《只有一棵樹的森林》: 第九十五章

開開心心又來到五月，一年中最重要的月份。
為何？
因為我是五月出生的，所以五月當然就是最重要的月份，而今年的生日也十分十分難忘。
.
今年我的生日剛好是在星期一，所以為了遷就爸爸，我們就提早一天慶祝我的生日。
那天晚上，我看到方晴和媽媽一起在廚房煮大餐，偷偷看過，超級豐富！
.
「食大餐喇！」媽媽叫道
「黎喇！」我和爸爸也趕到廚房幫忙
.




真的超豐富！！中西大混合！中式有媽媽拿手的豉油雞翼，蒸魚；西式有方晴拿手的意粉和粟米湯。
桌上放的，全部都是我的最愛！
.
「嗱，呢餐就慶祝你生日，祝你身體健康，聽教聽話」媽媽說
「宜家仲未夠聽教聽話呀？」我反問
「勉強喇，不過如果快啲結婚，就一流喇」媽媽看著我
「呢樣野唔係我單方面可以控制到架喎！」我看一看方晴
「呀，世伯，你覺得個湯點呀？」方晴馬上轉移話題
.
這個晚上，很幸福，很美滿。




.
來到生日正日，一早起床就看到睡在身邊的她，已經是最好的生日禮物。
.
「早晨呀」
「早晨…生日快樂呀！」
「不如，今日我地番學校先食早餐囉」我說
「下，哦，好呀」
.
回校後，我就走去找蓮姐，借齊工具。
方晴一看到，就即刻興奮得在叫




「司徒駿混醬腸粉！！！」
「嘻嘻，啱喇！」
「但係，點解要番黎食腸粉既？我今日好開心喎」
「係因為我地的互相了解，多少源自呢碟腸粉，所以我想係今日咁重要的日子，再一次感受當初的感覺」
「好呀！」
.
正當以為一切都真的很美好時，偏偏又一個考驗來到…
中午的時候，朱老師突然走進班房，把我和方晴叫出班房。
.
「呢件事，本來只係關呀晴事，但我覺得呀駿你應該都要知道」朱老師神色凝重地說
「朱sir，究竟係咩事？」方晴問
「係十分鐘前，我地收到個電話，內容係話你爸爸啱啱被廉政公署邀請問話，涉嫌洗黑錢和賄賂」
「下，點解會咁架…」
「詳細情形我都唔太清楚，不過我已經同校長請示，如果呀晴有需要，呀駿你可以陪佢早退去了解情況」
這個時候，方晴完全呆了沒有反應




.
「呀晴！呀晴！」
「下？」
「我地執野呀，我陪你去」
.
匆匆收拾書包後，我們就乘的士趕去廉政公署。
全程車方晴沒有說過一句話，也沒有流過一滴淚，這更令我擔心她。
.
趕到後，向當值人員通傳後，等了一會我們終於被安排進入會客室。
進去後，看到方爸神色憔悴。
.
「女…」
「點解…」
「佢地屈我架！所有野都唔關我事，我只係何氏的替死鬼！」
「我一早講過，我唔鍾意何能夠，點解你一直都唔聽我講？」




「我無錯！我一直都係為你好！」方爸激動說
「為我好為我好，由頭到尾你都只係為左自己！為左自己更有錢，更有地位，你從來都無考慮過我！」
「我…」
「呀駿我地走！」
「呀晴…」
.
離開後，方晴終於忍不住，淚灑現場。
除了把她抱進懷中，我也再沒有甚麼可以做。
「喊喇，喊哂出黎會舒服啲架」我說
「鳴呀，點解，點解要係我，媽咪走左後，宜家又到Daddy，究竟係咪因為我？」
「傻既，點會關你事！係世伯唸歪左，俾何能夠一家利用咋麻！」
「呀駿，我真係唔知可以點做…」
.
這一刻，我覺得自己是垃圾…
我完全沒有任何辦法去幫方晴，我只能夠看著她一直傷心下去…




這一刻，我真的很痛心…
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈