳......
麥克風被隨意放在沙發上，兩個女生正一人拿著一隻碟，用撥的方式將食物倒進口。
看得門口的我倆都呆了。
「哇......你地好肚餓？」阿達說。
「拱慧囉，響點哇！」大聲妹說。
唔該，字幕。
「係喎......都唔記得左，咁我都叫野食先。」阿達坐在大聲妹身旁。
留下一臉不解的我。
「你地......溝通到？」我問。
「點解唔得呀？習慣左啦。」阿達莫名其妙地說。
「咁可唔可以翻譯呀？」我笑了。
「佢啱啱話『緊係啦，兩點喇！』囉。點解你會聽唔出。」
「好啦好啦我輸喇，叫野食啦。」
我們的餐送來時，她們就剛剛吃飽了。迫不及待地點歌，於是我倆就一邊吃，一邊看表演。
兩個女生又唱又跳的，氣氛相當熱鬧。
跟她們唱K，實在是一種享受啊。
「喂呀好攰呀，你都唱啦。」樂宜靠著我的膀頭說。
「吓，你地點嗰啲我一首都無聽過喎，你地唱完先啦。」我說。
真的，我剛雖然聽得相當興奮，但實在連一首的歌名也說不出來。
「咁我求其揀首啦。」大聲妹在"熱唱榜"中隨便點了一首。
前奏緩緩響起，但由第二個音出來時開始，我已經知道出事了。
「哇做咩點首咁悲嘅歌呀？」我嘗試避開。
「好多歌都咁悲嫁啦依家。」大聲妹說。
看來是無可避免了，也沒所謂了，始終要面對。
我拿起麥克風。
分手總約在雨天
我已經不可以 跟你做朋友
連人生 都迷失
努力愛一個人 都不夠
一時的享受 能熱暖多久
最美好的一切 請你別硏究
誰值得 不值得
愛你不需理由 我卻知
錯過後哪可回頭
曾聽說雨天總要放手 總要分手
曾跟你約定下個淡季 浪漫旅遊
明日看雨點灑到滿天 總會掛念
我會隱藏我淚線
最美好的一切 請你別硏究
誰值得 不值得
愛你不需理由 我卻知
錯過後哪可回頭
曾聽說雨天總要放手 總要分手
曾跟你約定下個淡季 浪漫旅遊
明日看雨點灑到滿天 總會掛念
我會隱藏我淚線
說再見 為何不見
我的天 太心慌意亂
這陣痛 又蔓延
如果說雨天總要放手 總要分手
如果再見面學會面對 世界轉變
明日看雨點灑到滿天 總會掛念
我會隱藏我淚線 分手總要在雨天
......
房間靜了幾秒。
「做咩呀？好好聽咩？唔好崇拜我......」我連忙緩緩和氣氛。
「痴線佬！」樂宜第一個上當。
「嘻嘻~」我點了陳奕信的"重口味"，男生唱K要炒熱氣氛，就只能靠它了，
「準備好未？屯門周杰倫演唱會要開始喇！」隨著節拍感超強前奏，我做出MJ的經典Post。
......
「誰亦要勝利勝利勝利！要治本必須重口味~~~」
唱到一半，阿達終於忍不住和我一起唱了，始終這是他的金曲呀哈哈。
「哇！好赲呀！」我一屁股坐在沙發上。
一路唱，一路跳著菜刀手勢的舞蹈。實在是相當吃力。
不過轉移視線的效果相當顯著，連我自己也快忘了之前的事了。
「喂,原來夠鍾喇喎!」阿達看著手錶。
我瞄了一眼,原來已經五點了。
「哇!」樂宜輕輕地叫了一聲:「我地仲要拎野呀,旺角等啦!」
說完就拉著我的手跑走了。
要不是大家這麼熟,他們一定會認為我倆是不想付錢才逃走的。
被她拉著慢慢地跑,秋風颯颯地經過我的臉。
不擅長運動，卻硬要拉著我跑。
不知是因為正運動還是緊張，她面臉得快要爆炸，冷風劃爆空氣，刺穿我的心臟。
她卻將我心的缺口填滿。
所有事都像第一次見面時一樣。
不同的是，我現在可以將這份溫柔抱入懷了。
「哇！」她驚叫一聲：「做咩姐你，好多人望住喇！」
語氣卻沒有絲毫埋怨。
「嘿!你跑得咁慢,我抱起你跑仲快過你自己跑啦。」我說。
其實我只是想靠近她點。
她甜甜一笑:「好啦,咁行啦!」
「行去邊呀？」
「番鋪頭拎野囉仲問！」
接下來的表演很成功，我們各平台上的留意人數都已接近一萬人。
我實在意想不到，現在的人真的很無聊嗎？
雖然我沒太大反應，但其他四人已興奮得快要瘋了。
「唔哦哦哦哦哦！」大聲妹在西鐵裡叫了出來。
有幾個上班族立即西起塊面。
不要啊！我不想被放上網公審啊！
我偷偷看一看阿達，好像沒什麼大反應。
果然習以為常有時可以很危險......
「八婆！」周妍說：「細聲啲啦。」
「係喎哈哈，sorry。」她吐一吐舌。
「不如下個星期都表演啦，如果唔係啲人分分鍾唔記得左我地。」周妍說。
「果然係我地首席觀眾，第時出道一定搵你做經理人。」阿達說。
噗，天也未黑就做明星夢。
「白痴仔......」我嘲笑：「今晚早啲訓啦。」
語音未落，五雙眼睛就瞪著我。
完蛋了，原來不止一人在做夢。
「我......我意思係，今晚早啲訓，聽日先有精神學習，準備未來嘅DSE，為自己嘅將來鋪路，為草莓綿綿冰打入國際市場鋪路！」我說，簡直將自己的急才發揮得淋漓盡致。
「唉......」大聲妹搖頭嘆息：「咁下個星期同樣時間又係咁啦？」
「我OK呀。」阿達第一個讚成。
「唔關我事，我負責拍片同聽嫁姐。」周妍說。
小龍女比了一個OK手勢。
樂宜看著我。
我......應該可以的吧？
沒約朋友，球隊沒練習。
咦？球隊？
......
難怪樂宜剛看著我了。
真細心，嘻。
我像個罪人一樣靜靜舉起手：「我......唔得。」
四雙眼睛再次帶著怨氣地瞪著我。
我尷尬一笑：「真係唔得呀......下星期有比賽。」
四人神情立即變得和善了一點。
「嘻嘻！咁我地黎睇你打啦！反正大家都得閒。」大聲妹說。
「係囉，去睇下你點樣親吻地板。哈哈哈哈哈......」阿達和應。
唉，別人都是夫唱婦隨，怎麼他們都是恰好反轉的呢？
不過也好，我也正擔心樂宜自己一個看會悶。
「你地唔怕悶都ok嘅......」我說。
「悶咩吖！你打波成日仆來仆去，點會悶。」阿達說。
他媽的！他聽不出剛剛的是客套說話嗎？
他又露出猥瑣微笑。
不......他是知道的，只是想趁機多嘲笑我一次。
好陰險啊啊啊！
「咁你睇飽佢啦。」我也懶得理他了。
「但係......」樂宜說：「阿妍又話驚啲人會唔記得？」
「係喎......咁點算呢？」大聲妹說。
此時，一陣寒意襲來，我下意識地望向阿達。發覺他掛著微笑說：「怕咩姐，上次首天空之城都咁多人留意，今次叫佢錄幾條片放上Youtube咪得囉！分分鍾會多左訂閱添。」
他用眼神跟我說：爽唔爽。
我：你想點
他：你估下
我：你介唔介意死一死
「好啦！就咁決定啦！」周妍說。
我這才回神過來：「吓？決定咩呀？」
「決定你要錄片呀！」她說。
......
我再看回阿達，他一副"計畫通"的表情。
他媽的！你是夜神月嗎？
每一個行動，都是有組織，有預謀的。
由一開始引領大家談要我錄片的話題，然後令我分心，使我不能用借口推遲，當我發覺時已為時已晚。
啊~~~好陰險呀！
「好啦......」我說。我也不好意思再拒絕了。
回到屯門後，大家都分道揚鑣，因為時間也不早了。
「唔好咁啦，最多我陪你錄啦。」樂宜悄悄地跟我說。
哈！還是你最好。
「唉......唔得，未夠。」我繼續一臉死灰地說。
她聽後縮一縮，雙手交叉放在胸前：「除左喱樣，乜都得！」
我笑了：「痴線！我咁鹹濕嫁咩？」我輕輕地捉著她的鼻子。
「你係囉！之前你......」
「得喇得喇，唔洗講出黎喇。」我連忙捂住她的嘴。
「唔唔唔.......」
「唉......其實我都只係掛住你杯綿綿冰姐，諗到我咁鹹濕。」我裝作悲動地說。
「姐係唔掛住我啦？」她不屑地說。
「緊係掛住你多啲啦，但我真係想食綿綿冰呀。」我按一按自己的肚子。
「低能仔，得十幾度仲食咩冰呀。」她說，卻笑了。
「但我真係想食呀......」我堅持。
「今晚食住啫喱先啦，聽晚番鋪頭先有得食。」
......
你如果未忘記佢，你一定會動搖。
......
明日......
「喂！喂？」樂宜在我面前揮手：「無得食姐，洗唔洗呆曬？」
「係呀，真係好唔開心嫁，」我笑說。
樂宜狐疑地看著我。
「快啲番去啦，有啫喱都好過無啦。」我搭著她的肩。
只要過了明天。