《只有一棵樹的森林》: 第九十四章

再一次渡過難關後，我和方晴的感情又再一次得到昇華。
而今次之後，她對爸爸更是絕望。
雖然明知他只是代言人，但仍然覺得十分痛心。
.
方晴對於爸爸的「堅持」，對自己的不了解，覺得很無助，那天晚上，我已經數不起她在我懷中哭了多久。
.
翌日早上，我特意不去特訓，還把所有鬧鐘關掉，為的就是希望方晴可以睡久一點。
看到她哭腫的雙眼，我的心也像感受到同樣的痛。
.
小心翼翼的走落床，刷牙洗面後突然靈機一觸，馬上衝落街，四處找尋。




回到家後，卻見方晴十分茫然。
.
「呀晴，你做咩呀？」我憂心地問
「你去左邊呀？你知唔知我起身見你唔到，搵哂全屋都見你唔到，你知唔知我有幾擔心，你唔要我走左去！」方晴哭著說
「傻瓜，我點會唔要你呢！我係想俾你訓多陣，然後我突然唸到啲野，所以先落街咋麻」我解釋
「咁你去左邊呀？」
「我咪落街買你最愛食的早餐囉！」
「下？即係咩？」
「你合埋眼先喇」
「神神秘秘咁」




我把早餐餵進她的口中，讓她回味一下那種味道。
.
她一品嘗到味道後，馬上張開眼睛看著我。
「點解…」
「我見你琴晚咁樣，所以好想氹番你，咁啱又醒起，所以咪落街買囉，對唔住呀，令到你咁擔心」
「有呢樣野就開心番哂！好好味呀！」方晴終於笑起來
.
「梗係喇，我並唔係浪得虛名既！咪住，你刷牙洗面未呀？？」我問
「嘻嘻，未喎」
「咦，污糟豬！快啲去！」




「食多舊先喇！」
「快啲去呀！再唔去就遲到架喇！」
.
幸好看家本領並沒有令我失望，總算成功氹回呀晴。
.
接下來，總算有一段平淡的日子可以過…
時間也很快來到三月，又是老師趕著填滿鴨子的時候。
有時候，我也在想，復活節不該用兔子去代表，反該用鴨子，一隻隻填滿的鴨子。
大大的鴨子裹藏著一本又一本的補充練習，多鼓舞學生…
.
復活節後的例牌活動，當然就是期考。
今次的期考，完全沒有特別，也沒有難度。
.
有著整個假期去預備，又有方晴在旁，確實沒有理由考不好…
不過…




.
「今次考試全級第一名係…」朱老師正準備宣佈
大家都不敢亂估，因為今次真的是勢均力敵，我竟然在數學，經濟還有西史三科取得全級第一！
.
大家都屏住氣息，整間課室出現了一個極緊張的氣氛。
「今次的全級第一名…仍然仲係方晴！」
.
歡呼聲和失落聲不相伯仲，我聽到結果後第一個反應當然是失望，但是很快我就平復過來，好好去恭喜我的愛人。
.
「對唔住呀晴，今次贏你唔到」
「仲有一次機會！」
「你真係咁想我贏你咩？」
「係架，等我感受下輸的感覺麻，仲要輸俾我親愛的男朋友喎！輸都笑出黎呀！」
「傻瓜！」
「對住你，我都係！」




.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈