《只有一棵樹的森林》: 第七十七章

或許是第一晚做「廳長」，不太習慣，整晚輾轉反側。
數過無數星星和綿羊後，還是起身走走。
正當想去廁所時，突然聽到有人叫自己的名字。
心想不是那麼邪吧…仔細聽聽，好像是由自己房傳出。
打開房門，走近床邊，看到原來是呀晴在說夢話。
.
「呀駿…呀駿…唔好走呀…唔好離開我呀…」
「我係度呀，唔使驚」我緊握著她的手
「噓！」她還是驚醒了，一起床就嚇得四處張望
.




「呀駿！」她在黑夜中看到了我，就像找到光明般
「唔使驚呀，我係度」
「頭先我發夢你要離開我呀」
「傻瓜，發夢黎架咋，發夢永遠同現實相反」
「但係…我仲係好驚呀…你今晚可唔可以陪我訓呀？」
「下…」
「求下你呀…」
「咁樣…好喇，你等我一陣」
.
我把以前露營的地蓆拿出來，鋪在地下。




「咦，你做緊咩呀？」
「鋪地下陪你訓囉」
「下，地下咁凍」
「得架喇，有地蓆就好好多」
「不如…」
「夜喇，訓喇」
.
就這樣，我陪她入睡了。
我睡地上，她睡我床，她的右手拖著我的左手，這是我倆最近的距離。
.




如果這件事傳出去，肯定會被無數人唾罵我「死蠢」，明明這麼好的機會也不主動。
但是，如果我乘虛而入，那麼我跟何能夠又有甚麼分別？？
我還是過不了自己的心理關口，現時這樣，我已經十分心滿意足。
.
翌日早上，我竟然遲了起床，起床的時候已經過了太陽出來，天也亮了。
.
雖然師傅說假期就該休息，但有時我還會自己去做一些訓練，保持狀態。
.
起床的時候，看到媽媽在煮早餐。
「早晨媽咪，咁早起身既？」
「琴晚訓得早訓得好，今日咪早起身，你呢，咁晏起身既？」
「琴晚訓得唔太好」
「哦，好野呀，一晚就搞掂喇」
「媽咪你講咩呀？」
「不訓不訓還須訓，琴晚好忙喇」




「琴晚呀晴發惡夢，我入去氹佢訓咋，佢訓床我訓地下咋！」
「大個仔喇，你自己負責得架喇」
「媽…」
.
食過早餐後，方晴也終於起床了。
「對唔住呀各位，我應該早啲起身整早餐」
「傻女黎既，呢啲野邊使你做，你訓多陣仲好」媽媽說
「但係…」
「總之你放心係度住喇」
「無論如何，我都會幫手做家務既」
.
就這樣，方晴就開始在我家生活。
雖說她是有錢女，但絕對不是千金小姐，家裹雜務她樣樣懂，難怪她深得媽媽歡心。
.
「今日係聖誕節，媽媽今晚煮聖誕大餐俾你地！」




「伯母，不如今晚俾我負責孝順你地？」
「下，唔好！」
「媽，你就由佢喇，如果唔係佢會唔安落架」
「下，咁好喇，嗱，呢度有三百蚊，你地自由發揮喇」
「唔得，點可以用伯母的錢！我戶口仲有零用錢，今晚就等我負責！」
「下，咁點可以呀…」
「得架喇，司徒駿，跟我落去！」
「係既！宜家即刻黎！」
.
「呢個仔呢，真係得你先治到佢」
「唔好咁講喇，伯母我地落去喇！」
.
Facebook：微言
Instagram：smallpotatosay
一至六每晚7點，重溫當年走過青蔥的歲月




Facebook, Instagram, 紙言, 高登共同發佈